Nehemia 11 - Iaai Bible 1901 (New Caledonia)

¹ KE haba je thaniny tavat, me, ödrin e laba hnyi Jerusalema: me haba kolon tavat, me, ödrin e ugleköbâ, he ka hom khaca ûnyi hnyi je libenyitainy tavat he ka laba hnyi Jerusalema, taun ae kap, kʼ ame hnen bi je hnyat a nain hnyi ke je taun.

² Ke ame hahnahicâ je hnyat ödrin e ka hamödrin hmehmela he ka laba hnyi Jerusalema hnen ûkhacaköu.

³ Ke walang je homakan je ke keihen hnyei, tavat adre me laba hnyi Jerusalema: ke haba hnyi je taun anyin at Juda ödrin e ve laba hnyi idrin je hnyei hnyi anyidrin je taun, at Isaraela, me tavat bihut, me at Levi, me at Nethini, me je lakon lathnyabai Solomona.

⁴ Ke adre me laba hnyi Jerusalema ke je lakon Juda, me ke je lakon Beniamina. Je laku Juda: Athaia, nöku Uzia, nöku Zakaria, nöku Amaria, nöku Sefata, nöku Mahalaleel, ke je laku Farez;

⁵ me Maseia, nöku Baruka, nöku Kole-hoz, nöku Hazaia, nöku Adaia, nöku Joiarib, nöku Zakaria, nokon at Siloni.

⁶ Haba je laku Farez hia, tavat adre me laba hnyi Jerusalema ödrin foa haded ke sikste eit tavat ae hwege.

⁷ Ke walang je lakon Beniamina: Salu nöku Mesulama, nöku Joed, nöku Pedaia, nöku Kolaia, nöku Maseia, nöku Ithiela, nöku Jesaia.

⁸ Ke hwaban dö e, Gebai, Salai, ödrin nain haded ke twente eit.

⁹ Ke Joela nöku Zikeri at ame tuʼ ödrin: ke Juda nöku Senua at a loiny hon taun.

¹⁰ Ke je at bihut: Jedaia nöku Joiarib, Jakina,

¹¹ Seraia, nöku Hilekia, nöku Mesulama, nöku Zadoka, nöku Meraioth, nöku Ahituba at ame muso uma umen Khong,

¹² me je liamekeiny a hnyat adre me ânyâ huliwa hnyi uma, ödrin eit haded ke twente tu: me Adaia, nöku Jerohama, nöku Pelatia, nöku Amezi, nöku Zakaria, nöku Pasur, nöku Malekia,

¹³ me je liamekeiny mē, je kamen ae beönua ödrin tu haded ke fâte tu: me Amasai, nöku Azareela, nöku Ahazi, nöku Mesilemoth, nöku Imer,

¹⁴ me je liamekeiny mödrin tavat ae hwege, ödrin wan haded ke twente eit: ke Zabediela, nöku Hagedolima at ame tuʼ ödrin.

¹⁵ Me ke je at Levi minya: Semaia, nöku Hasuba, nöku Azerikam, nöku Hasabia, nöku Buni;

¹⁶ me Sabetai, me Jozabada, ke li tuhan at Levi, hamödru he ka tuö huliwa hnyi hoton uma umen Khong;

¹⁷ me Matania nöku Mika, nöku Zabedi, nöku Asafa, taben at ame hwân ogânâ hnyi hmi, me Babebukia, at a loiny unyin je liamekeiny mē; me Abeda nöku Samua, nöku Galal, nöku Jeduthun.

¹⁸ Haba at Levi hia hnyi taun ae kap, ödrin tu haded ke eite foa.

¹⁹ Ke haba tavat tuö hwanuma, Akub, me Talemon, me je liamekeiny mö-dru, tavat tuö homagöule, ödrin wan haded ke sevente tu.

²⁰ Ke haba je kolon at Isaraela, tavat bihut, me at Levi, hnyi je taun hia anyin at Juda, hnyi jeve idrin.

²¹ Ke haba at Nethini, ödrin e laba hnyi Ofela: ke haba Ziha me Gisepa ödru me tuö at Methini.

²² Ke haba homakan at Levi hnyi Jerusalema, me, Uzi, nöku Bani, nöku Hasabia, nöku Matania, nöku Mika, ke je laku Asafa, a tavat khumöng, ke hamödrin he ka tuö huliwa hnyi uma umen Khong.

²³ Anyin ae hu hnanyibu hnen than gadrin, a e bala bi jekhon tavat khumöng hnyi ke bong me ke bong.

²⁴ Ke haba Pethaia nöku Mesezabel, hanen laku Zera, nöku Juda, e unyin than hnyi ta je ûnyi hia hnyi hnyei.

²⁵ Ke haba ge je taun ae ûhnyûkong me je utkânâiny, me ame laba ke je laku Juda hnyi Kiriath-areba, me je tauniny, me Dibona me je tauniny, me Jekabezel me je tauniny;

²⁶ me Jesua, me Molada, me Bethe-palet;

²⁷ me Hazara-sual, me Bere-seba, me je tauniny,

²⁸ me Zikelag, me Mekona, me je tauniny,

²⁹ me Ene-rimon, me Zorea, me Jamuth;

³⁰ me Zanoa, me Adulama, me je tauniny, me Lakisa, me je tauniny, me Azeka me je tauniny. Me ödrin e laba, hwân hnyi Bereseba ke ne o but hnyi hnyigöulen bucen Hinon.

³¹ Ke haba laku Beniamina, ödrin e laba hwân hnyi Geba, ke ne o but Mikemas, me Aia, me Beth-ela, me je tauniny;

³² me hnyi Anathoth, me Nob, me Anania;

³³ me Hazora, me Rama, me Gitaim;

³⁴ me Hadid, me Zeboim, me Nebalat;

³⁵ me Lod, me Ono, me hnyigöulen bucen tavat ae metâ huliwa.

³⁶ Kʼ adre me khenâ at Levi hnyi Juda me Beniamina.