Numera 33 - Iaai Bible 1901 (New Caledonia)

¹ WALANG ûheny lakon Isaraela, hnyi hnödra hna he but ûhedra hnyi hnyei Aigupito, a je köiödra, kʼ ame musi ödra hnö Mose me Arona.

² Ke haba Mose ame sihnalimen bongon ûhedra hoton hna hûna hnö Iehova: ke walang bongon ûhedra.

³ Adre me he ûheny Ramese hnyi tehi a bân hnyi bong a fiftininy tehi a bân: haba bong nyi hwaban paseka ame he but lakon Isaraela ge hnyam ae hwege hnyi hnyimakan at Aigupito hia,

⁴ kʼ ame tiga konâm lakudra a bân hia hnen at Aigupito, waleji u hlingâ Iehova unyidra: ke Iehova ame bi hwaban minya anyidra je khong.

⁵ Ke ame he lakon Isaraela ûheny Ramese me hunuma Sukotha.

⁶ Ke ûhedra Sukotha, me adre me hunuma Ethama hnyi baten hnyebuba.

⁷ Ke ûhedra Ethama me adre me hmetu Pihahiroth ai, cicö Baalazefona; me hunuma cicö Migedola.

⁸ Ke ûhedra cicö Hahiroth, me adre me he hnyi wanben köiö ka hnyi hnyebuba: ke adre me he hnyi kun ta bong hnyi hnyebuba. Ethama, kʼ adre me hunuma Mara.

⁹ Ke ûhedra Mara, me adre me o Elima: ke eling Elima je pupuainy köiö a twelve ke sevente je pama; me adre me hunuma eling.

¹⁰ Ke ûhedra Elima, me adre me hunuma hnyi Köiö ae Dra.

¹¹ Ke ûhedra hnyi Köiö ae Dra, me adre me hunuma hnyi hnyebuba Sina.

¹² Ke ûhedra hnyi hnyebuba Sina, me adre me hunuma Dofeka.

¹³ Ke ûhedra Dofeka, me adre me hunuma Alusa.

¹⁴ Ke ûhedra Alusa, me adre me hunuma Refidima, ke ba köiö eling hnân habelen tavat.

¹⁵ Ke ûhedra Refidima, me adre me hunuma hnyi hnyebuba Sinai.

¹⁶ Ke ûhedra hnyi hnyebuba Sinai, me adre me hunuma i Kiberoth-atava.

¹⁷ Ke ûhedra Kiberoth-atava, me adre me hunuma Hazeroth.

¹⁸ Ke ûhedra Hazeroth, me adre me hunuma Rithema.

¹⁹ Ke ûhedra Rithema, me adre me hunuma Rimona-farez.

²⁰ Ke ûhedra Rimona-farez, me adre me hunuma Libena.

²¹ Ke ûhedra Libena, me adre mo hunuma Risa.

²² Ke ûhedra Risa, me adre me hunuma Kehelatha.

²³ Ke ûhedra Kehelatha, me adre me hunuma hnyi bucen Safera.

²⁴ Ke ûhedra hnyi bucen Safera, me adre me hunuma Harada.

²⁵ Ke ûhedra Harada, me adre me hunuma Makeloth.

²⁶ Ke ûhedra Makeloth, me adre me hunuma Tahath.

²⁷ Ke ûhedra Tahath, me adre me hunuma Tara.

²⁸ Ke ûhedra Tara, me adre me hunuma Mitheka.

²⁹ Ke ûhedra Mitheka, me adre me hunuma Hasemona.

³⁰ Ke ûhedra Hasemona, me adre me hunuma Moseroth.

³¹ Ke ûhedra Moseroth, me adre me hunuma Bene-jakana.

³² Ke ûhedra Bene-jakana, me adre me hunuma Horo-hagidegad.

³³ Ke ûhedra Horo-hagidegad, me adre me hunuma Jotebath.

³⁴ Ke ûhedra Jotebath, me adre me hunuma Aberona.

³⁵ Ke ûhedra Aberona, me adre me hunuma Eziona-gebera.

³⁶ Ke ûhedra Eziona-gebera, me adre me hunuma hnyi hnyebuba Zin (wale Kadesi).

³⁷ Ke ûhedra Kadesi, me adre me hunuma hnyi bucen Hora, hnyi baten hnyei Edoma.

³⁸ Ke Arona at bihut ame öliâ bucen Hora hoton musi anyi Iehova, me ame mokcu eling i hnyi huna a fâteiny hwaban hna he lakon Isaraela ûheny Aigupito, hnyi bong a bâniny tehi a thabûnginy.

³⁹ Ke haba je hunai Arona me wan haded ke twente theri, me e ame mokcu hnyi hon bucen Hora.

⁴⁰ Ke a löng ut thaniny Arada, at Kanana, at ame laba hnyi Hwaiöu hnyi hnei Kanana, a e but ang lakon Isaraela.

⁴¹ Ke ûhedra hnyi buoen Hora, me adre me hunuma Zalemona.

⁴² Ke ûhedra Zalemona, me adre me hunuma Punona.

⁴³ Ke ûhedra Punona, me adre me hunuma Oboth.

⁴⁴ Ke ûhedra Oboth, me adre me hunuma Ieabarima, hnyi hnyegöulen Moaba.

⁴⁵ Ke ûhedra Iima, me adre me hunuma Dibona-gada.

⁴⁶ Ke ûhedra Dibona-gada, me adre me hunuma Alemona-debelathaima.

⁴⁷ Ke ûhedra Alemona-debelathaima, me adre me hunuma hnyi je bucen Abarima, cicö Nebo.

⁴⁸ Ke ûhedra hnyi je bucen Abarima, me adre me hunuma hnyi dok ae tha hon hnyi Moaba baten Joridano, wale Jeriko.

⁴⁹ Ke adre me hunuma hnyi Joridano, hwân Beth-jesimoth ke ne o but Abela-sitima hnyi dok ae tha hon hnyi Moaba.

⁵⁰ Ke haba Iehova ame ha kö Mose, hnyi dok ae tha hon hnyi Moaba hnyi Joridano, wale Jeriko, ka habe,

⁵¹ Ha thö ka lakon Isaraela, ka habe, Öbun ka hia but hanyâûâ Joridano ka hnyi hnyei Kanana,

⁵² me öbun e he ka obâ aten hnyei hia hnyi hnyimaköbun, me ohia anyidra je hnatheat hia, me ohia anyidra je idola hia adre oköiâ, me thö degecâ hia anyidra je dok ae görany:

⁵³ ke öbun e he ka obâ tavat a aten hnyei me labā bi: anyin a oge hia but ham köbun hnyei hnân ibun.

⁵⁴ Ke öbun e he ka khenâ hnyei hnân ibun hnen leköb, hoton anyibun je lap; öbun e he ka khenâ gânâ ka tavat ae se hia, ke khenâ ûhnyûkongo ka tavat ae wakhalet: ame he ka ve hu gadra helâ me hna kû hnen leköb: öbun e he ka hu hoton je tribuiny laka-möbun.

⁵⁵ Ke öbun e ne ca obâ aten hnyei hni hnyimaköbun, awe, ame he je kolon gadra ka helâ me wajua hnyi je emaköbun, ke helâ me ûnyi hnân ûdö je vhaköbun, ke adre me he ka oveci öbun hnyi hnyei öbun e he ka labā.

⁵⁶ Me haba ta je ûnyi waleji oge me ûnykûme he ka ânyâ ködra, me wale oge me he ka ânyâ köbun bi.