Levitiko 1 - Iaai Bible 1901 (New Caledonia)

¹ KE haba Iehova ame hao Mose me ha kâu ûnyi hnyi hnyin uma ûkhacaköu, ka habe,

² Ha thö ka lakon Isaraela, ka habe, E ka he ke at gabun ka bi hut ko Iehova, me öbun e he ka bi hut ûnyi hnyi je meno, wale je kau, me hnahat mamoe.

³ Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

⁴ Ke e ame he ka ip hnyamen hon bân hut adre le; kʼ adre me he ka kap soâ e hobi kâu, me me bi hwaban anyin möt.

⁵ Ke e ame he ka hlingâ bolok hnyi hnyimakö Iehova: ke hamen hnyat bihut, a je laku Arona, he ka hom dren, me dukâiâ igigilö ge dra wale hon taben hut a e hyni hwanumen uma ûkhacaköu.

⁶ Ke e ame he ka uja hut adre le, me susubâ.

⁷ Ke haba laku Arona at bihut odrin e he ka hû meic hon taben hut me hû meic:

⁸ kʼ ame he hnyat bihut a laku Arona ka ip je eckeihen wale ban, me pipikhenya, hon hna hû meic hnyi hon taben hut:

⁹ ke haba tang tiny me je can, e ame he ka hneû hnyi köiö: kʼ ame he at bihut ka tha le hia hon taben hut, me me hut adre le, hut a an hnen meic, ûnyi ae bo so kö Iehova.

¹⁰ Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

¹¹ Ke hamen he ka hlingâ e hnyi ke keihen taben hut ka hnyi hwadrö hnyi hnyimakö Iehova: ke hamen hnyat bihut a laku Arona, he ka dukâiâ igigilö ge dren hon taben hut.

¹² Ke e ame he ka susubâ, me bân me pipikhenyainy: kʼ ame he at bihut ka ip gaga je uthmeno eling hon hna meic wale hon taben hut:

¹³ ke haba tang tiny me je can e ame he ka hneû hnyi köiö: kʼ ame he at bihut ka hudo hia thithö, me le hon taben hut; wale hut adre le, hut a an ge meic, ûnyi ae bo so kö Iehova.

¹⁴ Ke ame ne ûnyi hnyi je meno ame gâ anyin hut adre le kö Iehova, me e ame he ka hudo je biny ame ne lakon meköta.

¹⁵ Kʼ ame he at bihut ka hom e ka hnyi taben hut, me ken degecâ ban, me le hon taben hut; kʼ adre me he ka owa dren ka hnyi ke keihen taben hut:

¹⁶ ke e ame he ka hom wahanen me anen, me khûâ ka hnyi ke keihen taben hut e deiö hnyi hnen hnabadröu:

¹⁷ ke e ame he ka kia e hnyi li bajebenyin, kʼ ame ca he ka kia luâ: kʼ ame he at bihut ka le hon taben hut, wale hon hna meic: haba e me hut adre le, hut a an hnen meic ae bo so kö Iehova.