Josua 16 - Iaai Bible 1901 (New Caledonia)

¹ KE haba jekhon laku Josefa me hwân hnyi Joridano e Jeriko wale hnyi köien Jeriko e deiö, ke ne o but hnyi hnyebuba, gethen ûheny Jeriko hnyi wanben hnyei ae hut ke ne o but Beth-ela;

² kʼ ame he ûheny Beth-ela Luza ai, kʼ ame he bala ke ne o but hnyigöulen at Areki ke ne o but Atarotha;

³ kʼ ame be bala bi jio ka hnyi hnyigöulen at Jafelet, ke ne o but hnyigöulen Bethe-horona eû, ke ne o but Gezera: kʼ ame umo hnyi köiö.

⁴ Ke haba li laku Josefa, jia Manase me Eferaima, me ödru me labā idru.

⁵ Ke haba hnyigöulen laku Eferaima hoton anyidrin je lap, haba hnyigöulen jeköûdrin e deiö, me, Ataroth-adara ke ne o but hnyi Bethe-horona ethö;

⁶ ke ûne he bala hnyigöulen e jio Mikematha ai ka hnyi hwadrö: ke ame khenyi deiö hnyigöulen, ke ne o but Tanatha-silo, kʼ ame i he hanyâûâ ke ne o but Janoa ke e deiö:

⁷ kʼ ame he ûheny Janoa Atarotha ai, me Naratha, kʼ ame o hnyi Jeriko, me umo ju hnyi Joridano.

⁸ Ke ame he hnyigöulen hnyi Tapua me he e jio ke ne o but hnyi wagewe Kana; kʼ ame um ju hnyi köiö. Wale jekhon tribuiny laku Eferaima hoton anyidrin je lap;

⁹ ke ca ha bi je taun adre hake ip hobi kâu je laku Eferaima wale hnyi wanben jekhon laku Manase, a ta je taun hia thithö me ta je tauniny ae ûhnyûkong.

¹⁰ Ke haba at Kanana a tavat adre me laba hnyi Gezera, me adre me ca obʼ ödrin dut: me haba at Kanana ödrin e laba unyin at Eferaima ke ne o but hnyi bong ang, me bi athnyabaidrin me ânyâ anyidrin je huliwa.