Nehemia 10 - Iaai Bible 1901 (New Caledonia)

¹ KE walang tavat adre me ohmâ haten gadrin, Nehemia gavena nöku Hakalia, me Zedekia;

² ke Seraia, Azaria, Jeremia;

³ Pasur, Amaria, Malekia;

⁴ Hatusa, Sebania, Maluka;

⁵ Harim, Meremoth, Obadia;

⁶ Daniela, Ginethon, Baruka;

⁷ Mesulama, Abia, Miâmin;

⁸ Maazia, Bilegai, Semaia; wale tavat bihut.

⁹ Me at Levi: Jesua, nöku Azania, Binui, hanen je Laku Henadada, Kademiel;

¹⁰ me je liamekeiny mödrin, Sebania, Hodia, Kelita, Pelaia, Hanan;

¹¹ Mika, Rehoba, Hasabia;

¹² Zakuri, Serebia, Sebania;

¹³ Hodia, Bani, Beninu;

¹⁴ Je taben ka tavat: Paros, Pahatha-moaba, Elama, Zatu, Bani;

¹⁵ Buni, Azegada, Bebai;

¹⁶ Adonia, Bigevai, Adin;

¹⁷ Atera, Hezekia, Azura;

¹⁸ Hodia, Hasum, Bezai;

¹⁹ Harif, Anathoth, Nebai;

²⁰ Magepias, Mesulama, Hezir;

²¹ Mesezabel, Zadoka, Jadua;

²² Pelatia, Hanan, Anaia;

²³ Hosea, Hanania, Hasuba;

²⁴ Halohes, Pilea, Sobek;

²⁵ Rehum, Hasabena, Maseia;

²⁶ Ahia, Hanan, Anan;

²⁷ Maluka, Harim, Baana.

²⁸ Me je kolon tavat, tavat bihut, me at Levi, me tavat tuö hwanuma, me tavat khumöng, me at Nethini, me tavat hia ödrin e hia but ûsâkâû ödrin bi me tavat aten je hnyei ka hnyi hnanyibu anyin Khong, me je laöiödrin, me lakudrin obaga me wahlu, tavat wâhmakhmeto hia, me tavat ae metâ;

²⁹ ke ödrin e kece hmâ ka je liamekeiny mödrin, me anyidrin je taben, me ödrin e tha ânyâ hna khemanyin me ha je manyidrin, he ka vheno hnanyibu anyin Khong, waleji a ham a deny Mose athnyabainy Khong, me he ka tuö me ânyâ je hna hûna hia anyi Iehova a Tuhötin, me hnen je hna owisa me hna otilâ;

³⁰ me öhmun e ca he ka ham lakuhmun wahlu ka tavat aten hnyei, me ca he ka hom lakudrin wahlu hobi kâu lakuhmun obaga:

³¹ me a ne hom tavat aten hnyei je omjeû me jeû hia hnyi bong sabath hnân ûcû, öhmun e ca he ka ûcû mödrin hnyi sabath, me ke bong adre okabâ: me öhmun e he ka hna degecâ hnyi huna a seveniny, me ca hnö je hna hok gufa hia.

³² Ke ohmun e otilâ hobi kohmun je hnanyibu, a hamöhmun he ka ve ham ke keihen a kuniny sekel hnyi ke huna me ke huna hobi kâu huliwa hnyi uma umen Khongutin;

³³ hobi kâu areto hnân omanenâ, me hudiny han ae bala bi, me hudiny Ieû ae bala bi, me je sabath, me je tehi ae teb ûnyi, me je bijeû adre thu, me je ûnyi ae kap, me je hudiny hulo hnân bi hwaban möt anyin at Isaraela, me hobi kâu huliwa hia hnyi uma umen Khongutin.

³⁴ Ke öhmun e ugleköbâ, wale tavat bihut, me at Levi, me tavat, ûnyi ge hudiny uto he ka hom ka hnyi uma umen Khongutin, hoton je lap anyin lakamöhmun, hnyi je ûen adre me thu, hnyi ke huna me ke huna, hnân le hon taben hut kö Iehova Khongutin, helâ me hna sihnalimen hnyi hnanyibu:

³⁵ me he ka hom ka hnyi uma umö Iehova wan a bân hnyi kânâ, me je wan ûö hia a bân hnyi ke huna me ke huna:

³⁶ helâe minya lakutin je baga a bân, me haletin omeno, helâ me hna sihnalimen hnyi hnanyibu, me je nokon kau a bân, me haletin je mamoe, he ka hom ka hnyi uma umen Khongutin, ka tavat bihut, tavat adre me huliwa hnyi uma umen Khongutin:

³⁷ me otin e he ka hom anyitin je falawa a bân, me anyitin je hut adre kap goranyai me wan haletin je ûö, me waina me wakaco, ka tavat bihut, ka hnyi je hnyeuleny uma umen Khongutin; me je ke keihen a libenyitainy jeûiny könötin kânâ ka at Levi; anyin a haba at Levi ödrin e hom je ke keihen a libenyitainy hnyi ta je taun hia otin e belök hnyin.

³⁸ Ke ame he at bihut a mâtrâni Arona ka tha e me at Levi, e ka he at Levi ka hom je ke keihen a libenyitainy: kʼ ame he at Levi ka hom ke keihen a libenyitainy ûnyi hnyi je ke keihen a libenyitainy ka hnyi uma umen Khongutin, ka hnyi je hnyeule ka hnyin uma omjeû.

³⁹ Ke hamen lakon Isaraela me lakon at Levi he ka hom ka hnyi je hnyeule hudiny hwit, me waina, me wakaco, a eling je kaiainy dok ae kap, me tavat bihut a hnyat bi huliwa, me tavat tuö hwanuma me tavat khumöng: ke otin e ca he ka degec uma umen Khongutin.