Numera 26 - Iaai Bible 1901 (New Caledonia)

¹ KE hwaban mok ae cap, haba Iehova ame ha kö Mose me Eleazara, nöku Arona at bihut, ka habe,

² He thö ka aû ûseiny ûkhacaköu anyin lakon Isaraela hia, hwân ge tavat a twente huna me gan hon e, hoton je lap anyin lakamödra, tavat hia ae khana hnyi vat unyi Isaraela.

³ Me haba Mose me Eleazara at bihut ödru me ûhnenamö mödra hnyi dok ae tha hon hnyi Moaba hnyi Joridano, wale Jeriko, ka habe,

⁴ He thö ka öû ödra, hwân ge tavat a twente huna ke gan hon e; hoton hna hûna hnö Iehova kö Mose me lakon Isaraela, waleji tavat adre hom ûhedra hnyi hnyei Aigupito.

⁵ Haba Reubena, nöku Isaraela a bân: haba laku Reubena; Enoka me lap anyin at Enoka: Palu me lap anyin at Palu:

⁶ Ezerona me lap anyin at Hezerona: Karemi me lap anyin at Karemi.

⁷ Wale je lap anyin at Reubena: ke haba ûseidra a tavat adre aû me ödra fâte theri thauzan ke seven haded ke thöte.

⁸ Ke haba nöku Palu; Eliaba.

⁹ Ke haba laku Eliaba; me Kemuela, me Dathana, me Abirama. Waleling Dathana me Abirama a li at adre hawâ hnyi ûkhacaköu, waleji ödre iwatretra me Mose me Arona hnyi je lahiö Kora hnyi linödra hna iwatretra me Iehova:

¹⁰ kʼ ame memang ut hnyimen kânâ kʼ ame tha utʼ ödru me Kora hnyi imekiny lahien eling; kʼ ame ön ödrin tu haded ke fifte ge meic, mʼ ödrin e haten bi.

¹¹ Ke so bi a ca mokcu laku Kora.

¹² Ke haba laku Simeona hoton anyidra je lap: ûnyi ga Kemuela, me, lap anyin at Nemuela: ûnyi ga Jamina, me, lap anyin at Jamina: ûnyi ga Jakina, me, lap anyin at Jakina:

¹³ ûnyi ga Zera, me, lap anyin at Zera: ûnyi ga Saulo, me, lap anyin at Saulo.

¹⁴ Wale je lap anyin at Simeona, ke ödra twente tu thauzan ke tu haded.

¹⁵ Haba laku Gada hoton anyidra je lap: ûnyi ga Zifiono, me lap anyin at Zifiono: ûnyi ga Hagi, me, lap anyin at Hagi: ûnyi ga Suni, me, lap anyin at Suni:

¹⁶ ûnyi ga Ozeni, me, lap anyin at Ozeni: ûnyi ga Eri, me, lap anyin at Eri:

¹⁷ ûnyi ga Aroda, me, lap anyin at Aroda: ûnyi ga Areli, me, lap anyin at Areli.

¹⁸ Wale je lap anyin laku Gada hoton hna öû ödra, ke ödra fâte thauzan ke faiv haded.

¹⁹ Ke haba laku Juda, me, Era me Onana: ke a mokcu Era me Onana hnyi hnyei Kanana.

²⁰ Ke haba laku Juda hoton anyidra je lap; ûnyi ga Sela, me, lap anyin at Sela: ûnyi ga Farez, me, lap anyin at Farez: ûnyi ga Zera, me, lap anyin at Zera.

²¹ Ke haba laku Farez: ûnyi ga Hezerona, me, lap anyin at Hezerona: ûnyi ga Hamula, me, lap anyin at Hamula.

²² Wale je lap anyi Juda hoton hna öû ödra, ke ödra sevente siks thauzan ke faiv haded.

²³ Ke haba laku Isakara hoton anyidra je lap: ûnyi ga Tola, me, lap anyin at Tola: ûnyi ga Pua, me lap anyin at Pua:

²⁴ ûnyi ga Jasuba, me, lap anyin at Jasuba: ûnyi ga Simerona, me, lap anyin at Simerona.

²⁵ Wale je lap anyi Isakara hoton je hna öû ödra, ke ödra sikste foa thauzan ke theri haded.

²⁶ Ke haba laku Zebulona hoton anyidra je lap: ûnyi ga Sereda, me, je lap anyin at Sereda: ûnyi ga Elona, me, je lap anyin at Elona: ûnyi ga Jalela, me, je lap anyin at Jalela.

²⁷ Wale je lap anyin at Zebulona hoton hna öû ödra, ke ödra sikste thauzan ke faiv haded.

²⁸ Ke haba laku Josefa hoton anyidra je lap: Manase me Eferaima.

²⁹ Haba laku Manase: ûnyi ga Makir, me, je lap anyin at Makir: ke Makir ame hnöku Gileada: ûnyi ga Gileada, me, lap anyin at Gileada.

³⁰ Ke walang je laku Gileada: ûnyi ga Iezera, me, lap anyin at Iezera: unyi ga Heleka, me, lap anyin at Heleka:

³¹ ke ûnyi ga Aseriela, me, lap anyin at Aseriela: ke ûnyi ga Sekema, me, lap inyin at Sekema:

³² ke ûnyi ga Semida, me, lap anyin at Semida: ke ûnyi ga Hefera, me, lap anyin at Hefera.

³³ Ke haba Zelofeada nöku Hefera, me ba ʼ nokon baga, ke wahlu thibi: ke haba ien wahlu a laku Zelofeada, me, Mala, me Noa, me Hogela, me Mileka, me Tïreza.

³⁴ Wale je lap anyin at Manase: ke haba tavat adre aû gadra, me fifte tu thauzan ke seven haded.

