Numera 7 - Iaai Bible 1901 (New Caledonia)

¹ KE hnyi bong a um dö Mose otilâ uma mano, me hû me okabâ e, me je omjehen e hia, me taben hut me je utkaiainy hia, me hû me okabâ ta je ûnyi e;

² waleji a ham hnen je tuhan at Isaraela, a taben je lap anyin lakamödra; a je thainy je tribu, waleji adre otilâ hon tavat adre aû:

³ ke adre me hom anyidra je bwihlany kö Iehova, a siks je kât adre tube hon, ke twelv je bolok; ûsa khaca kât ge lo li than, ke ûsa khaca bolok, ke adre me hom ta je unyi e ka hnyi hnyimakan uma mano.

⁴ Ke Iehova ame ha kö Mose, ka habe,

⁵ Hom je ûnyi e ûnyi gadra me me hobi kâu huliwa hnyi uma ûkhacaköu; ke u me he ka ham ka at Levi, hoton je ve huliwa.

⁶ Ke haba Mose ame hom je kât me je bolok me ham ka at Levi.

⁷ Ke e ame ham ha laku Geresoma lo li kât me vak ta bolok, hoton anyidra huliwa:

⁸ ke e ame ham ka laku Merari vak ta kât me eit ta bolok, hoton anyidra huliwa, kʼ ame he Ithamara nöku Arona at bihut he ka muso.

⁹ Ke e ame ca ham bi ka laku Kohatha: anyin adre me huliwa eiö hnyi dok ae kap; kʼ adre me vadren hon je bajibenyidra.

¹⁰ Ke haba je than ödrin e ham bwihlany hnân okabâ taben hut hnyi bong adre me hû e hnyin, haba je than ödrin e hudo anyidrin hut hnyi hnyimakan taben hut.

¹¹ Ke Iehova ame ha kö Mose, ka habe, Ame he je than ka ve hudo anyidrin je hut hnyi anyidrin bi je bong, hnân okâbâ taben hut.

¹² Ke haba at ame hudo anyin hut hnyi bong a bân, me Nasona, nöku Aminadaba, ûnyi hnyi tribu Juda:

¹³ ke haba anyin hut, me khaca mini sileva, a wan haded ke thöte je sekel ihmakiny, ke khaca kaia sileva a sevente je sekel, hoton sekeliny dok ae kap: a unöngöt li unyi e ge salawa ae so adre ûhaniken me wakaco, hnân hudiny han;

¹⁴ ke khaca spun gol a ten je sekel, ae unöngöt ge ûnyi ae bo so hnân le;

¹⁵ ke khaca nak bolok, ke khaca mamoe baga, ke khaca nokon mamoe baga a khaca hunainy hnân hudiny leû;

¹⁶ ke khaca got baga hnân hudiny hulö;

¹⁷ ke hnân hudiny ole lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy. Wale hut anyi Nasona, nöku Aminadaba.

¹⁸ Ke hnyi bong a loiny, haba Nathaniela, nöku Zuara, thaniny at Isakara, ame hudo:

¹⁹ ke e ame hudo anyin hut a khaca mini sileva a wan haded ke thote je sekel ihmakiny, ke khaca kaia sileva a sevente je sekel, hoton sekeliny dok aeʼ kap; a unöngöt li ûnyi e ge salawa ae so adre ûhaniken me wakaco, hnân hudiny han;

²⁰ ke khaca spun gol a ten je sekel, ae unöngöt ge ûnyi ae bo so hnân le;

²¹ ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

²² ke khaca got baga, hnân hudiny hulö;

²³ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Nathaniela, nöku Zuara.

²⁴ Ke haba hnyi bong a kuniny, Eliaba, nöku Helona, thaniny je laku Zebulona:

²⁵ ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han;

²⁶ ke khaca spun gol a ten sekel, ae unöngöt ge ûnyi aebo so hnân le;

²⁷ ke khaca nak bolok, ke khaca mamoe baga, ke khaca nokon mamoe baga, a khaca hunainy, hnân hudiny leû;

²⁸ ke khaca got baga, hnân hudiny hulö;

²⁹ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Eliaba nöku Helona.

³⁰ Ke haba hnyi bong a vakiny, Elizura, nöku Sedeura, thaniny laku Reubena:

³¹ ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva, a sevente je sekel, hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han;

³² ke khaca spun gol a ten je sekel ae unöngöt ge ûnyi ae bo so hnân le;

³³ ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

³⁴ ke khaca got baga, hnân hudiny hulö;

³⁵ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Elizura, nöku Sedeura.

³⁶ Ke haba hnyi bong a thabûng, Selumiela nöku Zurisadai, thaniny je laku Simeona:

³⁷ ke haba anyin hut, me khaca mini sileva, a wan haded ke thöte je sekel ihmakiny, ke khaca kaia sileva a sevente je sekel, hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han;

³⁸ ke khaca spun gol a ten je sekel ae unöngöt ge ûnyi ae bo so hnân le;

³⁹ ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

⁴⁰ ke khaca got baga hnân hudiny hulö;

⁴¹ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Selumiela, nöku Zurisadai.

⁴² Ke haba hnyi bong a siksiny, Elisafa, nöku Deuela, thaniny je laku Gada:

⁴³ ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han;

⁴⁴ ke khaca spun gol a ten je sekel ae unöngöt ge ûnyi ae bo so hnân le;

⁴⁵ ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

⁴⁶ ke khaca got baga hnân hudiny hulö;

⁴⁷ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Eliasafa, nöku Deuela.

