Numera 2 - Iaai Bible 1901 (New Caledonia)

¹ KE Iehova ame ha kö Mose me Arona, ka habe,

² Ame he lakon Isaraela ka ve hunuma hnyi je hatödra, hnyi je haten hnyi je hnyaban lakamödra: adre me he ka hunuma cicö uma ûkhacaköu igigilö.

³ Ke haba hnyi ke keihen e deiö ame o hnyin seûno, adre me he ka hunuma hnyi haten hnyaban at Juda, hoton anyidra köiö: ke ame he Nasona nöku Aminadaba ka thaniny lakon Juda.

⁴ Ke haba köien a tavat gadra adre aû, me ödra sevente foa thauzan ke siks haded.

⁵ Ke haba tavat adre me he ka hunuma ûtangköu mē, me tribu Isakara: haba Nathaniela nöku Zuara ame he ka thaniny lakon Isakara:

⁶ ke haba köien a tavat adre aû, me ödra fifte foa thauzan ke foa haded:

⁷ ke tribu Zebulona: haba Eliaba nöku Helona ame he ka thaniny laku Zebulona:

⁸ le haba köien a tavat adre aû, me ödra fifte seven thauzan ke foa haded.

⁹ Haba tavat hia adre aû ûnyi hnyi lap anyi Juda, me ödra wan haded ke eite siks thauzan ke foa haded, hoton köiödra. Hamen tavat eling he ka bân.

¹⁰ Ke haba haten lap anyi Reubena ame he ka e hnyi ke keihen ka hnyi hwaiöu, hoton anyidra köiö: haba Elizura nöku Sedeura ame he ka thaniny lakon Reubena.

¹¹ Ke haba köien a tavat adre aû, me ödra fâte siks thauzan ke faiv haded.

¹² Ke haba tavat adre me he ka hunuma ûtangköu mē, me tribu Simeona: haba Selumiela nöku Zurisadai ame he ka thaniny lakon Simeona:

¹³ ke haba köien a tavat adre aû, me ödra fifte nain thauzan ke theri haded:

¹⁴ ke tribu Gada: haba Eliasafa nöku Reuela ame he ka thaniny lakon Gada:

¹⁵ ke haba köien, a tavat adre aû, me fâte faiv thauzan ke siks haded ke fifte.

¹⁶ Haba tavat hia adre aû ûnyi hnyi lap anyi Reubena, me ödra wan haded ke fifte wan thauzan ke foa haded ke fifte, hoton köiödra. Walödra he a loiny.

¹⁷ Ke hwaban e ame he ka he uma ûkhacaköu me lap anyin at Levi hnyi wanben je hnyaban; adre me he ka hwân ka he hoton hnödra hna hunuma, a ke at me ke at hnyi hnen bi, hoton je hatödra.

¹⁸ Ke haba haten lap anyi Eferaima ame he ka e bi hnyi ke keihen e jio, hoton köiödra: haba Elisama nöku Amihuda ame he ka thaniny lakon Eferaima.

¹⁹ Ke haba köien a tavat adre aû, me ödra fâte thauzan ke faiv haded.

²⁰ Ke ame he ka ûtangköu mē tribu Manase: haba Gamaliela nöku Pedazura ame he ka thaniny lakon Manase:

²¹ ke haba köien a tavat adre aû, me ödra thöte tu thauzan ke tu haded:

²² ke tribu Beniamina: haba Abidana nöku Gideona ame he ka thaniny lakon Beniamina:

²³ ke haba köien a tavat adre me aû, me ödra thöte faiv thauzan ke foa haded.

²⁴ Haba tavat hia adre aû ûnyi hnyi tribu Eferaima, me ödra wan haded ke eit thauzan ke wan haded, hoton köiödra. Ke walödra he a kuniny.

²⁵ Ke haba haten lap anyi Dana ame he ka e bi hnyi ke keihen ka hnyi hwadrö, hoton köiödra: haba Ahiezera nöku Amisadai ame he ka thaniny lakon Dana.

²⁶ Ke haba köien, a tavat adre aû, me ödra sikste tu thauzan ke seven haded.

²⁷ Ke ame he tribu Asera ka hunuma ûtangköu mē: haba Pagiela nöku Okerana ame he ka thaniny lakon Asera:

²⁸ ke haba köien a tavat adre aû, me ödra fâte wan thauzan ke faiv haded:

²⁹ ke tribu Nafatali: haba Ahira nöku Enan ame he ka thaniny lakon Nafatali:

³⁰ ke haba köien, a tavat adre aû, me ödra fifte theri thauzan ke foa haded.

³¹ Haba tavat hia adre aû ûnyi hnyi lap anyi Dana, me ödra wan haded ke fifte seven thauzan ke siks haded. Hamödra he ka he biliny hoton anyidra je haten.

³² Wale tavat adre aû ûnyi hnyi lakon Isaraela hoton je hnyaban lakamödra: haba tavat hia thithö adre aû ûnyi hnyi je lap hoton köiödra, me ödra siks haded ke theri thauzan ke faiv haded ke fifte.

³³ Ke adre me ca tha aû bi tavat Levi unyin lakon Isaraela; helâ me hna hûna hnö Iehova kö Mose.

³⁴ Ke haba lakon Isaraela adre me ânyâ hia hoton hna hûna hnö Iehova kö Mose, ke adre me hunuma helâe unyin anyidra ta je haten, me adre me he helâe ke at me ke at hoton anyidra ta je lap, ke hoton je hnyaban lakamödra.