Josua 21 - Iaai Bible 1901 (New Caledonia)

¹ KE haba je ban lakamen at Levi, ödrin e he kö Eleazara at bihut, me Josua nöku Nuna, me je ban je tribuiny lakon Isaraela;

² ke ödrin e fuc ködrin e Silo hnyi hnyei Kanana, ka habe, Iehova ame hûna a deny Mose he ka ham kohmun je taun hnân labā, me je utkânâ igigilö e hobi kâu halehmun je meno.

³ Ke haba lakon Isaraela ödrin e ham ka at Levi ûnyi hnyi jekhöûdrin je taun eang me je utkânâ igigilö e, helâ me hna ha hnö Iehova.

⁴ Ke ame hwâdâ thö ge leköp je taun hobi kâu at Kohatha: ke ame hu thö ge ugleköp ka laku Arona at bihut, a at Levi, ûnyi hnyi tribu Juda, me tribu Simeona, me tribu Beniamina, je taun a thötin.

⁵ Ke ame hu thö ge ugleköp ka ke je laku Kohatha ûnyi hnyi je lap anyin tribu Eferaima, me tribu Dana, me hafiny tribu Manase, ten je taun.

⁶ Ke ame hu thö ge ugleköp ka laku Geresoma ûnyi hnyi je lap anyin tribu Isakara, me tribu Asera, me tribu Nafatali, me hafiny tribu Manase hnyi Basana, thötin je taun.

⁷ Ke ame hu thö ka laku Merari hoton anyidrin je lap ûnyi hnyi tribu Reubena, me tribu Gada, me tribu Zebulona, twelv je taun.

⁸ Ke haba lakon Isaraela ödrin e ham ka at Levi ge ukleköp je taun eling me je utkânâ igigilö e, helâ me hna hûna ga Iehova a deny Mose.

⁹ Ke ödrin e ham ûnyi hnyi tribuiny laku Juda, me tribuiny laku Simeona, je taun eling wale adre me ha ien:

¹⁰ ke wale me hnân hobi kâu laku Arona, a je lap anyin at Kohatha, a laku Levi: anyin a haba leköp a bân, me, anyidrin.

¹¹ Ke adre me ham ködrin Kiriatha-areba, haba Areba me kamö Anaka (wale Heberona), hnyi hnyei ae hut hnyi Juda, me je utkânâ igigilö e.

¹² Ke haba ta hnyeiny taun, me je tauniny ae ûhnyûkong, me, adre me ham kö Kaleba, nöku Jefune me me iny.

¹³ Ke adre me ham ka laku Arona at bihut Heberona me je utkânâ igigilo, wale taun hnân lubaduöng hnyin at ame hlingâ at, me Libena me je utkânâiny;

¹⁴ me Jatira me je utkânâiny, me Esete-moa me je utkânâiny;

¹⁵ me Holon me je utkânâiny, me Debira me je utkânâiny;

¹⁶ me Aina me je utkânâiny, me Juta me je utkânâiny, me Bethe-semes, me je utkânâiny; a nain je taun ûnyi hnyi li tribu eling.

¹⁷ Ke ûnyi hnyi tribu Beniamina, me, Gibeona me je utkânâiny, me Geba me je utkânâiny;

¹⁸ me Anathoth me je utkânâiny, me Alemon me je utkânâiny; vak ta taun.

¹⁹ Haba je taun hia anyin laku Arona hnyat bihut, me, thötin, me je utkânâ igigilö.

²⁰ Ke haba je lap anyin laku Kohatha a hnyat Levi, wale ke je laku Kohatha, me Ödrin e hu je tauniny hwajekhöudrin, ûnyi hnyi tribu anyi Eferaima.

²¹ Ke adre me ham ködrin Sekema me je utkânâiny wale hnyi hnyei ae hut hnyi Eferaima, a taun hnân lubaduöng hnyin ge at ame hlingâ at, me Gezera me je utkânâiny;

²² me Kibezam me je utkânâiny, me Bethe-horona me je utkânâiny; vak ta taun.

