Biblia Todo Logo
Bìoball air-loidhne

- Sanasan -

Josua 14 - Iaai Bible 1901 (New Caledonia)

1 KE walang je hnyei ame hom hnen lakon Isaraela hnyi hnyei Kanana, wale ame khenâ Eleazara at bihut, me Josua nöku Nuna, me je ban a je kamen je tribuiny lakon Isaraela hnân idrin,

2 adre khene idrin ge ugleköp, helâ me Iehova ame hûna deny Mose, hobi kâu je tribu a nain, me hafiny tribu.

3 Anyin a Mose ame hia but ham iny lo li tribu me hafiny tribu hnyi ke keihen e deiö Joridano: ke e ame ca khene iny at Levi unyidrin.

4 Anyin a haba lo li tribu, li laku Josefa, jia Manase me Eferaima; ke ödrin e ca ham ka at Levi ke keihen hnyei; ke so bi je taun hnân me labā, me utkânâ igigilö e hobi kâu haledrin je meno me anyidrin je anyi.

5 Ke haba lakon Isaraela ödrin e ânyâ helâ me Iehova ame hûna kö Mose, me ödrin e khenâ hnyei.

6 Ke ame he laku Juda kö Josua hnyi Gilegala; me ame ha kâu Kaleba nöku Jefune at Kenaza, ka habe, E khatö u ûnyi a ha Iehova kö Mose aten Khong gatu hnyi Kadesi-banea.

7 Fâte but je hunaik hnyi ûen ame kunö nya Mose athnyabai Iehova, ûheny Kadesi-banea he ka ecmâkâ hnyei; ke oge me hmetoâ je hofuc ae eû hnyi hnyekuk.

8 Ke so bi haba je liamekeiny mönya, adre tha he mönya, ödrin e oköiâ hnyekon tavat: ke oge me tha hnu hotu Iehova Khonguk.

9 Ke Mose ame khemanyin hnyi bong eling, me ha, ka habe, E hnathu hnân em me je mâtrânâm nyiele balua hnyei e u je uto, anyin a u je hia but tha hnu hotu Iehova Khonguk.

10 Ke walang ang, wâ bi, Iehova ame omeli nya tilö nya hnyi ta je huna eang a fâte faiv helâji me hnen hna ha, hwân hnyi ûen Iehova ame ha hofuc i eling kö Mose, kʼ ame tiga he Isaraela hnyi hnyebuba: ke walang ang, wâ bi, eite faiv je hunaik.

11 Iny tiga hwege bala bi hnyi bong ang, helâji me bong a kunö nya hnyin Mose; haba tang hwegiök walang me helâji me tang hwegiök ehac, hnân vat, ke hnân didrut me didro.

12 Anyin a wale ham könya bucen eang, wale Iehova ame ha gan hnyi bong eling; auyin a u je long hnyi bong eling a ka eling at Anaka, me je taun ae gan adre up haginy: me ame ne he la Iehova ka tha e mönya, me oge me he ka obʼ ödrin helâ me Iehova ame ha.

13 Ke haba Josua ame hahnahicâ e, me ham Heberona kö Kaleba nöku Jefune, me me iny.

14 Anyin a wale haba Heberona me i Kaleba nöku Jefune at Kenaza ke ne o but hnyi bong ang; anyin a e ame tha hnu hotu Iehova Khongon at Isaraela.

15 Ke haba ien Heberona ehac me Kiriath-areba; haba Areba eling me wale at ae beönua unyin at Anaka. Kʼ ame menâ hnyei ke ba vat.

maintained by the British and Foreign Bible Society

Bible Society of the South Pacific
Lean sinn:



Sanasan