Numera 34 - Iaai Bible 1901 (New Caledonia)

¹ KE Iehova ame ha kö Mose, ka habe,

² Hûna thö ka lakon Isaraela, ka habe, Öbun ka o but ka hnyi hnyei Kanana, (wale hnyei adre me he ka ham köbun me ibun, a hnyei Kanana hoton je hnyigöulen,)

³ me haba ibun ka hnyi hwaiöu ame he kʼ hwân hnyi hnyebuba Zin, hnyi baten Edoma, ke haba hnyigöulöbun ka hnyi hwaiöu, ame he ka hwân hnyi obiny Köiö ae Hiny ke ne o but e deiö:

⁴ ke ame he ka khenyi hnyigöulöbun ka hnyi hwaiöu anyi gethen ûheny Akerabima ke ne o but Zin: ke adre me he ka umo hnyi hwaiöu, wale Kadesi-banea; ke ame be ka he ke ne o but Hazarader, ke ne o but Azemona:

⁵ ke ame he ka khenyi hnyigöulen ûheny Azemona ke ne o but hnyi wageweiny Aigupito, kʼ ame he ka umo hnyi köiö.

⁶ Ke haba hnyigöulen e jiö, me köiö ae gan, wale hnyigöulöbun, a hnyigöulöbun e jiö.

⁷ Ke walang hnyigöulöbun ka hnyi hwadrö: haba hwân hnyi köiö ae gan öbun e he ka bi haten ke ne o but hnyi bucen Hora:

⁸ ke ûheny hnyi bucen Hora me öbun e he ka bi haten ke ne o but hnyi gethen ûheny Hamath; kʼ adre me he ka umo hnyi hnyigöulen Zedada:

⁹ ke e bala bi hnyigöulen ke ne o but Zifona, kʼ ame he ka umo e Hazar-enana: wale hnyigöulöbun ka hnyi hwadrö.

¹⁰ Ke öbun e he ka bi haten hnyigöulöbun e deiö, hwân Hazar-enana ke ne o but Sefama:

¹¹ ke e bi hnyigöulen ûheny Sefama ke ne o but Ribela, hnyi ke keihen Aina ke e deiö; ke e bi hnyigöulen ke ne o but ke keihen baten köiö Kinereth ke e deiö:

¹² ke e bi hnyigöulen ke ne o but Joridano, kʼ ame he ka umo hnyi Köiö ae Hiny: wale ibun hnyei hoton je hnyigöulen igigilö.

¹³ Ke haba Mose ame hûna ka lakon Isaraela, ka habe, Wale hnyei ame he ka hu gabun ge ukleköb, waleji hnö Iehova hnö hûna he ka ham ka je tribu a nain ke hafiny tribu:

¹⁴ anyin a haba tribuiny laku Reubena, hoton je lap anyin lakamödra, me tribuiny laku Gada hoton je lap anyin lakamödra, me hafiny tribu anyi Manase, haba ödra adre me hia but ve kap idra:

¹⁵ haba li tribu ke hafiny tribu, me adre me ve kap idra hnyi ke keihen hoton Joridano hnyi Jeriko ke e deiö, cicö hna o hnen seûnö.

¹⁶ Ke Iehova ame ha kö Mose, ka habe,

¹⁷ Walang ien je hnyat ödrin e he ka khenâ köbun hnyei: haba Eleazara at bihut, me Josua nöku Nuna.

¹⁸ Ke öbun e he ka hom ûsa khaca than ûnyi hnyi je tribu hia he ka hnyi khenâ hnyei hnân ibun.

¹⁹ Ke walang ien je hnyat: haba ûnyi hnyi tribu Juda, me, Kaleba nöku Jefune.

²⁰ Ke ûnyi hnyi tribu anyin laku Simeona, me, Semuela nöku Amihuda.

²¹ Ûnyi hnyi tribu Beniamina, me Elidada, nöku Kiselona.

²² Ke ke than ûnyi hnyi tribu anyin laku Dana, wale Buki nöku Jogeli.

²³ Ke ûnyi hnyi tribu anyin laku Josefa: haba ûnyi hnyi tribuiny laku Manase ke than, wale Haniela nöku Efoda:

²⁴ ke ûnyi hnyi tribuiny laku Eferaima ke than, wale Kemuela nöku Sifetan.

²⁵ Ke ûnyi hnyi tribuiny laku Zebulona ke than, wale Elizafana nöku Parenaka.

²⁶ Ke ûnyi hnyi tribuiny laku Isakara ke than, wale Paletiela nöku Azana.

²⁷ Ke ûnyi hnyi tribuiny laku Asera ke than, wale Ahiuda nöku Selomi.

²⁸ Ke ûnyi hnyi tribuiny laku Nafatali ke than, wale Pedaela nöku Amihuda.

²⁹ Wale hnyat Iehova ame kunâ he ka khenâ hnyei ka lakon Isaraela hnyi hnyei Kanana.