Levitiko 14 - Iaai Bible 1901 (New Caledonia)

¹ KE Iehova ame ha kö Mose, ka habe,

² Walang hnanyibu ge lepera hnyi bong adre me he ka obosoâ: adre me he ka hom e ka at bihut:

³ kʼ ame he at bihut ka he ka hnyi hoton hnyaba; kʼ ame he at bihut ka wâ, ke wâ bi, ame ne metu but mekiny at lepera;

⁴ me ame he at bihut ka ûkhûnöng he ka hom lo li meno ame gâ ae möt me bo so, me uto arasi, me leûnen mamoe ae dra, me thi boviny hisop, hobi kâu at adre me he ka obosoâ:

⁵ kʼ ame he at bihut ka ûkhûnöng ka hlingâ ke at hnyi li meno ame gâ hnyi kaia kânâ hon an ame hingölö:

⁶ ke haba meno ame gâ ae tiga möt e ame he ka hom, tha e me uto arasi, me leûnen mamoe ae dra, me thi boviny hisop, ke e ame he ka tha hneû je ûnyi e me meno ame gâ ae möt ka hnyi dren meno ame gâ adre hlingâ hon an ame hingölö:

⁷ ke e ame he ka oseven dukâiâ at adre obosoâ ûnyi hnyi lepera, me hai bosoâ, me hna meno ae möt ka hnyi hnyei.

⁸ Ke hamen at adre he ka obosoâ he ka hneû anyin je ûkhaû, me giâ leûnen hia, me osûâ ge köiö, me me bo so but: ke hwaban e, e ame he ka he ka hnyi hnyaba, kʼ ame he ka laba hoton umen uma mano hnyi je bong a seven.

⁹ Ke hnyi bong a seveniny e ame he ka giâ hia leûnen ban, me wainy, me hon li bademakan, e ame he ka giâ leûnen hia: ke e ame he ka hneû hia anyin je ûkhaû, me osûâ unyin ge köiö, ke e ame he ka bo so.

¹⁰ Ke haba hnyi bong a eitiny e ame he ka hom li nokon mamoe baga ae ba hnyikongon, ke khaca nokon mamoe momo a khaca hunainy ae ba hnyikongon, me kun ta omer salawa hnân hudiny han, adre uhaniken me wakaco, me khaca loga wakaco,

¹¹ Ke hamen at bihut, a at ame obosoâ, he ka ip at adre me he ka obosoâ, tha e me ta je ûnyi eling, hnyi hnyimakö Iehova, hnyi hwanumen uma ûkhacaköu:

¹² ke ame he at bihut ka hom nokon mamoe baga a khaca, me hudo e hnân hudiny monu, me wakaco a khaca loga, me hajijingâ hnân hudiny hajijing hnyi hnyimakö Iehova:

¹³ kʼ ame he ka hlingâ nokon mamoe hnyi dok adre me labö hlingâ hnyin hudiny hulö, me hudiny leû, wale hnyi dok ae kap: anyin a hobi kâu at bihut hudiny hulö, helâ me hudiny monu: ûnyi ae ti kap:

¹⁴ ke ame he at bihut ka hom dren hudiny monu, kʼ ame he at bihut ka kina e hnyi boûlölöven hnyikonyen at adre me he ka obosoâ, me bahnyökvetoiny a metân, me bacan a metân:

¹⁵ kʼ ame he at bihut ka hom hanen wakaco a khaca loga, me hingâlâ ka hnyi hnyamen a meny:

¹⁶ kʼ ame he at bihut ka hneû banyen a metân hnyi tap wakaco a e hnyi hnyamen a meny, kʼ ame he ka oseven dukâiâ wakaco ge banyen hnyi hnyimakö Iehova:

¹⁷ ke haba kolon wakaco hnyi hnyamen ame he at bihut ka kina hnyi boûlölöven hnyikonyen a metân at adre me he ka obosoâ, me bahnyökvetoiny a metân, me bacan a metân, hon dren a hudiny monu:

¹⁸ ke haba kolon wakaco hnyi hnyamen at bihut, e ame he ka kina hnyi ban at adre me he ka obosoâ: kʼ ame he at bihut ka bi hwaban anyin möt hnyi hnyimakö Iehova.

