Numera 21 - Iaai Bible 1901 (New Caledonia)

¹ KE haba thaniny Arada at Kanana, at ame laba hnyi Hwaiöu, ame löng a gʼ ame o but at Isaraela a gethen deny Atharima, me e ame vat me at Isaraela, me hom hwenbâ keihen gadra.

² Me haba at Isaraela adre me hûkâlö khöbi kö Iehova, me ha, ka habe, U me ne he ka hna tavat ang ka hnyi hnyamok, me oge me he ka tha ohia anyidra ta je taun.

³ Ke Iehova ame löng hwan at Isaraela, me hna but at Kanana ködra; me adre me tha ohiʼ ödra me anyidra ta je taun: ke adre me hwenyi ien dok eling Horema.

⁴ Ke adre me he ûhedra hnyi bucen Hora, getheniny Köiö ae Dra, igigilö hnyei Edoma: ke ame vec hnyekon tavat can gethen.

⁵ Me haba tavat adre me fuc hwege ka Khong me Mose, me ha, ka habe, Ieû gabu öbe hum ohmun ûhehmun Aigupito he ka mokcu hnyi hnyebuba? anyin ae ba han, ke ba köiö; kʼ ohmun höcö han eang ae haba.

⁶ Ke Iehova ame kunâ je on meic unyin tavat, mʼ adre me oloû tavat, me a mokcu at Isaraela ae se hia.

⁷ Me ame he tavat kö Mose, me ha, ka habe, Öhmun e hia but ânyâ hulö, anyin a ohmun e fuc hwege kö Iehova, mʼ u: ö u hic dö kö Iehova, me me he ka ohia je on unyihmun. Ke Mose ame hic hobi kâu tavat.

⁸ Ke Iehova ame ha kö Mose, ka habe, U me he ka op ke on meic, me ip hon ke uci; ke e ka wâ e hnen tavat adre oloû, me ödrin e he ka möt.

⁹ Ke Mose ame op ke on a bras, me ip hon uci: ke ame ne wâ on bras hnen at a oloû ge on, me e ame möt.

¹⁰ Haba lakon Isaraela adre me he, kʼ adre hunuma hnyi Oboth.

¹¹ Ke adre me he ûhedra Oboth me hunuma hnyi Ie-abarima hnyi hnyebuba cicö Moaba, hnyi hna o hnyin seûno.

¹² Ke ûhedra e me adre me hunuma hnyi hnyigöulen bucen e Zareda.

¹³ Ke ûhedra e me adre me hunuma hoton Arenona, wale hnyi hnyebuba gethen ame o ûnyi hnyi hnyei iny at Amora: anyin a Arenona me hnyigöulen Moaba, wanben Moaba me hnyei Amora.

¹⁴ Anyin a wale ame ha hnyi tusiny Je vat anyi Iehova, ka habe, Vaeba hnyi Sufa Me je hnyigöulen bucen e Arenona,

¹⁵ Me hwatapkoluiny je bucen, Ame hwali ka hnyi hnyaban Aro Kʼ ame ci hon hnyigöulen Moaba.

¹⁶ Ke ûhedra e me adre me he Bere ai: an eling, waleji Iehova ame ha kö Mose, ka habe, Ûkhacaköuâ thö könya tavat mʼ oge me he ka habelidra.

¹⁷ Me haba at Isaraela adre me khumongö khumöng eang, ka habe, An lö pupua thö; khumöng dö kâu;

¹⁸ An a koû hnen je than, A âc hnen je tuhan tavat Ge anyidrin je haten musi, me anyidrin je uci. Ke ûhedra hnyi hnyebuba, me adre me he Matana ai:

¹⁹ ke ûhedra Matana me adre me he Nahaliela ai: ke ûhedra Nahaliela ai me adre me he Bamoth ai:

²⁰ ke ûhedra Bamoth me adre me o ka hnyi hnyigöuleti bucen a e hnyi hnyei Moaba, ka hnyi hm Pisega, walethö hon hnyebuba.

²¹ Haba Isaraela ame kunâ je ûthûmetu kö Sihona thaniny at Amora, me ha, ka nabe.

²² Iny be he hnyi wanben em hnyei: öhmun e ca he ka saû ka hnyi ta hnyei, me je hnyei vine; öhmun e ca he ka ijem je an adre koû, kʼ ohmun e he ka he hnyi hna cit gethen anyin than, ke ne o but öhmun e hna but je hnyigöulem.

²³ Ke haba Sihona ame ca hna at Isaraela ka he hnyi wanben iny hnyei: ke so bi Sihona ame ûkhacaköuâ lakeiny hia, kʼ ame he hnyebuba ai he ka tet metâ ka at Isaraela, kʼ ame o hnyi Jahaza, me ame vat me at Isaraela.

²⁴ Ke Isaraela ame kot e ge hele vat, me hûgûnâ iny hnyei hwân Arenona ke ne o but Jaboka, a ke ne o but je laku Amona: anyin ae hwege hnyigöulen je laku Amona.

²⁵ Ke haba at Isaraela adre me hûgûnâ ta je taun eling: ke Isaraela ame labā je taun; anyin at Amora, hnyi Hesebona, me ta je tauniny hia.

²⁶ Anyin a Hesebona, me, wale taun anyi Sihona thaniny at Amora, waleji at ame vat me ke than Moaba ehac, me hûgûnâ iny hnyei hia, ke ne o but: Arenona.

²⁷ Anyin a wale, haba hnyat j vejecâ, ödrin e ha, ka habe, Ai öbun Hesebona ai E so adre me op me otilâ taun Sihona:

²⁸ Anyin a he but meic ûheny Hesebona, A bâhlân meic ûnyi hnyi taun Sihona: Kʼ ame an Aro hnyi Moaba, Je thaniny je dok ae görany hnyi Arenona.

²⁹ Ekölö gam, Moaba! Hnyei Kemosa lö, adre okongu u: E ame hna lakon baga mʼ ödrin e kec möt, Ke lakon je hlu mʼ ödrin e hwenbâ, Kö Sihona tuhan at Amora.

³⁰ Ötin e sânʼ ödra; a kong ut Hesebona ke ne o but Dibona, Kʼ ötin e hia but hûgûnʼ ödra ke ne o but Nofa, Wale ke ne o but Medeba.

³¹ Me haba Isaraela ame labā hnyei iny at Amora.

³² Ke Mose ame ûkhûnöng he ka ecmâkâ Jazera, me adre me hûgûnâ je tauniny me obâ at Amora eling.

³³ Ke adre me hwiö me he hnyi gethen Basana: me ame o but Oga than Basana ködra, a e me lakeiny hia, me me vat hnyi Ederi.

³⁴ Ke Iehova ame ha kö Mose, ka habe, U me ca he ka outen e: anyin a oge me hna e ka hnyi hnyamâm, me lakeiny hia me iny hnyei; ke u me he ka ânyâ kâu helâ me hnâm hna ânyâ kö Sihona tuhan at Amora, waleji ame laba hnyi Hesebona.

³⁵ Me adre me kot e, me lakon, me lakeiny hia, ke ba kolon gadra: ke adre me labā iny hnyei.