Owisa 17 - Iaai Bible 1901 (New Caledonia)

¹ KE e hu ke at aten hnyei ae hut hnyi Eferaima, Mika ien.

² Ke e ame ha ka hinyen, ka habe, Haba je sileva a eleven haded adre hom unyâm, wale u je û-hangö gan, me fuc gan hnyi li hnyekönyök, wâ bi, e unyik; oge hom. Me ame ha hinyen, ka habe, E hnahic ut nokuk ûnyi; ga Iehova.

³ Ke e ame ham hmetu je, mone a eleven haded ka hinyen, me hinyen ame ha, ka habe, Oge me okabâ je mone kö Iehova ûnyi hnyi hnyamök hobi kâu nokuk, mʼ adre me ânyâ hnatheat adre tretrao me hnatheat adre oköiâ: ke walang ang oge me he ka ham köu.

⁴ Ke e ame ham je mone ka hinyen, me hinyen ame hom lo li haded je sileva me ham ka at ame huliwan fao, me e ame ânyâ hnatheat adre tretrao, me hnatheat adre oköiâ: ke ka e hnyi uma umö Mika.

⁵ Haba Mika, me ame tren uma umen je khong, ke e ame ânyâ iefoda, me je idola, me okabâ ke nokon me me at bihut unyin.

⁶ Haba hnyi ûen e, me ba than hnyi Isaraela: ke adre me ve ânyâ ûnyi ae wisa ködrin.

⁷ Ke wale ke hidröu ûheny Bethe-leema-juda, hanen lap anyi Juda, ke e at Levi bi, ke e ame laba kanyua eling.

⁸ Ke ame he at ûheny hnyi taun Bethe-leema-juda he ka elâm ke dok he ka laba kanyua hnyin; ke e ame o thö ka hnyi hnyei ae hut hnyi Eferaima, me he ka hnyi uma umo Mika.

⁹ Ke Mika ame ha kâu, ka habe, U je muâ? Me e ame ha, ka habe, Iny at Levi, ûhek Bethe-leema-juda, ke oge me he ka laba kanyua hnyi ke dok oge me he ka wâ.

¹⁰ Me haba Mika ame ha kâu, ka habe, Tha laba ju mönya he ka bi kamök me at bihut unyik; me oge me he ka ham köu ten je sileva hnyi ke huna me ke huna, me khaca bwiny khaû, me jeû. Me haba at Levi ame didro.

¹¹ Me so bi ka at Levi he ka tha laba mê; me haba hidröu me helâ me ke nokon bi.

¹² Ke haba Mika ame otilâ at Levi, me me anyin at bihut hidröu eling, kʼ ame laba eiö hnyi uma umo Mika.

¹³ Ke haingö Mika, ka habe, E khanö nya walang ang a ga me he Iehova ka ânyâ ûnyi ae so könya, anyin ae hu unyik at Levi hnân at bihut.