⁴⁸ Ke haba hnyi bong a seveniny Elisama, nöku Amihuda, thaniny je laku Eferaima:

⁴⁹ ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente sekel hoton sekeliny dok ae kap, a unöngöt li ûnyi e ge salawa ae so adre me ûhaniken me wakaco, hnân hudiny han;

⁵⁰ ke khaca spun gol a ten sekel, ae unöngöt ge ûnyi ae bo so hnân le;

⁵¹ ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

⁵² ke khaca got baga, hnân hudiny hulö;

⁵³ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Elisama, nöku Amihuda.

⁵⁴ Ke haba hnyi bong e eitiny, Gamaliela, nöku Pedazura, thaniny je laku Manase;

⁵⁵ ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel, hoton sekeliny dok ae kap, a unöngötʼ li ûnyi e ge salawa ae so adre ûhaniken me wakaco hnân hudiny han;

⁵⁶ ke khaca spun gol a ten sekel, ae unöngöt ge ûnyi ae bo so hnân le;

⁵⁷ ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

⁵⁸ ke khaca got baga hnân hudiny hulö;

⁵⁹ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy; wale hut anyi Gamaliela, nöku Pedazura.

⁶⁰ Ke haba hnyi bong a naininy, Abidana, nöku Gideona, thaniny je laku Beniamina:

⁶¹ ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel hoton sekeliny dok ae kap, a unöngöt li ûnyi e ge salawa ae so adre ûhaniken me wakaco, hnân hudiny han;

⁶² ke khaca spun gol a ten sekel ae unöngöt ge ûnyi ae bo so hnân le;

⁶³ ke khaca nak bolok, ke khaca mamoe baga, ke khaca nokon mamoe baga a khaca hunainy hnân hudiny leû;

⁶⁴ ke khaca got baga hnân hudiny hulö;

⁶⁵ ke hnân hudiny ole, lo bi bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Abidana, nöku Gideona.

⁶⁶ Ke haba hnyi bong a teniny, Ahiezera, nöku Amisadai, thaniny je laku Dana:

⁶⁷ ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente sekel hoton sekeliny dok ae kap, a unöngöt li ûnyi e ge salawa ae so adre ûhaniken me wakaco, hnân hudiny han;

⁶⁸ ke khaca spun gol a j ten sekel, ae unöngöt ge ûnyi ae bo so hnân le;

⁶⁹ ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

⁷⁰ ke khaca got baga hnân hudiny hulö;

⁷¹ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Ahiezera, nöku Amisadai.

⁷² Ke haba hnyi bong a eleveniny, Pagiela, nöku Okerana, thaniny je laku Asera:

⁷³ ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente sekel, hoton sekeliny dok ae kap, a unöngöt li ûnyi e ge salawa ae so adre ûhaniken me wakaco, hnân hudiny han;

⁷⁴ ke khaca spun gol a ten sekel, ae unöngöt ge ûnyi ae bo so hnân le;

⁷⁵ ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

⁷⁶ ke khaca got baga hnân hudiny hulö;

⁷⁷ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Pagiela, nöku Okerana.

⁷⁸ Ke haba hnyi bong a twelviny, Ahira, nöku Enan, thaniny je laku Nafatali:

⁷⁹ ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente sekel hoton sekeliny dok ae kap, a unöngöt li ûnyi e ge salawa ae so adre ûhaniken me wakaco, hnân hudiny han;

⁸⁰ ke khaca spun gol a ten sekel, ae unöngöt ge ûnyi ae bo so hnân le;

⁸¹ ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

⁸² ke khaca got baga hnân hudiny hulö;

⁸³ ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Ahira nöku Enan.

⁸⁴ Wale hnân okabâ taben hut, hnyi bong thaniny at Isaraela ame hû e hnyin: a twelv je mini sileva, ke twelv je kaia sileva, ke twelv je spun gol:

⁸⁵ ûsa wan haded ke thöte je sekel ihmakiny je mini sileva, ke ûsa sevente sekel je kaia: haba ihmakiny silevainy je kaia hia, me tu thauzan ke foa haded je sekel, hoton sekeliny dok ae kap;

⁸⁶ ke twelv je spun gol ae unöngöt ge ûnyi ae bo so hnân le, a ûsa ten sekel ihmakiny, hoton sekeliny dok ae kap: haba goliny hia je spun, me wan haded ke twente je sekel:

⁸⁷ ke haba je bolok hia hnân hudiny leû, me twelv je bolok, ke twelv je mamoe baga, ke twelv je nokon mamoe baga, a khaca hunainy, me je hudiny han: ke je got baga a twelv hnân hudiny hulö:

⁸⁸ ke haba je bolok hia hnân hudiny ole, me twente foa je bolok, ke sikste je mamoe baga, ke sikste je got baga, ke sikste je nokon mamoe baga a khaca hunainy. Wale hnân okabâ taben hut hnyi hna hû e.

⁸⁹ Ke hnyi ûen ame didro Mose ka hnyi uma ûkhacaköu he ka ûhnenamö mē, me e ame löng Hwan ame fuc kâu ûheny thö hon taben ibetengiö wale hon tang ohnatho, ûheny hnyi wanben li kerubi: ke e ame fuc kâu.