²³ Ke ûnyi hnyi tribu Dana, me, Eletek me je utkânâiny, me Gibethon me je utkânâiny;

²⁴ me Ajalona me je utkânâiny, me Gatha-rimona me je utkânâiny; vak ta taun.

²⁵ Ke ûnyi hnyi hafiny tribu Manase, me, Tanaka, me je utkânâiny, me Gatha-rimon me je utkânâiny; lo li taun.

²⁶ Haba je taun hia thithö hobi kâu je lap anyin ke je laku Kohatha, me ten, me je utkânâ igigilö.

²⁷ Ke hobi kâu laku Geresoma, a hanen je lap anyin at Levi, adre ham ûnyi hnyi hafiny tribu Manase, Golona hnyi Basana, me je utkânâiny, wale taun hnân lubaduöng hnyin at ame hlingâ at; me Besetera me je utkânâiny; lo li taun.

²⁸ Ke ûnyi hnyi tribu anyi Isakara, Kiseon, me je utkânâiny me Daberath me je utkânâiny;

²⁹ Jaremuth me je utkânâiny, me Eni-ganimme je utkânâiny; vak ta taun.

³⁰ Ke ûnyi hnyi tribu Asera, Miseal me je utkânâiny, me Abedon me je utkânâiny;

³¹ Halekath me je utkânâiny, me Rehoba me je utkânâiny; vak ta taun.

³² Ke ûnyi hnyi tribu Nafatali, Kadesi hnyi Galelaia, wale taun hnân lubaduöng hnyin ge at ame hlingâ at, me je utkânâiny, me Hamathe-doro me je utkânâiny, me Kara-tan, me je utkânâiny; kun ta taun.

³³ Ke haba je taun hia thithö anyin at Geresoma hoton anyidrin je lap, thötin je taun me je utkânâ igigilö.

³⁴ Ke hobi kâu je lap anyin je laku Merari, wale kolon je at Levi, adre ham ûnyi hnyi tribu Zebulona, Jokeneama me je utkânâiny, me Kareto me je utkânâiny,

³⁵ me Dimena me je utkânâiny, me Na-halol me je utkânâiny; vak ta taun.

³⁶ Ke ûnyi hnyi tribu anyi Reubena, Bezeri me je utkânâiny, me Jahaza me je utkânâiny,

³⁷ me Kademotha me je utkânâiny, me Mefath me je utkânâiny; vak ta taun.

³⁸ Ke ûnyi hnyi tribu Gada, Ramoth hnyi Gileada, taun hnân lubaduöng hnyin ge at ame hlingâ at, me je utkânâiny, me Mahanaima me je utkânâiny;

³⁹ me Hesebona me je utkânâiny, me Jasera me je utkânâiny; vak ta taun.

⁴⁰ Haba je taun hia e eling hobi kâu je laku Merari, hoton anyidrin je lap, a je kolon je lap anyin at Levi, twelv ta taun hwajeköûdrin.

⁴¹ Haba je lap hia thithö anyin at Levi hnyi wanben je hnyei iny lakon Isaraela, me, fâte eit je taun, me je utkânâ igigilö.

⁴² Haba je taun eling me ve hu je utkânâ igigilö: ke helâe je taun hia thithö eling.

⁴³ Me Iehova ame liam ka at Isaraela hnyei hia waleji e atne khemanyin he ka ham ka lakamödra; ke adre me tren e me labā.

⁴⁴ Ke Iehova ame omenʼ ödra igigilö, hoton hofuc hia e ame khemanyin ka lakamödra: ke ba ke iwahnaihmiony mödra ame tot hnyi hnyimakodra; ke Iehova ame hna ta je iwahnaihmiony mödra hia ka hnyi je hnyamödra.

⁴⁵ Ke ame ca haû ke hofuc hnyi ta je hofuc ae so ame ba Iehova ka lap anyin at Isaraela; kʼ ame hwâdâ hia.