Levitiko 16 - Iaai Bible 1901 (New Caledonia)

¹ KE Iehova ame ha kö Mose, hwaban imekiny li laku Arona, hnyi hnödru hna bi hut hnyi hnyimakö Iehova, me ödru me mokcu;

² ke Iehova ame ha kö Mose, ka habe, Ha thö kö Arona a tuhâm, a gʼ ame ca he ka dit monu hnyi je ûen hia ka hnyi dok ae kap hoton singiny mano hnyi hnyimakan taben ibetengiö hon tang; wâ e nye mokcu: anyin a oge me he ka manen hnyi ûlâ hon taben ibetengiö.

³ Ke walang hwakecin ûdili Arona ka hnyi dok ae kap: e ame he ka hom nak bolok hnân hudiny hulö, me mamoe baga hnân hudiny leû.

⁴ E ame he ka khavâ ûkhaû lino ae kap, kʼ ame he ka khavâ unyin ge ûtrauzes lino, kʼ ame he ka weikâ hnyekon ge wen lino, me obicâ e ge hnabinybak lino: wale je ûkhaû ae kap; kʼ ame he ka osûâ unyin ge köiö, me khavâ je ûnyi eling.

⁵ Ke e ame he ka hom ûnyi ge ûkhacaköu anyin lakon Isaraela lo li got baga hnân hudiny hulö, me mamoe baga a khaca hnân hudiny leû.

⁶ Kʼ ame he Arona ka hudo bolok hnân hudiny hulö, wale hobi kâu e bi, me me bi hwaban anyin möt me anyin lap.

⁷ Ke e ame he ka hom li got, me ip ödru hnyi hnyimakö Iehova, hnyi hwanumen uma hnân ûkhacaköu.

⁸ Ke hamö Arona he ka ugleköbâ li got, hobi kö Iehova ke leköp, ke hobi kö Azazele ke leköp.

⁹ Ke ame he Arona ka hom got anyi Iehova, waleji a kû hnen leköp, me hudo e hnân hudiny hulö.

¹⁰ Ke haba got a kû hnen leköp anyi Azazela, adre me he ka ip melö e hnyi hnyimakö Iehova, me me bi hwaban möt hnen e, me kunâ e kö Azazele hnyebuba ai.

¹¹ Ke ame he Arona ka hom bolok hnân hudiny hulö, wale hobi kâu e bi, me e ame he ka bi hwaban anyin möt me anyin lap, kʼ ame he ka hlingâ bolok hnân hudiny anyin hulö:

¹² ke e ame he ka ounöngötâ taben meic ge je walep ae möt ûnyi hnyi taben hut hnyi hnyimakö Iehova, me olo aoc ûnyi ae bo so hnân leû adre kokot ûhnyûkongo, me hom hoton singiny mano:

¹³ kʼ ame he ka auk ûnyi ae bo so hnân leû ka hnyi hon meic hnyi hnyimakö Iehova, me me he hai ûnyi hnyi ûnyi ae bo so ka oiyongâ taben ibetengiö hon ûnyi hnân ohnatho, wâ e nye mokcu:

¹⁴ ke hamen he ka hom hanen dren bolok, me dukâiâ hnen banyen taben ibetengiö e deiö; me hnyimakan taben ibetengiö, e ame he ka oseveny dukâiâ dren hnen hinyen.

¹⁵ Ke e ame he ka hlingâ got hnân hudiny hulö hobi kâu tavat, me hom dren ka hnyi hoton singiny mano, me ânyâ dren e helâ me hnen hna ânyâ dren bolok, me dukâiâ e hon taben ibetengiö me hnyi hnyimakan taben ibetengiö:

¹⁶ ke hamen he ka bi hwaban melen dok ae kap can bo konginy lakon Isaraela, ke can hnödra hna hanyâûâ, me anyidra je monu hia; kʼ ame he ka ânyâ helâe hobi kâu uma ûkhacaköu ame laba unyidra wanben anyidra hulö.

¹⁷ Ke ame he ka ba at hnyi uma ûkhacaköu e ka didro he ka bi hwaban möt hnyi dok ae kap, ke ne o but e ame dit hmetu, ke a hia but bi hwaban anyin möt, me anyin lap, me ûkhacaköu hia anyin at Isaraela.