³⁵ Walang laku Eferaima, hoton anyidra je lap: ûnyi ga Suthela, me, lap anyin at Suthela: ke ûnyi ga Bekera, me, lap anyin at Bekera: ke ûnyi ga Thana, me, lap anyin at Thana.

³⁶ Ke walang laku Suthela: ûnyi ga Erana, me, lap anyin at Erana.

³⁷ Wale je lap anyin laku Eferaima hoton hna öû ödra, ke ödra thöte tu thauzan ke faiv haded. Wale li laku Josefa hoton je lap ûnyi gadru.

³⁸ Ke haba laku Beniamina me anyidra je lap: ûnyi ga Bela, me, lap anyin at Bela: ke unyi ga Asebala, me, lap anyin at Asebala: ke ûnyi ga Ahirama, me, lap anyin at Ahirama:

³⁹ ke ûnyi ga Supima, me, lap anyin at Supima: ke ûnyi ga Hupima, me, lap anyin at Hupima.

⁴⁰ Ke haba li laku Bela, me, Areda, me Naamana: ke ûnyi ga Areda, me, lap anyin at Areda: ke ûnyi ga Naamana, me, lap anyin at Naamana.

⁴¹ Wale laku Beniamina hoton anyidra je lap: ke haba tavat gadra adre me aû, me fâte faiv thauzan ke siks haded.

⁴² Walang laku Dana hoton anyidra je lap: ûnyi ga Suhama, me, lap anyin at Suhama. Wale je lap anyi Dana hoton anyidra je lap.

⁴³ Haba je lap hia anyin at Suhama, hoton tavat adre me aû, me ödra sikste foa thauzan ke foa haded.

⁴⁴ Haba laku Asera hoton anyidra je lap: ûnyi ga Iemina, me, lap anyin at Iemina: ûnyi ga Iesevi, me, lap anyin at Iesevi: ûnyi ga Beria, me, lap anyin at Beria.

⁴⁵ Ke ûnyi ge laku Beria: haba ûnyi ga Heberu, me, lap anyin at Heberu: ke ûnyi ga Malekiela, me, lap anyin at Malekiela.

⁴⁶ Ke Sara ien hlu nöku Asera.

⁴⁷ Wale je lap anyin laku Asera hoton tavat adre âu gadra a fifte theri thausan ke foa haded.

⁴⁸ Haba laku Nafatali hoton anyidra je lap: ûnyi ga Jazela, me, lap, anyin at Jazela: ûnyi ga Guni, me lap anyin at Guni:

⁴⁹ ke ûnyi ga Jazera, me, lap anyin at Jazera: ke ûnyi ga Silema, me lap anyin at Silema.

⁵⁰ Wale je lap anyin at Nafatali hoton anyidra je lap: ke haba tavat gadra adre aû, me, fâte faiv thauzan ke foa haded.

⁵¹ Wale tavat adre me aû unyin lakon Isaraela, a ödra siks haded ke wan thauzan ke seven haded ke thöte.

⁵² Ke Iehova ame ha kö Mose, ka habe,

⁵³ Adre me he ka khenâ hnyei ka tavat eling hoton ûseiny je ien.

⁵⁴ Haba tavat ae se, me u me he ka ham gânâ hnyei ködra, ke haba tavat ae wakhalet, me u me he ka ham hnyei ae ûhnyûkong: adre me he ka ve ham ködra hnyei hoton ûseidra adre me aû.

⁵⁵ Ke so bi adre me he ka khenâ hnyei ge ugleköb: adre me he ka hu hnyei hoton ien je tribu anyin lakamödra.

⁵⁶ Adre me he ka khenâ me idra hoton ugleköb ge tavat ae se me tavat ae wakhalet.

⁵⁷ Ke walang at Levi adre aû hoton anyidra je lap: ûnyi ga Geresoma, me, lap anyin at Geresoma: ûnyi ga Kohatha, me lap anyin at Kohatha: ûnyi ga Merari, me lap anyin at Merari.

⁵⁸ Wale je lap anyin at Levi: a lap anyin at Libeni, me lap anyin at Heberona, me lap anyin at Maheli, me lap anyin at Musi, me lap anyin at Kora. Ke Kohatha ame hnokoâ Amerama.

⁵⁹ Ke haba ien öiö Amerama, me, Jokebeda, a nöku Levi, waleji a hnokoâ hnyi Aigupito: ke e ame hnöku Arona, me Mose, me Miriama, a hanidru, ga Amerama.

⁶⁰ Ke haba laku Arona, me, Nadaba, me Abihu, me Eleazara, me Ithamara.

⁶¹ Ke a mokcu Nadaba me Abihu hnyi hnödru hna hudo meic ae ke bongon bi hnyi hnyimakö Iehova.

⁶² Ke je hnyat gadra adre aû, me, ödra twente theri thauzan, obaga hia hwân ge tavat a khaca tehi me gan hon e: anyin adre ca tha öû ödra me lakon Isaraela, anyin adre ca ha gadra unyin lakon Isaraela.

⁶³ Wale tavat a aû hnö Mose me Eleazara at bihut: wale li at ödre aû lakon Isaraela, hnyi dok ae tha hon hnyi Moaba, hnyi Joridano, hnyi Jeriko.

⁶⁴ Ke haba unyidra hia me ba ke at a aû hnö Mose me Arona ehac, waleji hnyi hnödru hna aû lakon Isaraela hnyi hnyebuba Sinai.

⁶⁵ Anyin a hia but Iehova ha gadra, ka habe, Adre me he ka mokcu hnyi hnyebuba. Me ba köluidra, ke so bi Kaleba nöku Jefune, me Josua nöku Nuna.