Nehemia 12 - Iaai Bible 1901 (New Caledonia)

¹ WALANG tavat bihut me at Levi, hnyat adre me tha he me Zerubabela, nöku Sealetiela, me Jesua; wale Seraia, Jeremia, Ezera;

² Amaria, Maluka, Hatusa;

³ Sekania, Rehum, Meremoth;

⁴ Ido, Ginetho, Abia;

⁵ Miamin, Maadai, Bilega;

⁶ Semaia, Joiarib, Jedaia;

⁷ Salu, Amok, Hilekia, Jedaia. Wale je taben tavat bihut me je liamekeiny mödrin hnyi je bong bongu Jesua.

⁸ Me at Levi minya, wale Jesua, Binui, Kademiel, Serebia, Juda, Matania, at ame vhik khumöng, e me je liamekeiny mē.

⁹ Ke haba Bakebukia, me Uni, li liamekeiny mödrio, ödru e laba, cici ödirin hnyi je hanymen.

¹⁰ Ke haba Jesua ame hnöku Joiakim, me Joiakim ame hnöku Eliasiba, ke Eliasiba ame hnöku Jehoiada,

¹¹ ke Jehoiada ame bnöku Jonathana, ke Jonathana ame hnöku Jadua.

¹² Ke haba hnyi je bong bongu Joiakim e hu tavat bihut, je kamen ae beönua: ûnyi ga Seraia, Meraia; ûnyi ga Jeremia, Hanania;

¹³ ûnyi ga Ezera, Mesulama; ûnyi ga Amaria, Johanana;

¹⁴ ûnyi ga Meliko, Jonathana: ûnyi ga Sebania, Josefa;

¹⁵ ûnyi ga Harim, Adena; ûnyi ga Meraioth, Halekia;

¹⁶ ûnyi ga Ido, Zakaria; ûnyi ga Ginethon, Mesulama;

¹⁷ ûnyi ga Abia, Zikeri; ûnyâ gâ Miamin, ûnyi ga Moadia, Piletai;

¹⁸ ûnyi ga Bilega, Samua; ûnyi ga Semaia, Jonathana;

¹⁹ ûnyi ga Joiarib, Matenai; ûnyâ ga Jedaia, Uzi;

²⁰ ûnyi ga Salai, Kolai; ûnyi ga Amok, Heberu;

²¹ ûnyi ga Hilekia, Hasabia; ûnyi ga Jedaia, Nathaniela.

²² Ke haba at Bevi hnyi je bong bongu Eliasiba, Jehoiada, me Johanana, me Jadua, wale adre sihnalimidrin a je kamen ae beönua: me tavat bihut minya hnyi musi anyi Dariu than Peresi.

²³ Je laku Levi, je kamen ae beönua, adre me sihnalimidrin hnyi tusi hnân ha je bong, ke ne o but hnyi je bong bongu Johanana, nöku Eliasiba.

²⁴ Ke haba je taben at Levi; Hasabia, me Serebia, me Jesua nöku Hademiel, me je liamekeiny mödrin cici ödrin, he ka oganâ me ole, hoton hna hûna ga Davita aten Khong ke dö cicö ke dö.

²⁵ Haba Matania, me Bakebukia, me Obadia, me Mesulama, me Talemon, me Akub, tavat tuö hwanuma, ödrin e tuö homagouleny uma omjeû.

²⁶ Ke tavat eling hnyi je bong bongu Joakim nöku Jesua, nöku Jozadaka, me hnyi ûö Nehemia, at ame musi, me Ezera, at bihut a at sihnalimen.

²⁷ Ke haba hnyi hna okabâ hna up haginy Jerusalema, ödrin e elâm at Levi hnyi anyidrin je taun hia, he ka hum ödrin Jerusalema ai, he ka hnyi okabâ hak me senyin, me ole, me khumöng, ge je simebalo, me je nabeli, me je kitara.

²⁸ Ke haba lakon tavat khumöng ödrin e ûkhacaköu ûnyi hnyi dok ae tha hon igigilo Jerusalema, me je taun anyin at Netofa;

²⁹ me ûnyi hnyi Bethe-gilegala, me ûnyi hnyi je utkânâ anyi Geba, me Azemaveth; anyin a haba at khumöng ödrin e hia but otilâ anyidrin je taun ae ûhnyûkong igigilo Jerusalema.

