Levitiko 11 - Iaai Bible 1901 (New Caledonia)

¹ KE haba Iehova ame ha kö Mose me Arona, haingen ködru, ka habe,

² Ha thö ka lakon Isaraela, ka habe, Walang ta je meno öbun e he ka han ûnyi hnyi ta je meno hia a vak can eang hmelen.

³ Haba ta je meno adre kia ûjimen can, me kia luâ can, me omeno adre hoc hmeto hna han, me, wale ö ʼbun.

⁴ Ke so bi walang omeno öbun e ca he ka an, wale adre hoc hmeto hna han, me je hna kia luâ can: wale kamela, anyin a e ame hoc hmeto hna han, kʼ ame ca kia luâ bi ûjimen can, wale ae bo kong köbun.

⁵ Me shefani, anyin a e ame hoc hmeto hna han, ke e ame ca kia luâ bi ûjimen can, wale ae bo kong köbun.

⁶ Me arnebeth, anyin a e ame hoc hmeto hna han, kʼ ame ca kiâ luâ bi ûjimen can, wale ae bo kong köbun.

⁷ Me buaka, anyin a e ame kia luâ ûjimen bacan, me can, kʼ ame ca hoc hmeto bi hna han, wale ae bo kong köbun.

⁸ Ca he öbun ka han utiöidra, me kâlâ unyidra a mok; wale je ûnyi ae bo kong köbun.

⁹ Walang je ûnyi öbun e he ka an ûnyi eû hnyi köiö, haba ta je ûnyi hia ae hu bohûnyon me unöiny hnyi je an, me köiö, me wagewe, wale öbun e he ka han.

¹⁰ Ke haba ta je ûnyi ae ba bohûnyon me unöiny, eû hnyi köiö, me wagewe, a ta je ûnyi hia ae möt hnyi köiö, me je ûnyi hia adre op me me möt eû hnyin je köiö, wale je ûnyi öbun e he ka ikikiâ,

¹¹ kʼ öbun e he ka ikiki ödra; ca he öbun ka han utiöidra, ke öbun e he ka ikikiâ je unyidra ae mok.

¹² Haba je ûnyi hia eû hnyi je köiö ae ba bohûnyon me unöiny, öbun e he ka ikiki ödra.

¹³ Ke walang je meno ame gâ öbun e he ka ikiki odrin; a ca hnân han, anyin a ödra ikiki: wale aeto, me perese, me ozeni;

¹⁴ me daa, me aia hoton je ve bongon:

¹⁵ je oreba hia hoton je ve bongon;

¹⁶ me iaena, me taemasa, me sahafe, me dring, hoton je ve bongon:

¹⁷ me mun, me salak, me ianesuf;

¹⁸ me tinesemeth, me kati, me raama;

¹⁹ me kasida, me anafa hoton je ve bongon, me dukifath, me bû.

²⁰ Haba je ûnyi hia adre me iyâû me gâ, adre me he ge vak can, öbun e he ka ikiki ödra.

²¹ Ke so bi walang je ûnyi öbun e he ka han, adre me iyâû me gâ, adre me he ge vak can, wale je ûnyi ae ûsa lo can ae beû hnân gâ hon kânâ;

²² walang ö ʼbun, a wahamon hoton je ve bongon, me solame hoton je ve bongon, me haregole hoton je ve bongon, me hagabe hoton je ve bongon.

²³ Ke haba je ûnyi hia adre iyâû me gâ, me vak can, öbun e he ka ikiki ödra.

²⁴ Ke walang je ûnyi ame be ka obokongi öbun; haba at ame he ka kâlâ je unyidra ae mok, ame he ka bo kong ke ne o but sahac:

²⁵ ke haba at ame kaptilâ ke ong utiöiny je ûnyi e a mokcu, hamen he ka hneû anyin je ûkhaû me laba bo kong ke ne o but sahac.

²⁶ Haba ta je meno adre kia luâ ûjimen bacan, kʼ adre ca kia luâ bi ûjimen can, ke ame ca hoc hmeto hna ban, ame he ka bo kong köbun: ke haba at ame kalʼ ödra, ame he ka bo kong.

²⁷ Ke haba je meno adre me he ge je hnyeûcadra, a ta je meno adre me he ge vak can, adre me he ka bo kong köbun; ke haba at ame he ka kâlâ unyin je meno e a mokcu, ame he ka bo kong ke ne o but sahac.

