Levitiko 19 - Iaai Bible 1901 (New Caledonia)

¹ KE Iehova ame ha kö Mose, ka habe,

² Ha thö ka ûkhacaköu hia anyin lakon Isaraela, me ha ködra, ka habe, Okabi öbun ju, anyin a inya Iehova Khongubun ae kap.

³ Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

⁴ Ca saû öbun ka je idola, ke ca he ka bi khongubun adre oköiöâ: Inya Iehova Khongubun.

⁵ Ke öbun e ne he ka hudo hudiny ole kö Iehova, me hamöbun he ka hudo e me me he ka kap soi öbun.

⁶ Ke adre me he ka an e hnyi bong öbun e hudo hnyin, me bong nyi: ke ame ne hu kolon hnyi bong we, me adre me he ka le degecâ ge meic.

⁷ Adre me ne he ka an e we, wale ikiki; adre me ca he ka kap soâ:

⁸ ke haba at ame han e, me ame he ka takoû e hnen anyin hulö, anyin a e ame okongoâ ûnyi ae kap anyi Iehova; me adre me he ka subâ degecâ at eling ûnyi hnyi iny hnyei.

⁹ Ke öbun ka he ka meno je ibun, me u me ca he ka meno hia ke ne o but hnyi je hounyin em, ke u me ca he ka hlo kolon hnâm hna menu.

¹⁰ U me ca he ka hlo kolon halem je vine, ke u me ca he ka hlo hia je wan vine ame kökölu ûnyi hnyi halem je vine; ke u me he ka hna bi ju hobi kâu at ae ba ta ûnyi me atkanyua: Inya Iehova Khongubun.

¹¹ Ca he öbun ka venöu; me ca bibiman bi, ke ca thoi ke at ka ke at.

¹² Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

¹³ U me ca he ka okongoâ at ame laba hakekenyi u, me hûgûnâ anyin ta je ûnyi: haba hwaban athnyaba u je hawâ, ame ca he ka mokut unyâm hnyi hnyinghet ke ne o but hnyomakatu.

¹⁴ U me ca he hangâ at ae wejiji, ke ca ip ke ûnyi hnân ohavâ hnyi hnyimakan wadröu, ke u me he ka outen Khongom: Inya Iehova.

¹⁵ Ca he öbun ka ânyâ hwali hnyi owisa: u me ca he ka wâhmakhmetoâ at ae ba ta ûnyi, me ogânâ at ae tren omjeû: ke hamâm he ka owisa at ame laba hakekenyi u hnyi wisa.

¹⁶ U me ca he ka ngeno em hnyei he ka ûhaiö monu: ke u me ca he ka tot he ka thoi me me mok at ame laba hakekenyi u: Inya Iehova.

¹⁷ U me ca he ka hûkötiâ eû hnyi hnyekom liamekeiny mou: u ma he bala ka thawâ at ame laba hakekenyi u, ke ca he ka bi jönâm gan.

¹⁸ Ca he ka oûcoâ hulö, me ip hnân ka aten em hnyei, ke u me he ka betenge ka at ame laba hakekenyi u helâ me u bi: Inya Iehova.

¹⁹ Hamöbun he ka tuö anyik je hnanyibu. U me ca he ka hna halem je meno he ka hnokoâ meno ae ke bongon bi: u me ca he ka ta em hnyei ge je hatong ae ve bongon bi: ke u me ca he ka khavâ ûkhaû adre ûthûeneken ge li tö ae ve bongon.

²⁰ Ame ne he ke at ka tha mokut me momo a athnyaba adre ûco, kʼ adre ham ka ke baga, kʼ adre ca ûco hmeto bi me hna baûâ; me adre me he ka bi hwaban; adre me ca he ka hlingʼ ödru, anyin a e ame ca gufa bi.

²¹ Ke hamen baga he ka hom hudiny anyin monu bi kö Iehova, ka hnyi hwanumen uma ûkhacaköu, a mamoe baga hnân hudiny monu.

²² Ke ame he at bihut ka bi hwaban anyin möt ge mamoe baga hnân hudiny monu hnyi hnyimakö Iehova, can hulö e ame ânyâ: me adre me he ka hna hulö e ame ânyâ.

²³ Ke öbun ka o but ka hnyi hnyei, kʼ adre um dö tā ta je ve ûö ae hu wan hnân han; me öbun e he ka aû je wan helâ me ûnyi adre ca peritomonâ: hnyi kun ta huna adre me he ka helâ me ûnyi adre ca peritomonâ köbun: öbun e ca he ka han.

²⁴ Ke haba hnyi huna a vakiny ame he ka kap hia je wan, me hnân oganâ Iehova.

²⁵ Ke hnyi huna a thabûnginy öbun e he ka han je wan, me me hu troban köbun: Inya Iehova Khongubun.

²⁶ Ca he öbun ka tha han meno me dren: ke u me ca he ka biobotkong, me bihihwakecin.

²⁷ Ca he öbun ka giâ li halelöû hnyi hobun, me okongoâ baten waiâm.

²⁸ Ca he öbun ka sei hon komok hnyi je unyibun, me thâ je unyibun: Inya Iehova.

²⁹ Ca he ka okongoâ nokom hlu me me momo hnyi gethen bi; wâ e nye labö bi ûnyi monu tavat, me me unöngötö hnyei hnen hwakecin ae kong.

³⁰ Hamöbun he ka tuö anyik je sabath, me okabâ dok a kabik: Inya Iehova.

³¹ Ca he öbun ka saû ka tavat tren hanu, me tavat bibihwakeoin; ca elöm odrin, inʼ öbun e ca he ka kong: Inya Iehova Khongubun.

³² U me he ka köûö hnyi hnyimakan at ae hûen ban, me ogânâ hnyimakan hingat, me u me he ka outen Khongom: Inya Iekova.

³³ Ke ame ne ke at a aten ke hnyei ame laba kanyua unyibun hnyi ibun hnyei, ca he öbun ka okongoâ.

³⁴ Ame he aten ke hnyei ka laba unyibun helâ me aten ibun hnyei, ke u me he ka betenge gan helâ me u bi; anyin a je atkanyua öbun hnyi hnyei Aigupito: Inya Iehova Khongubun.

³⁵ Ca he öbun ka ânyâ ûnyi ae hwali hnyi hna owisa, ge tulutiny ibeûen, me tulutiny ihmakiny, me tulutiny dân.

³⁶ Ame he ka hu unyibun tulut adre uhno ae wisa, me tulut ihmakiny ae wisa, me efa ae wisa, me hin ae wisa: Inya Iehova Khongubun, at ame hum öbun ûnyi hnyi hnyei Aigupito.

³⁷ Ke hamöbun he ka tu anyik je hnanibu hia, me hnok je hna owisa hia, me ânyâ ta je ûnyi e: Inya Iehova.