Numera 12 - Iaai Bible 1901 (New Caledonia)

¹ KE haba Miriama me Arona ödru me haikongo Mose can momo Kuza e ame hom, anyin a e ame hom mome a at Kuza.

² Ke haingödru, ka habe, Hawa, ame hake fuc Iehova kö Mose? a ca hnyi ha minya köhmu? Ke Iehova ame löng e.

³ Haba Mose, me wale at ae ti menyik hon tavat hia eang hmelen.

⁴ Ke Iehova ame ie ha kö Mose me Arona me Miriama, ka habe, Ai öbun kun ka hnyi uma ûkhacakoû. Me ödrin kun ödrin e he.

⁵ Me Iehova ame utut hnyi ûlâ ame tot wisa, me tot hnyi hwanumen uma ûkhacaköu, me hawo Arona me Miriama: ke ödru me o thö.

⁶ Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.

⁷ Ke haba athnyabaik Mose, me ca helâe; e bi at ae hnathu hnyi hnyabak hia:

⁸ me oge me he ka ûcû hnyem mē me ha manenâ, ke ca hnyi je hofuc ae lit; ke e ame he ka wâ unyu Iehova: ke ieû gabu a öbu ca ot he ka fuc ga Mose a athnyabaik

⁹ Ke ame ubâhlâ thö hmonyin anyi Iehova ködru; ke e ame he but.

¹⁰ Me ame he but ûlâ ûnyi hnyi hon Uma; ke wâ bi, e lepera but Miriama helâ me kiona: ke Arona ame ō Miriama, ke wâ bi e lepera.

¹¹ Ke Arona ame ha kö Mose, ka habe, Ekölö than lö, ö u ca he ka ip köhmu hulö, can öhme ânyâ monu, me can öhme ânyâ hulö.

¹² Ö e ca he ka helâ me komok, ke helâ me at ame o ûnyi hnyi hnyekon hinyen, kʼ ame aû but unyin.

¹³ Ke Mose ame tenge kö Iehova, me ha, ka habe, Khong lo, ö u omelö thö momo walang ang.

¹⁴ Ke Iehova ame ha kö Mose, ka habe, Hawa, a ne hangöjâ hnyimakan, ge kamen ame ca he ka hmehma seven ta bong? e so adre me tuö e hoton hnyaba hnyi seven ta bong, ke hwaban e adre me he ka hom hmetu e.

¹⁵ Me adre me tue Miriama hoton hnyaba hnyi seven ta bong: ke ame ca he tavat ke ne o but adre hum Miriama hmetu thö.

¹⁶ Ke hwaban e ame he tavat ûhedra Hazeroth, me hunuma hnyi hnyebuba Parana.