Mareko 3 - Iaai Bible 1901 (New Caledonia)

¹ KE e ame dit hmetu thö ka hnyi sunago; ke eling at ae meleca hnyamen.

² Me adre me tuö e, hawa, ame ne he ka osoâ e hnyi bong sabath; mʼ adre me he ka bi fuco e.

³ Ke e ame ha ka at ae meleca hnyamen, ka habe, Todrö hnyi wanben.

⁴ Me e ame ha kodra, ka habe, Hawa, e ûcû he ka mâdrâ so hnyi bong sabath, hawa, he ka mâdrâ monu? he ka omelö, hawa, he ka omoko? Ke adre me laba hnyibû but.

⁵ Ke e ame mē wâ igigili ödra hnyi hmonyin, ke ame vec can ae khot ta je hnyekudra, me e ame ha ka at, ka habe, Lau but hnyamâm. Ke e ame lau but: me ame so hmetu but hnyamen.

⁶ Me ame didrut ta je Faresaio, me ie ûhnenamö me hnyat Herodiane, mʼ adre me he ka hlingâ e.

⁷ Haba Iesu me laten ödrin e tha he ka hnyi hobat köiö: ke se hia hmonyin tavat adre me he hoton ûhedra Galilaia: me ûhedra Juda,

⁸ me Jerusalema, me Idumea, me ke keihen hnyei hoton Joridano, me tavat igigilo Turo me Sidona, ödra se hia hmonyin, adre long ut ta je ûnyi ae gan e ame ânyâ, me adre me he but kâu.

⁹ Me e ame ha ka laten, mʼ ödrin e he ka hok hu ae ûhnyûkong he ka halubahingen, anyin ae se hia tavat, wâ adre nye he ka ûhneki mē:

¹⁰ anyin a e ame hia but osoâ tavat ae se hia; waleling me me ûhneki kâu tavat a ödra tren mok he ka kâlâ e.

¹¹ Ke hnyi je ûen a wâ but e hnen ta je hanu ae kong, me ödrin e nom ju kâu me hongot, ka habe, U thibi Nokon Khong.

¹² Ke e ame thawâ hwegi ödra, wâ adre nye he ka omanenâ e.

¹³ Ke e ame ölö thö ka hnyi bucen, kʼ ame hawâ kâu hnyat ae weny: me ödrin e he but kâu.

¹⁴ Me e ame otilâ hnyat a twelv, he ka tha laba mē, me me he ka kunʼ ödrin he ka khetâ,

¹⁵ me he ka hu man he ka obâ ta je demoni:

¹⁶ me e ame hwenyi iö Simona, ka habe Peteru;

¹⁷ haba Iakobo nöku Zebedaio, ke Ioane liamekeiny me Iakobo; me e ame hwenyi iödru, ka habe, Boanerege, walang bongon, Li lakon hendreng:

¹⁸ ke Anederea, ke Filipo, ke Batolomaio, ke Mataio, ke Toma, ke Iakobo nöku Alefaio, ke Thadaio, ke Simona at Kanana,

¹⁹ ke Juda Isakariota at a alecuâ e. Ke e ame dit ka hnyi ke uma.

²⁰ Ke ame ûkhacaköu hmetu tavat ae se hia, me me ca khanʼ ödrin bi he ka han.

²¹ Ke e khana but lahanen, me ödrin e he but he ka kât e, anyin a haingödrin, ka habe, E a monu but.

²² Ke haingen tavat sihnalimen tavat adre me o ûhedra Jerusalema, ka habe, E unyin Belezebuba, ke, E ame obâ ta je demoni ûnyi ge tuhan ta je demoni.

²³ Ke e ame hawʼ ödrin kâu, me ha kodra hnyi ta je ûhöûcû, ka habe, Ama kâmâu Satana ka obâ Satana!

²⁴ Ke a ne imouköu ke dokhu, e ca khana dokhu eling he ka tethmâ.

²⁵ Ke a ne imouköu ke lap a je liamekeiny, me ca khana lap eling he ka tethmâ.

²⁶ Ke a ne Satana ame ka tot metâ kâu bi, me imouköu, me ca khana bi he ka tethmâ, kʼ ame he ka obiny kâu.

²⁷ Ke ca khana ke at he ka dit ka hnyi uma umen at ae hwege, me söh anyin ta je ûnyi, ame ne ca bân ka ca at ae hwege; waleling me ame he ka söh umen uma.

²⁸ E hnathu inya oge me ha köbun, ka habe, Adre me he ka hna degecâ ta je monu hia a ânyâ ge tavat, me je bigan a hnödra ta je hna bigan:

²⁹ ke haba at ame he ka bigan ka Hanu Kap, me adre me ca he ka hna degecâ, kʼ ame he bala anyin hulö ka mokut hon nyiele balua:

³⁰ anyin a haingödra, ka habe, E unyin hanu ae kong.

³¹ Me ame o but hinyen me je liamekeiny mē, me ûtitilen eû hnyou, me ûkhûnöng he ka hawâ e.

³² Ke ame laba igigilo e tavat ae se hia, me adre me ha kâu, ka habe, Wâ bi, hinyâm me je liamekeiny möu ödrin e elöm u.

³³ Ke e ame thu kodra, me ha, ka habe, Ia hinyök me je liamekeiny mönya!

³⁴ Ke e ame hngehngele igigili ödra adre me laba igigilo e, me ha, ka habe, Wâ bi hinyök me je liamekeiny mönya!

³⁵ Anyin a haba at ame he ka mâdrâ weny Khong, wale thibi e liamekeiny mönya, me hanik, me hinyök.