³⁰ Ke haba tavat bihut me at Levi, ödrin e obosi ödrin bi; kʼ ödrin e obosoâ tavat, me je homagöule, me hna up hak veto.

³¹ Ke oge me hom je than Juda kâ thö ka hnyi hon hna op hak veto hnyi ke keihen metâ, ke ne o but ka hnyi homagouleny ta tet:

³² ke hwabodrin dö ame he but Hosaia me hafiny je than Juda,

³³ Azaria, Ezera, Mesulama,

³⁴ Juda, Beniamina, Semaia, Jeremia,

³⁵ me ke je lakon tavat bihut a je baga, kʼ ödrin e hok trutru: Zakaria nöku Jonathana, nöku Semaia, nöku Matania, nöku Mikaia, nöku Zakuri, nöku Asafa;

³⁶ me je liamekeiny mē, a Semaia, me Azareela, me Milalai, me Gilalai, me Maai, me Nathaniela, me Juda, me Hanani, tavat adre me hom je ûnyikhumöng anyi Davita aten Khong; me Ezera at sihnalimen ame hnyimakan anyidrin bunyen;

³⁷ ke haba hnyi homagouleny köiö ame pupua, me gethen hnyi hnyimaködrin, ödrin e öliâ wacûatiny taun anyi Davita, hnyi hna Öliâ ka hnyi hon hak veto, walethö hon uma umo Davita, ke ne o but ka hnyi homagouleny köiö e deiö.

³⁸ Ke haba dö a loiny tavat ole, me ödrin e he bi he ka ûkhanö mödrin, ke inya bi hotudrin tha inya me hafiny tavat ka hnyi hon hak veto, walethö hon tap ae beû goranyai a hnen je meic, ke ne o but hnyi hna up hak veto ae lau:

³⁹ me ethö hon homagöulei Eferaima me homagöule kâû adrem, me homagouleny ta je wâ, me tap ae beû goranyai anyi Hananel, me tap ae beû goranyai anyi Mea, ke ne o but hnyi homagouleny mamoe: me ödrin e todrö hnyi homagouleny uma ceat.

⁴⁰ Kʼ ame tot helâe li döiny hnyat ole hnyi uma umen Khong, kʼ inya minya, me hafiny hnyat musi unyik:

⁴¹ ke haba tavat bihut, Eliakima, me Maseia, me Miamin, me Mikaia, me Elioenai, me Zakaria, me Hanania, hnyat hok trutru;

⁴² me Maseia, me Semaia, me Eleazara, me Uzi, me Johanana, me Malekia, me Elama, me Ezer. Ke haba tavat khumöng adre me khumöng goranyai tha ödra me Jezeraia at ame tuʼ ödrin.

⁴³ Ke ödrin e hudo je hut ae gan hnyi bong eling me senyin; anyin a Khong ame osenyini ödrin ge senyin; me je momo me je wanakat minya ödrin e hnyi senyin: me adre me long hnyi dok ae sâkâû hwan senyin hnyi Jerusalema.

⁴⁴ Ke adre me otilâ hnyi bong eling tavat hon je hnyeuleny omjeû, me je hut adre kap goranyai, me je wan a bân, me je ke keihen a libenyitainy, mʼ adre me ûkhacaköu kâu ûnyi hnyi je utkânâiny je taun, je jekhoû hoton hnanyibu hobi kâu tavat bihut me at Levi: anyin a at Juda ödrin e senyin ka tavat bihut me at Levi, tavat huliwa.

⁴⁵ Ke ödrin e tuö hanymen ûnyi ge Khongudrin, me hanymen ge hna obosoâ, helâe minya tavat khumöng me tavat tuö hwanuma, hoton hnanyibu anyi Davita me Solomona a nokon.

⁴⁶ Anyin a hnyi ûö Davita ehac me Asafa e hu homakan ka tavat khumöng, me je khumöng hnân oganâ me hnân ole ka Khong.

⁴⁷ Ke haba hnyi ûö Zerubabela, me ûö Nehemia, haba at Isaraela hia ödrin e ham je jekhon tavat khumöng me tavat tuö hwanuma, ke jekhoû hnyi ke bong: ke ödrin e okabâ ta je ûnyi hobi kâu at Levi; ke haba at Levi ödrin e okâbâ hobi kâu laku Arona.