Numera 1 - Iaai Bible 1901 (New Caledonia)

¹ HABA Iehova ame ha kö Mose hnyi hnyebuba Sinai, hnyi uma ûkhacakoû, hnyi bong a bâniny tehi a loiny, hnyi huna a loiny hwaban hnödra hna he but ûhedra hnyi hnyei Aigupito, ka habe,

² Öbun e he ka aû ûseiny ûkhacaköu anyin lakon Isaraela hia, hoton anyidra je lap, a je hnyaban lakamödra, tha e me numerainy je ien, kʼ adre me he ka ve aû obaga hia;

³ hwân ge tavat a twente hunaidra, me gan hon e, a at Isaraela hia, a tavat ae khanʼ ödra he ka hnyi vat, u me he me Arona ka öû ödra hoton anyidra je utbavat.

⁴ Ke ame he ka tha e möbu ke je hnyat, a ûsa khaca ûnyi hnyi je tribu; a je taben je lap anyin je lakamödrin.

⁵ Ke walang ien je hnyat ödrin e he ka tha e möbu: Ûnyi ga Reubena; Elizura, nöku Sedeura.

⁶ Ûnyi ga Simeona; Selumiela nöku, Zurisadai.

⁷ Ûnyi ga Juda; Nasona, nöku Aminadaba.

⁸ Ûnyi ga Isakara; Nathaniela, nöku Zuara.

⁹ Ûnyi ga Zebulona; Eliaba, nöku Helona.

¹⁰ Ûnyi ge laku Josefa; a ûnyi ga Eferaima; Elisama nöku Amihuda: ûnyi ga Manase; Gamaliela, nöku Pedazura.

¹¹ Ûnyi ga Beniamina; Abidana, nöku Gideona.

¹² Ûnyi ga Dana; Ahiezera nöku Amisadai.

¹³ Ûnyi ga Asera, Pagiela, nöku Okerana.

¹⁴ Ûnyi ga Gada; Eliasafa, nöku Deuela.

¹⁵ Ûnyi ga Nafatali; Ahira, nöku Enan.

¹⁶ Wale hnyat adre hawâ ge ûkhacaköu, a je tuhan je tribuiny lakamödrin; ödrin je homakan je thauzaniny at Isaraela.

¹⁷ Ke haba Mose me Arona ödru me hom hnyat eling adre ha iödrin:

¹⁸ ke ödrin e ukhacaköuâ tavat hia hnyi bong a bâniny tehi a loiny, me ödrin e ve omanenâ anyidrin je dö, hoton anyidrin je lap, a je hnyaban lakamödrin, wale numerainy je ien, a je ve at, hwân ge tavat a twente huna, me gan hon e.

¹⁹ Ke e ame öû ödrin hnyi hnyebuba Sinai, hoton hnö Iehova hna hûna kö Mose.

²⁰ Haba laku Reubena, nöku Isaraela a bân, wale anyidra je dö, hoton anyidra je lap, a je hnyaban lakamödra, wale numerainy je ien, ke at me ke at, a je baga hia hwân ge tavat a twente huna me gan hon e, tavat hia ae khanʼ ödra he ka hnyi vat;

²¹ haba tavat adre aû ûnyi hnyi tribu Reubena, me, ödra fâte siks thauzan ke faiv haded.

²² Haba laku Simeona, wale anyidra je dö, hoton anyidra je lap, a je hnyaban lakamödra, haba tavat adre me aû hoton numerainy je ien, ke at me ke at, a je baga hia hwân ge tavat a twente huna me gan hon e, tavat ae khana he ka hnyi vat;

²³ haba tavat adre aû ûnyi hnyi tribu Simeona, me ödra fifte nain thauzan ke theri haded.

²⁴ Haba laku Gada, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

²⁵ haba tavat adre aû ûnyi hnyi tribu Gada, me ödra fâte faiv thauzan ke siks haded ke fifte.

