Josua 22 - Iaai Bible 1901 (New Caledonia)

¹ ME haba Josua ame hâwâ at Reubena, me Gada, me hafiny tribu Manase,

² me ha ködrin, ka habe, Ubun e hia but vheno ta je ûnyi hia a huna köbun. Mose, athnyabai Iehova, me long ifucik hnyi ta je ûnyi hia waleji oge kunʼ öbun kâu:

³ öbun e ca hna degecâ je liamekeiny möbun hnyi ta je bong ae se hia ke ne o but hnyi bong ang, ke öbun e hia but vheno ûnyi a hûna Iehova Khongubun.

⁴ Ke walang ang Iehova Khongubun ame omenâ je liamekeiny möbun, helâji me hnen hna ha ködra, anyin a wale hmetu thʼ öbun, me he ka hnyi umöbun je uma, ka hnyi je ibun, waleji a ham köbun Mose athnyabai Iehova hoton Joridano.

⁵ Ke wâ wia ju öbun he ka ânyâ hna hûna me hnanyibu, waleji a hûna köbun Mose athnyabai Iehova, wale he ka hnyok kö Iehova Khongubun me vheno je gethen hia thithö ûnyi gan, me tuö anyin je hna hûna, me kece kâu, me huliwa kâu ge je hnyekubun ae bekhöt me ta je hanubun ae bekhöt.

⁶ Me Josua ame hahnahici ödrin me kunʼ ödrin, me ödrin e vese but ka hnyi umödrin je uma.

⁷ Ke a hia but Mose khene jekhoû hnyi Basana ka hafiny tribu Manase: ke haba ka ke haf, Josua ame khenâ unyin je liamekeiny mödrin hoton Joridano ke e jio. Ke haba khaca, hnyi ûen e ame kunʼ ödrin ka hnyi umödrin je uma, me Josua ame hahnahici ödrin,

⁸ me ha ködrin, ka habe, He hmetu thö ka hnyi umöbun je uma me tang omjeû ae gan, me je meno ae se hia hmönyin, me sileva, me gol, me bras, me fao, me je ûkhaû ae ti se hia: öbun e he ka tha khenâ me je liamekeiny möbun je ûnyi adre hûgûnâ ûnyi ge je iwahanaihmiöny möbun.

⁹ Me ame he hmetu je laku Reubena, me je laku Gada, me hafiny tribu Manase ge lakon Isaraela ûheny Silo hnyi hnyei Kanana, he ka he ka hnyi hnyei Gileada, ka hnyi idrin hnyei, wale ae hu gadrin, helâji me hna ha hnö Iehova a deny Mose.

¹⁰ Ke ödrin e o hnyi baten Joridano hnyi hnyei Kanana, me haba je laku Reubena, me je laku Gada, me hafiny tribu Manase ödrin e otilâ taben hut hnyi Joridano, tap ae gan hnân wâ.

¹¹ Ke haba lakon Isaraela ödrin e long adre me ha, ka habe, Wâ bi, a hia but otilâ taben hut hnen je laku Reubena, me je laku Gada, me hafiny tribu Manase, cicö hnyei Kanana, hnyi baten Joridano, hnyi ke keihen iny lakon Isaraela.

¹² Ke a long ut lakon Isaraela, me ame ûkhacaköu tavat hia a je lakon Isaraela hnyi Silo, he ka vat mödrin.

¹³ Ke haba lakon Isaraela adre me kunö Fineasa nöku Eleazara at bihut ka laku Reubena me laku Gada, me hafiny tribu Manase, ka hnyi hnyei Gileada;

¹⁴ ke tha e me je than a ten, ûsa khaca than anyin je kamen je lap hia thithö anyin je tribu Isaraela; ke haba ödrin hia, me ödrin je ban je lap anyin lakamödrin unyin je thauzaniny at Isaraela.

¹⁵ Ke ödrin e o but ka laku Reubena, me laku Gada, me hafiny tribu Manase hnyi hnyei Gileada, me ha ködrin ka habe,

¹⁶ Walang hofuc hwan ûkhacaköu hia anyi Iehova, ka habe, Ie ûnyi ang ae kong öbun e ânyâ ka Khongon at Isaraela, möbun e hna hota but Iehova, wale öbun e otilâ taben hut hobi köbun, me khikhin ga Iehova hnyi bong ang?

¹⁷ Hawa, e ti ûhnyûkong köta hulö hnyi Peora, wale ate me tiga ca obosoi öta hnyin ke ne o but hnyi bong ang, eja ke ne a ne hia but o mok ae cap ka hnyi hon ûkhacaköu anyi Iehova,

¹⁸ mʼ öbun e hna hota but Iehova hnyi bong ang? ke haba hnyi bong ang öbun e khikhin ga Iehova, me haba nyi e ame he ka hmönyin ka ûkhacaköu hia thithö anyin at Isaraela.

