Levitiko 12 - Iaai Bible 1901 (New Caledonia)

¹ KE haba Iehova ame ha kö Mose, ka habe,

² Ha thö ka lakon Isaraela, ka habe, Ame ne erkin ke momo, me ame hnokoâ da, me ame he ka bo kong hnyi je bong a seven; e ame he ka bo kong hoton ûen omomo.

³ Ke haba hnyi bong a eitiny adre me he ka peritomonâ unen unyin.

⁴ Ke momo ame he ka laba hnyi dren hnân obosoâ hnyi je bong a thöti theri; kʼ ame ca he ka kâlâ ke ûnyi ae kap, kʼ ame ca he ka hnyi dit ka hnyi dok ae kap, ke ne o but ame um dö je bongon obosoâ.

⁵ Ke ame ne hnokoâ hlu, me ame he ka bo kong fotin ta bong hoton ûen omomo: ke e ame he ka laba hnyi dren hnân obosoâ hnyi je bong a sikste siks.

⁶ Ke ka um dö je bongon obosoâ, ame ne da, ame ne hlu, me e ame he ka hom hnân hudiny leû nokon mamoe a khaca hunainy, me nokon meköta, ame ne biny, me me hudiny hulö ka hnyi hwanumen uma ûkhacaköu, ka at bihut:

⁷ ke e ame! he ka hudo e hnyi hnyimakö Iehova, me bi hwaban anyin möt: kʼ ame he momo ka bo so ûnyi hnyi bongon bi. Wale hnanyibu hobi kâu omomo at ame hnokoâ da ame ne hlu.

⁸ Ke a ne ca khana momo he ka hom nokon mamoe, me so e ame hom lo li biny, ame ne li lakon meköta; khaca hnân hudiny leû, ke khaca hnân hudiny hulö; kʼ ame he at bihut ka bi hwaban anyin möt, me me bo so momo.