Mataio 11 - Iaai Bible 1901 (New Caledonia)

¹ KE a um dö Iesu hûna ka laten a twelv, e ame he ûheny e he ka ûne me khetâ hnyi anyidra je taun.

² Ke a long ut Ioane hnyin uma ce at ta je huliwa anyin Keriso me e ame kunâ li laten,

³ he ka ha kâu, ka habe, U but e At ame he ka o, hawa, ohmun e he ka lubahingen khaca?

⁴ Ke haba Iesu ame thu me ha ködru, ka habe, He thʼ öbu ka thumetu Ioane ge hnöbu hna long me wâ:

⁵ a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

⁶ Ke hnahic hnen at ame ca he ka thö thö gak.

⁷ Ke ödru me tiga he, me Iesu ame hwân ka ha ka tavat ae se hia ga Ioane ka habe, Öbun e he but ka hnyi hnyebuba he ka wâ ieû? hlowe, ame jijing ge ang?

⁸ Ke öbun e he but he ka wâ hmâ ieû? at ame khavâ ûkhaû ae menyik? Wâ bi, ödrin dö hnyin ta je uma umen je than hnyat, ödrin e khavâ ûkhaû ae menyik.

⁹ Ke ieû öbun e he kâu? he ka wâ perofeta? Eke, inya oge me ha köbun, ka habe, e beönua e hon perofeta.

¹⁰ E at eji adre sihnalimen, ka habe, Wâ bi, inya oge me kunâ anyik ûthumetu he ka bân hnyi hnyimâkâm, Wale at ame he ka ânyâwia dem gethen hnyi hnyimâkâm.

¹¹ E hnathu, inya oge me ha köbun, ka habe, Adre tiga ca oâ unyin tavat a hnokoâ hnen omomo ke at ae beönua hu Ioane Bapataiso: ke so bi, haba at ae ûhnyûkong hnyi dokhon drany ame beönua hon e.

¹² Ke hwân hnyi ta je bong bongu Ioane Bapataiso ke ne o but walang ang, adre me ûhûgûnö dokhon drany, ke ame hûgûnâ e hnyat ae hwege.

¹³ Anyin a haba ta je perofeta hia me ta je hnanyibu, adre perofeta ke ne o but kö Ioane.

¹⁴ Ke a ne webun he ka kap, wale Elia, at ame he ka o.

¹⁵ Haba at ae hu hnyikonyen ka long, long ju e.

¹⁶ Ke oge me he ka oûco me ieû dö ang? E ûcû e me ta je wanakat adre me ûlalabainy hnyi hna ûcû, me ûhnenamö me je lahanödra,

¹⁷ me ha, ka habe, Ohmun e hia but tuö köwi köbun, ke öbun e ca bibiâ bi, ohmun e hia but tenge köbun, ke öbun e ca sang betenge thö.

¹⁸ Anyin a o but Ioane me ame ca han me ic, ke haingödra, ka habe, E hu demoni gan.

¹⁹ Ke ame o but Nokon at, me ame han me ic, ke haingödra, ka habe, Wâ bi, at ae hwenhmiâ me beic waina, hanen ta je telona me tavat ae kong! Ke haba ûnyi hnân haisoâ metâ, me huliwainy.

²⁰ Me e ame hwân ka haikongoâ ta je taun e ame ânyâ hnyin ta je huliwa ae man ae se hia, anyin adre me ca ietra bi.

²¹ Ekölö gam Korazin! ekölö gam Bethesaida! anyin adre ne ânyâ hnyi Turo me Sidona ta je huliwa ae man adre ânyâ unyibun, adre me ne hia but ietra me ecmano ae gan nân me hnabadröu.

²² Ke so bi, inya oge me ha köbun, ame he bi ka hâhâ ka Turo me Sidona hubun hnyi bong owisa.

²³ Ke haba u Kaperenauma, hawa, adre me he ka ogoranyi u ka hnyi drany? adre me he bi ka ohnyikönö u ka hnyi Hedis: anyin adre ne hia but ânyâ hnyi Sodoma ta je huliwa ae man adre me ânyâ unyâm, ame ne he ka tethmâ ke ne o but hnyi bong ang.

²⁴ Ke inya oge me ha köbun, ka habe, Ame he ka hâhâ ka hnyei Sodoma hom bi hnyi bong owisa.

²⁵ Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

²⁶ eke, Cica lö, anyin ae ûcû e hnyi hnyimâkâm.

²⁷ A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

²⁸ Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

²⁹ Kap ju anyik ûnyi hnân ûhûkâlâköaâ hubun, me nâ thö ûnyi gak; anyin a iny menyik ke hnyikânâ hnyok, me öbun e he ka wâ hna menâ hobi kâu ta je hanubun.

³⁰ Anyin ae ca pason anyik hna ûhûkâlâköuâ, ke hâhâ thö honök hok.