¹⁹ Ke so bi ame ne bo kong hnyei ae hu ibun hnyin, awe, hanyâûâ thö ka hnyi i Iehova adre otilâ hnyin uma mano umo Iehova, mʼ öbun e hu hnyei unyihmun: ke ca he ka khikhin ga Iehova, me ûkhin fuc möhmun, wale möbun e otilâ taben anyibun hut kö Iehova Khonguhmun.

²⁰ Hawa, e ca ânyâ hwakecin ae kong Akana nöku Zera hnyi ûnyi adre okabâ, me ame o hmönyin ka ûkhacaköu hia anyin at Isaraela? ke ame ca hake mok at eling hnyi anyin hulö.

²¹ Me haba laku Reubena, me laku Gada, me hafiny tribu Manase, ödrin e thu me ha ka je ban je thauzaniny at Isaraela, ka habe,

²² Haba Iehova Khongon ta je khong, Iehova Khongon ta je khong, me e at ame wâhmakhmetoâ, ke ame he at Isaraela ka wâhmakhmetoâ bi; a gʼ adre ne ânyâ ûnyi hnyi khikhin, ke ame ne ûnyi hnyi hwakecin ae kong kö Iehova, (ca he ka omeli öhmun hnyi bong ang,)

²³ wale ge hnöhmun hna otilâ taben anyihmun hut, me hna degeci Iehova; ke ame ne hnân he ka hudo je hudiny leû, me hudiny han, ke ame ne hnân hudo je hudiny ûsoköu hon e, hamö Iehova he ka elâm;

²⁴ ke öhmun e ne ca ânyâ ûnyi e hnyi hnyok ae hmak, me ûnyi ge hna ûnykûme, ke haingöhmun, ka habe, ame ne he lakubun nyiele ka ha ka lakuhmun, ka habe, Ieû anyibun ûnyi unyi Iehova Khongon at Isaraela?

²⁵ anyin a hia but Iehova bi hnyigöulen Joridano wanböhmun möbun laku Reubena, me laku Gada; e ba hwajekböubun unyi Iehova: ke ame he lakubun ka ohia ot kö Iehova unyin je lakuhmun.

²⁶ Anyin a wale haingöhmun, ka habe, Otin a hwân walang ang he ka otilâ taben hut, a ca hnân leû hut me bi hut hon e:

²⁷ ke so bi hnân haten e wanböhmun möbun, me anyitin je dö hwabötin, mʼ ohmun he ka ânyâ huliwa anyi Iehova hnyi hnyimakan hnyi je hudiny leû, me je hut, me je hudiny ûsoköu; me me ca he lakubun ka ha nyiele ka lakuhmun, ka habe, E ba jekhöûbun unyi Iehova.

²⁸ Anyin a wale ohmun e ha, ka habe, Ödrin ka he ka ha helâe kohmun me anyihmun je dö nyiele, ohmun e he ka ha bi, ka habe, Wâ bi tulut taben hut kö Iehova a ânyâ lakamöhmun, a ca hnân leû hut me bi hut bon e; ke so bi hnân ohnathoâ kohmun möbun.

²⁹ Ohmun na ca he ju ka khikhin ga Iehova, me hmetu ga Iehova hnyi bong ang, he ka otilâ taben hut hnân leû, me hudiny han, me ke hut, hnân he ka hanen taben hut kö Iehova Khongutin cicö umen uma mano.

³⁰ Ke long ut Fineasa at bihut, me je thaniny ûkhacaköu, wale je ban je thauzaniny at Isaraela unyin, ta je hofuc ame ha laku Reubena, me laku Gada, me laku Manase, me ame so ködrin.

³¹ Ke haba Fineasa nöku Eleazara at bihut ame ha ka laku Reubena, me laku Gada, me laku Manase, ka habe, E khanʼ otin dut hnyi bong ang a e unyita Iehova, anyin a öbun e ca ânyâ monu ang kö Iehova: walang öbun e omelö lakon Isaraela ûnyi hnyi hnyamö Iehova.

³² Me ame hmetu Fineasa nöku Eleazara at bihut, me je than, ûheny unyin laku Reubena, me laku Gada, ûnyi hnyi hnyei Gileada, ka hnyi hnyei Kanana, ka lakon Isaraela, me thumetu ödra.

³³ Ke so hofuc eling ka lakon Isaraela; me haba lakon Isaraela adre me ogânâ Khong, mʼ adre me ca ha hmetu he ka vat mödrin, he ka okongoâ hnyei ame laba hnyin laku Reubena, me laku Gada.

³⁴ Ke haba laku Reubena, me laku Gada, me ödrin e hwenyi ien taben hut, me At ohnatho, anyin a hnân ohnathoâ köta a Khonguta Iehova.