Josua 19 - Iaai Bible 1901 (New Caledonia)

¹ KE ame āt dö kö Simeona ge leköp a loiny, hobi kâu tribuiny laku Simeona, hoton anyidrin je lap: ke haba jekhöûdrin, me, hnyi wanben jekhon laku Juda.

² Ke e hu gadrin hnân hwajekhöûdrin Bere-seba, me Seba, me Molada;

³ me Hazara-sual, me Bala, me Azem;

⁴ me Eletolad, me Bethuela, me Horema;

⁵ me Zikelag, me Bethe-marekaboth, me Hazara-susa;

⁶ me Bethe-lebaoth, me Saruen; thötin je taun me je tauniny ae ûhnyûkong:

⁷ Aina, me Rimona, me Ethera, me Asau; foa je taun me je tauniny ae ûhnyûkong:

⁸ me je taun hia ae ûhnyûkong igigilö je taun eling, ke ne o but Balatha-bere, wale Hamath ka hnyi hwaiöu. Wale jekhon tribu anyin laku Simeona hoton anyidrin je lap.

⁹ Ûnyi hnyi jekhon laku Juda jekhon je laku Simeona: anyin a haba hna khenâ ka laku Juda e ti gan ködrin: anyin a wale laku Simeona ame hu idrin hnyi wanben jekhöûdrin.

¹⁰ Ke ame āt dö ge leköp a kuniny ka laku Zebulona hoton anyidrin je lap: ke haba hnyigöulen jekhöûdrin ame o but Saridi;

¹¹ ke ame he hnyigöulödrin jio ke ne o but Marala, me he ke ne o but Dabaseth; me he bala ke ne o but hnyi wagewe cicö Jokeneama;

¹² ke ame khenyi ûheny Siridi me he deiö hnyi hna o hnen seûno, ke ne o but hnyi hnyigöulen Kiselotha-tabor; me ame he Daberath ai me he ke ne ʼ o but Jafia;

¹³ ke ame he bala deiö ûheny e Gita-hefera ai, me Ita-kazin ai; ke ame, umo hnyi Rimona wale ame hûjâ me Nea;

¹⁴ ke ame khenyi hnyigöulen igigilö e hnyi hwadrö ke ne o but Hanathon; ke ame um dö hnyi hnyigöulen bucen e Ifeta-ela;

¹⁵ me Kata, me Nahalol, me Simerona, me Idala, me Bethe-leema: twelv je taun me je tauniny ae ûhnyûkong.

¹⁶ Wale jekhon laku Zebulona hoton anyidrin je lap, a je taun eling me je taun ae ûhnyûkong.

¹⁷ Ke ame hwâdâ thö kö Isakara ge leköp a vakiny hobi kâu je laku Isakara hoton anyidrin je lap.

¹⁸ Ke haba hnyigöulödrin, me, Jezerela, me Kesulath, me Sunema;

¹⁹ me Haferaim, me Sihon, me Anaharath;

²⁰ me Rabith, me Kiseon, me Abez;

²¹ me Remeth, me Eni-ganim, me En-ada, me Bethe-pazes;

²² ke ame o but hnyigot ka hnyi Tabora, me Sakazima, me Bethe-semes; ke adre umo hnyigöulödrin hnyi Joridano: sikstin je taun me je tauniny ae ûhnyûkong.

²³ Wale jekhon tribuiny laku Isakara, hoton anyidrin je lap, a je taun me je tauniny ae ûnyûkong.

²⁴ Ke ame hwâdâ thö ge leköp a thabûnginy ka tribuiny laku Asera hoton anyidrin je lap.