¹⁹ Kʼ ame he at bihut ka hudo hudiny hulö, me bi hwaban möt anyin at adre me he ka obosoâ ûnyi hnyi bo kong a e: ke hwaban e e ame he ka hlingâ hudiny leû:

²⁰ kʼ ame he at bihut ka hudo hudiny leû, me hudiny han hon taben hut: kʼ ame he at bihut ka bi hwaban anyin möt, me e ame he ka bo so.

²¹ Ke ame ne at ae ba ta ûnyi, ke ca ûco e bi ûnyi eling, me e ame he ka hom nokon mamoe baga a khaca, hnân hudiny monu he ka hajijingâ, me me bi hwaban anyin möt, ke khaca omer salawa adre ûhaniken me wakaco hnân hudiny han, me khaca loga wakaco:

²² me lo li biny, ame ne li nokon meköta, helâ me ûcû kâu; haba khaca hnân hudiny hulö, ke hnân hudiny leû khaca.

²³ E ame he ka hom ta je ûnyi eling ka at bihut hnyi bong a eitiny hnyi hwanumen uma ukhacaköu hnyi hnyimakö Iehova hnân obosoâ e.

²⁴ Ke ame he at bihut ka hom nokon mamoe hudiny monu, me loga wakaco, kʼ ame he at bihut ka hajijingâ hnân hudiny hajijing hnyi hnyimakö Iehova:

²⁵ kʼ ame he ka hlingâ nokon mamoe hnân hudiny monu, kʼ ame he at bihut ka hom hanen dren hudiny monu, me kina hnyi boûlölöven hnyikonyen a metân at adre me he ka obosoâ, me bahnyökvetoiny a metân, me bacan a metân:

²⁶ kʼ ame he at bihut ka hingâlâ hanen wakaco ka hnyi hnyamen bi a meny:

²⁷ kʼ ame he at bihut ka oseven dukâiâ hnyi hnyimakö Iehova ge banyen a metân hanen wakaco hnyi hnyamen a meny:

²⁸ kʼ ame he at bihut ka kina ge wakaco hnyi hnyamen boûlölöven hnyikonyen a metân at adre me he ka obosoâ, me bahnyökvetoiny a metân, me bacan a metân, hon dren hudiny monu:

²⁹ ke haba kolon wakaco hnyi hnyamen at bihut, e ame he ka kina e hnyi ban at adre me he ka obosoâ, he ka bi hwaban anyin möt hnyi hnyimakö Iehova.

³⁰ Ke e ame he ka hudo ke at hnyi li biny, ame ne ke nokon meköta, helâ me ûcû kâu:

³¹ wale ûnyi ae khana he ka hom, haba khaca hnân hudiny hulö, ke khaca hnân hudiny leû, tha e me hudiny han: kʼ ame he at bihut ka bi hwaban möt anyin at adre me he ka obosoâ hnyi hnyimakö Iehova.

³² Wale hnanyibu hobi kâu at ame moko lepera, a ne ca khana be ka hom ta je ûnyi ae ûcû hnân obosoâ e.