¹⁸ Ke e ame he ka didrut ka hnyi taben hut hnyi hnyimakö Iehova, me bi hwaban melen; ke e ame he ka hom hanen dren bolok, me hanen dren got baga, me kina hnyi je baitoiny taben hut igigilö.

¹⁹ Ke e ame he ka oseven dukâiâ e hnen dra ge banyen, me obosoâ, me okabâ ûnyi hnyi bo konginy lakon Isaraela.

²⁰ Ke a hia but bi hwaban melen dok ae kap, me uma hnân ukhacaköa, me taben hut, me, e ame he ka hom got baga ae möt:

²¹ kʼ ame he Arona ka ip li hnyamen hon ban got ae möt, me ha manenâ hon e je hulö hia anyin lakon Isaraela, me hnödra hna hanyâûâ, me anyidra je monu hia; kʼ ame he ka ip je ûnyi e hon ban got, me kunâ e hnen at adre penapena hnyebuba ai;

²² kʼ ame he got ka vadren anyidra je hulö hia ka hnyi dok ae ba aten; ke e ame he ka hna got ka hnyi hnyebuba.

²³ Ke ame he Arona ka didro ka hnyi uma hnân ûkhacaköu, me uny jut je ûkhaû lino, waleji a khavâ hnyi ûen e ame dit ka hnyi dok ae kap, me e ame he ka hnen bi ju ling:

²⁴ ke e ame be ka osûâ unyin hnyi köiö hnyi ke dok ae kap, me khavâ hmetu khaûen bi, me didrut, me hudo hudiny anyi, leû, me hudiny leû anyin tavat, kʼ ame he ka bi hwaban anyin möt, me tavat

²⁵ Ke haba pipikhenyainy hudiny hulö, e ame he ka le hon taben hut.

²⁶ Ke hamen at a hna got hobi kö Azazele he ka hneû anyin je ûkhaû, me osûâ ûnyin hnyi köiö, ke hwaban e e ame he ka he hmetu ka hnyi hnyaba.

²⁷ Ke haba bolok hnân hudiny hulö, me got hnân hudiny hulö waleji adre hom drödru ka hnyi dok ae kap, me me bi hwaban möt, adre me be ka hom ka hnyi hoton hnyaba; ke adre me he ka le degecâ ge meic li unödru me unyidru me tidru.

²⁸ Ke hamen at a le degecâ ta je ûnyi e he ka hneû anyin je ûkhaû, me osûâ unyin hnyi köiö, ke hwaban e e ame he ka hmetu ka hnyi hnyaba.

²⁹ Ke wale hnanyibu hobi köbun nyiele balua: haba hnyi tshi a seveniny, hnyi bong a teniny tehi, öbun e he ka hom ûhnyûkongoâ je hnyekubun, me ca huliwa, ame ne ke at a aten hnyei, ame ne aten ke hnyei at ame laba kanyua unyibun:

³⁰ anyin a hnyi bong eling adre me he ka bi hwaban anyibun möt he ka obosoi Öbun; ûnyi hnyi anyibun je hulö hia adre me he ka obosoi öbun hnyi hnyimakö Iehova.

³¹ Ke walang sabath hnân menâ köbun, ke öbun e he ka hom ûhnyûkongo je hnyekubun: wale thibi hnanyibu nyiele balua.

³² Ke haba at bihut adre hû me otilâ me me at bihut hwaban kamen, hamen he ka bi hwaban möt, me khavâ je ûkhaû lino, a je ûkhaû ae kap:

³³ ke e ame he ka bi hwaban melen dok ae ti kap, kʼ ame he ka bi hwaban melen uma ûkhacaköu me taben bi hut; me bi hwaban möt anyin hnyat bihut, me ûkhacaköu hia.

³⁴ Ke wale hnanyibu köbun nyiele balua, he ka bi hwaban möt anyin lakon Isaraela can anyidra je hulö, ûsa khaca ânyâ hnyi huna. Me e ame ânyâ helâ me Iehova ame hûna kö Mose.