Numera 29 - Iaai Bible 1901 (New Caledonia)

¹ KE haba hnyi tehi a seveniny hnyi bong a baniny tehi, me öbun e he ka hu ûkhacaköu ae kap; kʼ öbun e ca he ka ânyâ ke huliwa ae hmak: wale bong öbun e he ka tûö je trutru hnyin.

² Ke öbun e he ka hudo hudiny leû ae bo so kö Iehova; a khaca nak bolok, ke khaca mamoe baga, ke seven lakon mamoe baga ae ba hnyikongon a khaca hunainy:

³ ke haba hudiny han a hanen e, me salawa adre me ûhaniken me wakaco, a kun ta omer hnân bolok, ke lo li omer hnân mamoe baga,

⁴ ke ûsa khaca omer he ka ve bi hanen lakon mamoe a seven:

⁵ ke khaca got baga hnân hudiny hulö, me me bi hwaban anyibun möt:

⁶ ke adre me he ka ânyâ minya hudiny leû hnyi ûen ae manen je tehi, me hudiny han a hanen e, me hudiny leû ae hmâ, ke hudiny han a hanen, tha e me je hudiny ic, hoton hna hûna, hnân bo so, a hut a an ge meic kö Iehova.

⁷ Ke haba hnyi bong a teniny tehi a seveniny öbun e he ka hu ûkhacakoû ae kap: me öbun e he ka hom ûhnyûkongo ta je hnyekubun; kʼ öbun e ca he ka huliwa:

⁸ ke öbun e he ka hudo hudiny leû kö Iehova me me bo so: a khaca nak bolok, ke khaca mamoe baga, ke seven lakon mamoe baga a khaca hunainy: a je meno ae ba hnyikongon:

⁹ me hudiny han a hanen e; wale salawa adre ûhaniken me wakaco, kun ta omer hnân bolok, ke lo li omer hnân mamoe baga a khaca,

¹⁰ ûsa khaca omer he ka ve bi hanen lakon mamoe a seven:

¹¹ ke khaca got baga hnân hudiny hulö; ke ca ha bi hudiny hulö hnân bi hwaban möt, me hudiny leû ae hmâ, me hudiny han a haniny, a tha e me je hudiny ic.

¹² Ke haba hnyi bong a fiftininy tehi a seveniny, me öbun e he ka hu ûkhacaköu ae kap; ke ca he öbun ka ânyâ huliwa ae hmak, kʼ öbun e he ka bijeûâ kö Iehova seven ta bong:

¹³ ke öbun e he ka hudo hudiny leû, hut a an ge meic ae bo so kö Iehova; a thötin je nak bolok, ke lo li mamoe baga, ke fortin lakon mamoe baga a khaca hunainy; a je meno ae ba hnyikongon:

¹⁴ ke je hudiny han a hanen, wale salawa adre ûhaniken me wakaco, a ûsa kun omer he ka ve bi hanen je bolok a thötin, ke ûsa lo li omer he ka ve bi hanen li mamoe baga,

¹⁵ ke usa khaca omer he ka ve bi hanen lakon mamoe a fortin:

¹⁶ ke khaca got baga hnân hudiny hulö; ke ca ha bi hudiny leû ae hmâ, me hanen a hudiny han, me hudiny ic.

¹⁷ Ke haba hnyi bong a loiny, me öbun e he ka hudo twelv je nak bolok, ke lo li mamoe baga, ke fortin lakon mamoe baga ae ba hnyikongon a khaca hunainy:

¹⁸ ke hudiny han me hudiny ic he ka ve bi hanen je bolok, me li mamoe baga, me lakon mamoe, hoton ûseidrin, helâ me hna hûna:

¹⁹ he khaca got baga hnân hudiny hulö: ke ca ha bi hudiny leû ae hmâ, me hanen e; a hudiny han, me hudiny ic.

