Mika 5 - Iaai Bible 1901 (New Caledonia)

¹ HLUINY je deo vat lö, u me he walang ang ka ûkhacaköu me me je deo vat: e ame igigili öta hnen vat: kʼ adre me he ka kot wahicen at owisa hnyi Isaraela ge uci.

² Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

³ Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

⁴ Ke e ame he ka tot me han haleny hnahat hnyi man mani Iehova, me hmanenanginy iö Iehova a Khongon: kʼ adre me he ka laba hmâ; anyin a e ame he ka gan hmâ walang ang ke ne o but hnyi je can hmeledrany.

⁵ Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.

⁶ Ke adre me he ka öba waniny hnyei Asuria ge hele vat, ke hnyei i Nimeroda hnyi je homagouleny; ke e ame he ka omeli öta ge at Asuria, e ka o ka hnyi ita hnyei me uto je ita.

⁷ Ke ame he je kolon ga Jekob hnyi wanben je hnyei ae se hia, helâ me dân hau ûnyi ga Iehova, helâ me we ame khukhula hon hna önying; at ame ca bec ge at, ke ame ca halubahingen at.

⁸ Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

⁹ E so ame gorany hnyamâm hon tavat adre me oveci u, ke so adre me subâ degecâ je iwahnaihmiöny hia möu.

¹⁰ Ke haba hnyi bong eling, haingo Iehova, me oge me he ka subâ degecâ je hors hnyi wanbâm, me ohia ânyâm je kariota:

¹¹ ke oge me he ka subâ degecâ je taun hnyi em hnyei, me hagutâ ânyâm je hnabâ hia:

¹² ke oge me he ka subâ degecâ hna bibihwakecin ûnyi hnyi hnya mâm; kʼ ame ca e bi hmetu unyâm tavat biobotkong:

¹³ ke oge me he ka sö degecâ ânyâm je hnatheat me ânyâm je veto adre otilâ hnyi wanbâm; ke u me ca he hmetu ka khudrung ka huliwa anyin li hnyamâm.

¹⁴ Ke oge me he ka oc degecâ ânyâm Aseira unyâm: he oge me he ka ohia ânyâm je taun.

¹⁵ Ke oge me he ka bi hwaban hnyi hmonyin me wathethot ka je hnyei adre me ca long bi.