²⁵ Ke walang hnyigöulödrin, me, Helekath, me Hali, me Beten, me Akesafa;

²⁶ me Alamelek, me Amad, me Miseal; ke ame o ka hnyi Karemela e jio, me Sihora-libenath;

²⁷ kʼ ame khenyi ka hnyi hna o hnen seûno Bethe-dagona ai, me o ka hnyi Zebulona, me hnyigöulen bucen e Ifeta-ela ka hnyi hwadrö, ke ne o but Bethe-mek me Neiel; kʼ ame umo hnyi Kabul hnyi ke keihen hnyam a me,

²⁸ me Heberona, me Rehoba, me Hamona, me Kana, ke ne o but Zidona ae gan;

²⁹ ke ame khenyi hnyigot Rama ai ke ne o but Turo wale taun ae hwege; ke ame khenyi hnyigot Hosa ai; ke adre umo e hnyi köiö hnyi ke keihen hnyei Akeziba:

³⁰ me Uma, me Afeka, me Rehoba: a twente tu je taun me je tauniny ae ûhnyûkong.

³¹ Ke wale jekhon tribuiny laku Asera hoton anyidrin je lap, je taun eling me je tauniny ae ûhnyûkong.

³² Ke ame hwâdâ thö ge leköp a siksiny ka laku Nafatali, hobi kâu laku Nafatali hoton anyidrin je lap.

³³ Ke ame hwân dö hnyigöulödrin hnyi Helef, me iwajo hnyi Zananim, me Adami-nekel, me Jabenel, ke ne o but Lakom; me adre me umo e hnyi Joridano:

³⁴ ke ame khenyi hnyigot e jio Azenotha-tabora ai, ke ame he ûheny e Hukok ai; ke ame o ka hnyi Zebulona hnyi hwaiöu, me he Asera ai e jio, me Juda hnyi Joridano, hnyi hna o hnen seûno.

³⁵ Ke haba je taun adre up haginy, Zidim, me Zeri, me Hamath, me Rakatha, me Kinereth;

³⁶ me Adama, me Rama, me Hazora;

³⁷ me Kadesi, me Ederei, me Eni-hazora;

³⁸ me Irona, me Migedal-el, me Horema, me Beth-anath, me Bethe-semes; naintin je taun me je tauniny ae ûhnyûkong.

³⁹ Wale jekhon tribuiny laku Nafatali, hoton anyidrin je lap, je taun me je tauniny ae ûhnyûkong.

⁴⁰ Ke ame hwâdâ thö ge leköp a seveniny ka tribuiny laku Dana hoton anyidrin je lap.

⁴¹ Ke haba hnyigöulen jekhöûdrin, Zorea, me Esetaol, me Ira-semes;

⁴² me Salabin, me Ajalona, me Iethela;

⁴³ me Elona, me Timenatha, me Ekerona;

⁴⁴ me Eletek, me Gibethon, me Baalath;

⁴⁵ me Jehud, me Bene-berak, me Gatha-rimona;

⁴⁶ me Ma-jarekon, me Rakon, tha e me hnyigot cicö Jopa.

⁴⁷ Me adre me umo hnyigöulen laku Dana e hotudrin: anyin a haba laku Dana ödrin e he me vat me Lesem, me hûgûnâ e, me kot e ge hele vat, me hom e, me labā e, me hwenyi ien Lesem, me Dana, hoton iö Dana a kamödrin.

⁴⁸ Wale jekhon tribuiny laku Dana hoton anyidrin je lap, je taun eling me je tauniny ae ûhnyûkong.

⁴⁹ Ke ödrin e umo khenâ hnyei hnân hwajekhon hoton je hnyigöulen e; ke haba lakon Isaraela ödrin e ham kö Josua nöku Nuna ke jekhöû unyidrin:

⁵⁰ hoton hofuc ho Iehova me adre me ham kâu taun e ame ha, wale Timena-sera, hnyi hnyei ae hut hnyi Eferaima: me e ame otilâ taun me labā.

⁵¹ Wale je hwajekhon a khene idrin ga Eleazara at bihut, me Josua noku Nuna, me je kamen je tribuiny lakon Isaraela, ge ugleköp hnyi Silo, hnyi hnyimakö Iehova, hnyi hwanumen uma ûkhacaköu. Ke adre me umo thö khenâ hnyei.