²⁶ Haba laku Juda, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

²⁷ haba tavat adre me aû ûnyi hnyi tribu Juda, me ödra sevente foa thauzan ke siks haded.

²⁸ Haba laku Isaraela, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

²⁹ haba tavat adre aû ûnyi hnyi tribu Isaraela, me ödra fifte foa thauzan ke foa haded.

³⁰ Haba laku Zebulona, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

³¹ haba tavat adre aû ûnyi hnyi tribu Zebulona, me ödra fifte seven thauzan ke foa haded.

³² Haba laku Josefa, a laku Eferaima, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

³³ haba tavat adre aû ûnyi hnyi tribu Eferaima, me ödra fâte thauzan ke faiv haded.

³⁴ Haba laku Manase, wale anyidra je dö, hoton anyidra je lap, a je hnyaban lakamödra, wale je numerainy je ien, hwân ge tavat a twente huna me gan hon e, tavat ae khana he ka hnyi vat;

³⁵ haba tavat adre aû ûnyi hnyi tribu Manase, me ödra tböte tu thauzan ke tu haded.

³⁶ Haba laku Beniamina, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

³⁷ haba tavat adre aû ûnyi hnyi tribu Beniamina, me ödra thöte faiv thauzan ke foa haded.

³⁸ Haba laku Dana, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

³⁹ haba tavat adre aû ûnyi hnyi tribu Dana, me ödra sikste tu thauzan ke seven haded.

⁴⁰ Haba laku Asera, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

⁴¹ haba tavat adre aû ûnyi hnyi tribu Asera, me ödra fâte wan thauzan ke faiv haded.

⁴² Haba laku Nafatali, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat;

⁴³ haba tavat adre aû ûnyi hnyi tribu Nafatali, me ödra fifte theri thauzan ke foa haded.

⁴⁴ Wale tavat adre aû, waleji a aû hnö Mose me Arona, me je tuhan Isaraela, a ödrin twelv: a ûsa khaca hobi kâu je hnyaban lakamödrin.

⁴⁵ Me haba numerainy hia lakon Isaraela adre aû, hoton je hnyaban je lakamödra, hwân ge tavat a twente huna me gan hon e, a tavat Isaraela hia ae khana he ka hnyi vat;

⁴⁶ wale tavat hia adre aû, me ödra siks haded ke theri thauzan ke faiv haded ke fifte.

⁴⁷ Ke adre ca tha âu mödra at Levi hoton je tribu iny lakamödra.

⁴⁸ Anyin a Iehova ame ha kö Mose, ka habe,

⁴⁹ U me ca he minya ka aû tribu Levi, ke u me ca he ka tha aû ûseidra me lakon Isaraela:

⁵⁰ ke u me he ka otilâ at Levi hnyi uma manoiny ohnatho, me hon omjehen hia, me ta je ûnyi hia a hanen: hamödra he ka sukhöûnâ uma mano, me je omjehen hia; ke hamödra he ka bi athnyaba hnyin, me laba igigilö uma mano.

⁵¹ Ke ödra ka he ka hom uma mano, me hamen at Levi he ka ai e: ke ödra ka he ka otilâ uma mano, me hamen at Levi he ka otilâ e: ke adre me he ka hlingâ atkanua at ame hakekenyâ e.

⁵² Ke ame he je lakon Isaraela ka ve otilâ umödra je uma hnyi je hnyabadra, me hnyi je hatödra, hoton anyidra je utbavat.

⁵³ Ke ame he at Levi ka ve otilâ umödra je uma mano igigilö uma manoiny ohnatho, me me ca ta hmönyin ka hnyi hon ûkhacakoû anyin lakon Isaraela: ke hamen at Levi he ka tuö uma manoiny ohnatho.

⁵⁴ Ke haba lakon Isaraela, me adre me ânyâ hia helâ me hna hûna hnö Iehova kö Mose, adre me ânyâ helâe.