³³ Ke Iehova ame ha kö Mose me Arona, ka habe,

³⁴ Öbun ka o hnyi hnyei Kanana, wale oge me ham köbun hnân ibun, ke oge ne okûâ mok lepera hnyi ke uma hnyi ibun hnyei;

³⁵ hamen at tren uma ka thumeto at bihut, ka habe, Oge me wâ hnyi umök uma a helâ me mok:

³⁶ kʼ ame he at bihut ka ûkhûnöng mʼ adre me he ka hom ta je ûnyi a eiö hnyin uma, ke tiga ca dit bi at bihut he ka wâ mok, wâ e nye bo kong ta je ûnyi hia hnyin uma;

³⁷ ke e ame he ka wâ mok, ke wâ bi, ame ne dit mok hnyi hnyeige uma, ame ne udrudrâ löhau, ame ne hngihngidra, ae manen eû hnyi hnyeige uma;

³⁸ me ame he at bihut ka didrut kâû ka hnyi hwanuma, me hlöng hwanumen uma hnyi je bong a seven:

³⁹ ke hnyi bong a seveniny ame he ka hmetu at bihut ka wâ; ke wâ bi, ame ne hûhûö but mok hnyi hnyeige uma;

⁴⁰ ame he at bihut ka kunʼ ödra ka thö degecâ je veto ae hu mok hnyin kʼ adre me he ka degecâ ka hnyi dok ae bo kong hoton: hnyaba:

⁴¹ ke e ame he ka kunʼ ödra he ka khudreû hia eiö hnyin uma, kʼ adre me he ka hingâlâ degecâ taan hna khudreû ka j hnyi dok ae bo kong hoton hnyaba:

⁴² kʼ adre me he ka hom ke je veto me op hwaban je veto eling; kʼ ame he ka hom ke dröu me botro hmetu uma.

⁴³ Ke ame ne o hmetu mok, me kû hmetu but hnyi uma hwaban hna thö degecâ je veto, me hwaban hna khudreû uma, ke hwaban hna botro hmeto;

⁴⁴ me hamen at bihut ka he hmetu ka wâ: ke wâ bi ame ne hûhûö mok hnyi uma, wale thibi e lepera ae han hnyi uma: e bo kong ut.

⁴⁵ Ke e ame he ka thö degecâ uma, a je veten, me je ûtoiny, me dröuiny hia uma; me hom tilâ ka hnyi dok ae bo kong hoton hnyaba.

⁴⁶ Ke haba at ame didro ka hnyi uma, hnyi je bonginy hia hna hlöng hwanuma, me e ame he ka bo kong ke ne o but sahac.

⁴⁷ Ke haba at ame mokut hnyin uma, me e ame he ka hneû anyin je ûkhaû; ke haba at ame han hnyin uma, me e ame he ka hneû anyin je ûkhaû.

⁴⁸ Ke a ne didro at bihut me wâ, ke wâ bi, ame ca hûhûö but mok hnyi uma, hwaban hna botro uma: me ame he at bihut ka hai bosoâ uma, anyin a hia but mok.

⁴⁹ Me e ame he ka hom lo li meno ame gâ, me uto arasi, me leûnen mamoe ae dra, me thi boviny hisop, me me obosoâ uma:

⁵⁰ ke e ame he ka hlingâ khaca hnyi li meno ame gâ hnyi kaia kânâ hon an ame hingölö:

⁵¹ ke e ame he ka hom uto arasi, me thi boviny hisop, me leûnen mamoe ae dra, me meno ame gâ ae möt, me hneû hia hnyi dren meno waleji adre hlingâ, me hnyi an ame hingölö, me e ame he ka oseven dukâiâ uma:

⁵² ke e ame he ka obosoâ uma ge dren meno ame gâ, me an ame hingölö, me meno ame gâ ae möt, me uto arasi, me thi bovine hisop, me leunen mamoe ae dra:

⁵³ ke e ame he bi ju ka hna meno ame gâ ae möt ûnyi hnyi taun ka hnyi hnyei, helâe e ame he ka bi hwaban melen uma: me bo so but.

⁵⁴ Wale hnanyibuiny mok lepera hia, me wathu;

⁵⁵ me lepera hnyi ûkhaû, me uma;

⁵⁶ me dok ae khibi, me dok ae han, me ong dok ae hadröngöc:

⁵⁷ mʼ adre me he ka wâhmakhmeto at ame bo kong, me at ame bo so: wale hnanyibuiny lepera.