²⁸ Ke hamen at ame kaptilâ unyin je meno e a mokcu, he ka hneû anyin je ûkhaû, me laba bo kong ke ne o but sahac: haba ta je ûnyi e ae bo kong köbun.

²⁹ Ke walang je meno ae bo kong köbun, adre me iyâû eang hmelen, wale holed, me tip, me behölök, hoton je ve bongon,

³⁰ me anaka, me koa, me letaah, me hometa, me tinesemeth.

³¹ Wale ta je ûnyi adre bo kong köbun hnyi ta je meno adre me iyâû: haba at ame kâlâ je ûnyi e a mokcu, ame he ka bo kong ke ne o but sahac.

³² Ke ame ne he ke at gadra ae mokcu ka kölu takoû ke ûnyi, me ame he ka bo kong ûnyi eling; ame ne kaia uto, ame ne ûkhaû, ame ne unen ke meno, ame ne tang, ame ne ke utkaia adre me huliwa kâu, me adre me he ka ip e hnyi köiö, kʼ ame he ka bo kong ke ne o but sahac; me me he ka bo so.

³³ Ke haba ke kaia kânâ ame kölu ke at gadra ka hnyin, me ame he ka bo kong önyen, hamöbun he ka thö degecâ.

³⁴ Ke haba ta je jeû hia adre me labö han; ke ame ne ta hnyin köiö, me ame he ka bo kong: ke haba ûnyi hnân ijem, adre ijem ûnyi hnyi je kaia eling ame he ka bo kong.

³⁵ Ke ame be ka bo kong ta je ûnyi hia ame kölu takoû ge ong ke keihen je unyidra; ame ne wahnainyâ, ame ne je öt, me adre me he ka thö degecâ, anyin ae bo kong, kʼ ame he ka bo kong köbun.

³⁶ Ke so bi ame he je pupuainy köiö, me je thopiny an ae gan hmâ köiö hnyin, ka bo so: kʼ ame he ka bo kong ta je ûnyi ame kâlâ je unyidra ae mokcu.

³⁷ Ke a ne kölu takoû je hatong adre ta, ge ke ûnyi a hanen unyin je ûnyi e a mokcu, me ame he ka bo so.

³⁸ Ke adre me ne hû je hatong ge köiö, me ame kölu takoû ge ke ûnyi a hanen unyin je ûnyi e a mokcu, me ame he ka bo kong köbun.

³⁹ Ke a ne mok hwege ke meno a vak can adre han, haba at ame he ka kâlâ unyin a mokcu, me ame he ko bo kong ke ne o but sahac.

⁴⁰ Ke haba at ame he ka han hanen unyin meno e a mokcu, me hamen he ka hneû anyin je ûkhaû, me bo kong ke ne o but sahac: ke haba at ame kaptilâ unyin ûnyi a mokcu, me hamen he ka hneû anyin je ûkhaû, me bo kong ke ne o but sahac.

⁴¹ Ke haba ta je ûnyi adre me iyâû eang hmelen, adre me he ka ikikiâ, kʼ adre me ca he ka han.

⁴² Haba ta je ûnyi hia adre me iyâûâ hnyekon, me je ûnyi ame he a vak can, me je ûnyi ae se hia can, me je ûnyi hia adre me iyâû eang hmelen, ca he öbun ka ön ödra, anyin a ödra ikiki.

⁴³ Ca he öbun ka oikiki öbun bi ge ta je ûnyi ame iyâû, ke ca obokongi öbun bi gadra, wâ öbun nye bo kong ûnyi gadra.

⁴⁴ Anyin a inya Iehova Khongubun: okabi öbun dö, mʼ öbun e he ka kap: anyin a iny kap: ke ca obokongi öbun bi ge ta je ûnyi ame iyâû eang hmelen.

⁴⁵ Anyin a inya Iehova at ame hum öbun ûnyi hnyi hnyei Aigupito, me me he ka Khongubun: anyin a wale öbun e he ka kap, anyin a iny kap.

⁴⁶ Wale hnanyibu ge ta je meno a vak can, me je meno ame gâ, me je ûnyi hia ame iyâû ae möt hnyi je köiö, me ta je ûnyi hia ame iyâû eang hmelen:

⁴⁷ me me he ka ve bongon bi bo kong me bo so, a meno hnân han, me meno a ca hnân han.