²⁰ Ke haba hnyi bong a kuniny, me eleven ta bolok, ke lo li mamoe baga, ke fortin lakon mamoe baga ae ba hnyikongon, a khaca hunainy;

²¹ ke hudiny han, me hudiny ic, a hanen je bolok, me li mamoe baga, me lakon mamoe, hoton ûseidrin, helâ me hna hûna:

²² ke khaca got baga hnân hudiny hulö; ke ca ha bi hudiny leû ae hmâ, me hanen a hudiny han me hudiny ic.

²³ Ke haba hnyi bong a vakiny, me ten ta bolok, ke lo li mamoe baga, ke fortin lakon mamoe baga ae ba hnyikongon, a khaca hunainy:

²⁴ ke haba je hudiny han me je hudiny ic, ame he ka ve bi hanen je bolok, me li mamoe baga, me lakon mamoe, hoton je ûseidrin, helâ me hna hûna:

²⁵ ke khaca got baga hnân hudiny hulö: ke ca ha bi hudiny leû ae hmâ, ke hanen a hudiny han, me hudiny ic.

²⁶ Ke haba hnyi bong a thabûnginy nain je bolok, ke lo li mamoe baga, ke fortin je lakon mamoe baga, ae ba hnyikongon, a khaca hunainy:

²⁷ me je hudiny han, me je hudiny ic a hanen, ame he ka ve bi hanen je bolok, me li mamoe baga, me lakon mamoe hoton ûseidrin, helâ me hna hûna:

²⁸ ke khaca got baga hnân hudiny hulö; ke ca ha bi hudiny leû ae hmâ, ke hudiny han, me hudiny ic a hanen.

²⁹ Ke haba hnyi bong a siksiny, eit ta bolok, ke lo li mamoe baga, ke fortin lakon mamoe baga ae ba hnyikongon, a khaca hunainy:

³⁰ ke je hudiny han, me je hudiny ic a hanen, he ka ve bi hanen je bolok, me li mamoe baga, me lakon mamoe, hoton ûseidrin, helâ me hna huna:

³¹ ke khaca got baga hnân hudiny hulö; ke ca ha bi hudiny leû ae hmâ, ke hudiny ban, me hudiny ic a hanen.

³² Ke haba hnyi bong a seveniny, seven ta bolok, ke lo li mamoe baga, ke fortin lakon mamoe baga ae ba hnyikongon, a khaca hunainy:

³³ me je hudiny han, me je hudiny ic a hanen, he ka ve bi hanen je bolok, me li mamoe baga, me lakon mamoe, hoton ûseidrin, helâ me hna hûna:

³⁴ ke khaca got baga hnân hudiny hulö, ke ca ha bi hudiny leû ae hmâ, me hudiny han, me hudiny ic a hanen.

³⁵ Ke haba hnyi bong a eitiny, me öbun e he ka hu ûkhacaköu ae ûnyi hnathu, öbun e ca he ka ânyâ ke huliwa ae hmak:

³⁶ ke öbun e he ka hudo hudiny leû, hut a an ge meic ae bo so kö Iehova: a khaca bolok, ke khaca mamoe baga, ke seven lakon mamoe baga ae ba hnyikongon, a khaca hunainy:

³⁷ me hudiny han, me hudiny ic a hanen he ka ve bi hanen bolok, me mamoe baga, me lakon mamoe, hoton ûseidrin, helâ me hna hûna:

³⁸ ke khaca got baga hnân hudiny hulö, ke ca ha bi hudiny leû ae hmâ, me hudiny han, me hudiny ic a hanen.

³⁹ Öbun e he ka hudo eling kö Iehova hnyi anyibun je bijeû adre thu, ke ca ha bi anyibun je khöbi, me je hut ae betenge hnân je hudiny leû, me je hudiny han, me je hudiny ic, me je hudiny ole öbun e labö hudo.

⁴⁰ Ke haba Mose ame omanenâ ka lakon Isaraela hoton hna hûna hnö Iehova kö Mose.