Numera 17 - Iaai Bible 1901 (New Caledonia)

¹ KE Iehova ame ha kö Mose, ka habe,

² Ha thö ka lakonʼ Isaraela, me hom ûnyi gadra je uci a ûsa khaca hoton je hnyaban lakamödra, ûnyi ge anyidra je than hia hoton je hnyaban lakamödra, a twelv je uci: ke u me he ka ve sihnalimen je iödrin hnyi anyidrin je uci.

³ Ke u me he ka sihnalimen iö Arona hon uci anyi Levi: kʼ ame he ka ûsa khaca uci hobi kâu je ve taben lap anyin lakamödrin.

⁴ Ke u me he ka ip je uci hnyi uma ûkhacaköu cicö tangen ohnatho, dok oge me labö iouny möbun hnyin.

⁵ Ke haba at oge me he ka ûca, me ame he ka vhong anyin uci: me oge me he ka bi obiny gak je hna ulidri nya ge lakon Isaraela, wale adre me ulidri öbu.

⁶ Ke Mose ame fuc ka lakon Isaraela me anyidra je than hia, mʼ ödrin e ve ham kâu je uci, a ûsa khaca uci anyin ke than me ke than hoton je hnyaban lakamödrin, a twelv je uci.

⁷ Ke haba Mose ame ip je uci hnyi hnyimakö Iehova hnyi uma ohnatho.

⁸ Ke nyi Mose ame didro ka hnyi uma ohnatho; ke wâ bi a vhong ut uci anyi Arona hobi kâu hnyaban at Levi, ke a hlau but, ke vhong je vhongon, me wa but a je wan saked.

⁹ Ke haba Mose ame hom je uci hia ûnyi hnyi hnyimakö Iehova ka lakon Isaraela: mʼ adre me wâ, me ve hom anyidrin uci.

¹⁰ Ke Iehova ame ha kö Mose, ka habe. Ip hmetu ju uci anyi Arona ka hnyi cicö tangen ohnatho, mʼ adre me tuö me hnân haten ka tavat bi tot; mʼ u me he ka bi obiny hnödra hna ulidri nya, mʼ adre me ca he ka mok bi.

¹¹ Ke Mose ame ânyâ helâ me Iehova ame hûna kâu, wale hnen hna ânyâ.

¹² Ke haba lakon Isaraela adre me ha kö Mose, ka habe, Wâ bi, ohmun e he but ang ka mok, me hia, me hia hia.

¹³ Haba tavat hia adre me he hakekeny, wale adre me hakekenyâ uma mano umo Iehova, adre me mok: ke hawa adre me he ka hlingʼ ohmun hia thithö?