Levitiko 2 - Iaai Bible 1901 (New Caledonia)

¹ KE a ne he ke at ka hudo hudiny han kö Iehova, ame he ka salawa ae so anyin hut; kʼ ame he ka hû ge wakaco, me bi niken libanu ka hnyin:

² ke e ame he ka hom e ka laku Arona a hnyat bihut: ke e ame he ka okhaca aoc salawa, me ke keihen wakacoiny, me libanuiny hia; kʼ ame he at bihut ka le e hnân oûnykûmeâ hon taben hut, wale hut a an ge meic, ae bo so kö Iehova:

³ ke haba kolon hut hnân han: wale ae ti kap ûnyi hnyi je hut a an ge meic kö Iehova.

⁴ Ke u ka he ka hudo hudiny han adre thân, me so je ong areto salawa ae so adre ca levenâ bi, adre ʼûthueniken me wakaco, kʼ ame ne je ong areto ae halelöu adre ca levenâ kʼ adre khinö wakacoiny.

⁵ Ke ame ne hudiny han hnyi öt ânyâm hut, me so e salawa ae so adre ca levenâ bi, kʼ adre ûthueniken me wakaco.

⁶ U ma he ka susubâ, me hû ge wakaco; wale hudiny han.

⁷ Ke ame ne hudiny han hnyi fraingpan ânyâm hut, mʼ adre me he ka bi salawa me wakaco.

⁸ Ke u me he ka hom hudiny han adre ânyâ ûnyi hnyi je unyi eling kö Iehova: kʼ adre me he ka ham e ka at bihut, ke e ame he ka hom e ka hnyi taben hut.

⁹ Kʼ ame he at bihut ka hom ke keihen hudiny han me hnân oûnykûmiâ, me le hon taben hut: wale hut a an hnen meic, ae bo so kö Iehova.

¹⁰ Ke haba kolon hudiny jeû me hobi kö Arona me lakon; wale ûnyi ae ti kap ûnyi hnyi je hut a an hnen meic kö Iehova.

¹¹ Adre me ca he ka bi leven ka hnyi ke hudiny han öbun e he ka hudo kö Iehova; anyin a öbun e ca he ka leû leven me hani hnyi hut a an ge moic kö Iehova.

¹² Öbun e he ka hudo e hnân hudiny wan a bân kö Iehova, kʼ ame ca he ka ölö goranyai bunen ae so unyi hnyi hon taben hut.

¹³ Ke u me he ka sâltâ je hudiny ânyâm han hia; ke so ame ca ba balua sâltiny ûhihinyköu anyin Khongom hnyi ânyâm hudiny han: u me he ka hudo ânyâm je hut hia tha e me sâlt.

¹⁴ Ke u ka he ka hudo hudiny han, ûnyi hnyi je wan a bân kö Iehova, me u me he ka hudo hnân hudiny han je wan a bân hnyi em hnyei, je wan hwit adre le ge meic, me je hwit adre omomonoâ.

¹⁵ Ke u me he ka bi wakacoiny, me ip libanu hon: wale hudiny han.

¹⁶ Kʼ ame he at bihut ka le öunykûmiâ, a ke keihen hwit adre omomonoâ, me ke keihen wakacoiny, me libanuiny hia: wale hut a an ge meic kö Iehova.