Nehemia 3 - Iaai Bible 1901 (New Caledonia)

¹ ME haba Eliasiba at bihut ae beönua me je liamekeiny mē a tavat bihut, odrin e todrö me op homagouleny mamoe; me ödrin e okabâ e, me otilâ je hlinginy, ke ne o but ka hnyi hnabâ hnyi Mea ödrin e okabâ e, me ke ne o but hnyi hnabâ hnyi Hananel.

² Ke haba at Jeriko ödrin e op ûtangköu mē. Ke haba Zakuri nöku Imeri ame op ûtangköu mödrin.

³ Ke haba je laku Hasenaa ödrin e op homagouleny je wâ; ödrin e ip je venyâiny, me otilâ je hlinginy hwanumen, me je lâkiny, me je ohmâiny.

⁴ Ke haba Meremoth, nöku Uria, nöku Koz, ame op ûtangköu mödrin. Ke haba Mesulama, nöku Berekia, nöku Mesezabel ame op ûtangköu mödrin. Ke haba Zadoka nöku Baana ame op ûtangköu mödrin.

⁵ Ke haba at Tekoa ödrin e op ûtangköu mödrin; ke ame ca hadruʼ ödrin je tuhödrin ge huliwa anyin tuhödrin.

⁶ Ke haba Jehoiada nöku Pasea, me Mesulama nöku Besodeia, ödru me ânyâ homagöule a ûnyi but ehac; ödru me ip je venyâiny, me otilâ je hlinginy hwanumen, me je lâkiny, me je ohmâiny.

⁷ Ke haba Melatia at Gibeona, me Jadon at Merono, me at Gibeona, me Mizepa, wale hanen theron anyin gavena hnyi ke keihen hoton wagewe, ödrin e op ûtangköu mödrin.

⁸ Ke haba Uziela nöku Haraia hanen tavat huliwan gol, ame op ûtangköu mē. Ke haba Hanania nokon ke at huliwan ûnyi se bo so, ame op ûtangköu mē, ke ödrin e owhegiâ Jerusalema ke ne o but hnyi hna up veto ae lau.

⁹ Ke haba Refaia nöku Huro at ame muso ke keihen a hafiny Jerusalema, ame op ûtangköu mödrin.

¹⁰ Ke haba Jedaia nöku Harumaf, ame op ûtangköu mödrin cicö umen uma. Ke haba Hatusa nöku Hasabenia ame op ûtangköu mē.

¹¹ Haba Malekia nöku Harim, me Hasuba nöku Pahatha-moaba, ödru me op ke keihen, me tap ae beû goranyai, hnen je meic.

¹² Ke haba Saluma nöku Halohes, at ame muso ke keihen a hafiny Jerusalema, ame op ûtangköu mē e me lakon je hlu.

¹³ Ke haba Hanuma me tavat adre me laba hnyi Zanoa, ödrin e op homagouleny hnyi hnyigöulen bucen; ödrin e op e, me otilâ je hlinginy hwanumen, me je lâkiny, me je ohmâiny, me wan thauzan je kubit hna up veto, ke ne o but hnyi homagouleny tatet.

¹⁴ Ke haba Malekia nöku Rekaba, at ame muso ke keihen hnyei wale Beth-akerem, e ame op homagouleny ta tet; e ame op e, me otilâ je hlinginy hwanumen, me je lâkiny, me je ohmâiny.

¹⁵ Ke haba Saluma nöku Kole-hoz, at ame muso ke keihen hnyei a Mizepa, e ame op homagouleny köiö ame pupua; e ame op e, me tube, me otilâ hlinginy hwanumen, me je lâkiny, me je ohmâiny, me hak vetoiny an Siloa hnyi utkânâ iny than, ke ne o but wacûat gethen ka hnyi taun anyi Davita.

¹⁶ Ke hwaban dö e, Nehemia nöku Azebuk, at ame muso ke keihen a hafiny Bethe-zur, e ame op ke ne o but hnyi cicö je erkemok anyi Davita, me ke ne o but hnyi uma umen hnyat ae hwege.

¹⁷ Ke hwaban dö e at Levi ödrin e op, a Rehum nöku Bani. Ke haba Hasabia at ame muso ke keihen a hafiny Keila, wale hanymen, e ame op ûtangköu mē.

¹⁸ Ke hwaban e je liamekeiny mē ödrin e op, a Bavai nöku Henadada, at ame muso ke hafiny Keila.

¹⁹ Ke Ezera nöku Jesua at ame musi hnyi Mizepa ame op ûtangköu mē, a ke keihen e, cicö gethen ka hnyi uma adre hip omjehen vat hnyin, hnyi kopiny.

²⁰ Ke hwaban e, Baruka nöku Zabai, e ame hwege op ke ke keihen, hwân hnyi kop ke ne o but ka hnyi hwanumen uma umo Eliasiba at bihut ae beönua.

²¹ Ke hwaban e, Meremoth, nöku Uria, nöku Koz, ame op ke ke keihen, hwân hnyi hwanumen uma umo Eliasiba ke ne o but ame onua but ge uma umo Eliasiba.

²² Ke hwaban e me tavat bihut a aten Dok ae Tha Hon, ödrin e op.

²³ Ke hwaban e, Beniamina me Hasuba, ödru me op cicö umödru uma. Ke hwaban e Azaria nöku Maseia, nöku Anania ame op baten umen uma.

²⁴ Ke hwaban e, Binui nöku Henadada ame op ke keihen, hwan hnyi uma umo Azaria ke ne o but hnyi kopiny, me ke ne o but hnyi bahebet.

²⁵ Haba Palala nöku Uzai ame op, hwân hnyi cicö kopiny, me hnabâ ae silöû hnyi uma ethö umen than, ae hnyi hnyeuleny uma ûceat. Ke hwaban e ame op Pedaia nöku Paros.

²⁶ (Ke haba at Nethini me ödrin e laba hnyi Ofela, ke ne o but dok cicö homagouleny köiö hnyi hnyimakan e deiö, me hnabâ ame silöû.)

²⁷ Hwaban e, at Tekoa ödrin e op ke keihen, cicö hnabâ ae gan ame silöû ke ne o but hnyi hna up veto hnyi Ofela.

²⁸ Haba tavat bihut ödrin e ve op cicö umödrin je uma hwân hnyi hon homagouleny hors.

²⁹ Hwabodrin dö, me ame op Zadoka nöku Imer, cicö umen uma. Ke hwaban e, ame op Semaia nöku Sekania, at ame tuö homagöule e deiö.

³⁰ Ke hwaban e, ame op Hanania nöku Selemia, me Hanuna nöku Zalafa a siksiny, ke ke keihen. Hwaban e ame op Mesulama nöku Berekia cicö hnyeuleny.

³¹ Hwaban e, Malekia, hanen hnyat huliwan gol, ame op ke ne o but hnyi uma umen at Nethini, me tavat ûcû, cicö homagöulei Mifekad, me ke ne o but hnyi gethen ame he ka hnyi bahebet.

³² Ke haba hnyi wanben gethen ame he ka hnyi bahebet me homagouleny mamoe ame op hnyat huliwan gol; me hnyat ûcû.