Josua 13 - Iaai Bible 1901 (New Caledonia)

¹ KE a hingat ut Josua, ke se hia but hunainy; ke haba Iehova ame ha kâu, ka habe, U je hingat ut, ke se hia hunaiâm, ke se hia biju je hnyei öbun e tiga ca hûgûnâ.

² Ke walang je hnyei biju: a hnyei hia iny at Filisiti, me at Gesuri hia;

³ hwân hnyi Sihora cicö Aigupito, ke ne o but hnyigöulen Ekerona ka hnyi hwadrö, kʼ adre me aû e, me hnyei iny at Kanana: ödrin thabûng je thaniny at Filisiti; ke at Gaza me at Asedoda, me at Asekelona, me at Giti, me at Ekerona,

⁴ me at Avi minya, wale hnyi hwaiöu: hnyei hia iny at Kanana, me Meara hnyei iny at Zidona, ke ne o but Afeka, ke ne o but hnyi hnyigöulen at Amora:

⁵ me hnyei iny at Gebali, me Lebanona hia, hnyi hna o hnen seûno, hwân hnyi Baala-gada hmelen bucen Heremona ke ne o but hnyi gethen ame didro ka hnyi Hamath:

⁶ je aten hia adre me laba hnyi je bucen, hwân Lebanona ke ne o but Miserefa-maim, me at Zidona hia; oge me he ka obʼ ödra hnyi hnyimakan lakon Isaraela: ke so bi hamâm he ka khenâ e hnen ugleköb hnân iny at Isaraela, helâ me hnok hna hûna köu.

⁷ Ke walang ang u me he ka khenâ hnyei ang ka je tribu a nain, me hafiny tribu Manase me idrin:

⁸ ke haba e, a tha e me at Reubena me Gada ödrin e hia but kap idrin, wale a ham ködrin Mose hnyi hoton Joridano e deiö, helâji me a ham ködrin Mose athnyabai Iehova;

⁹ hwân Aroera, hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba, ke ne o but Dibona;

¹⁰ me je taun hia anyi Sihona than Amora, at ame musi hnyi Hesebona, ke ne o but hnyigöulen je laku Amona;

¹¹ me Gileada, me hnyigöulen at Gesuri, me at Maaka, me bucen Heremona hia, me Basana hia ke ne o but Saleka;

¹² me dok bu hia dökhu Oga hnyi Basana, at ame musi hnyi Aseterotha, me Ederei (wale ke je kolon tavat ao beû); anyin a Mose ame kuc ödrin me obʼ ödrin dut.

¹³ Ke haba lakon Isaraela adre me ca obâ at Gesuri me Maaka: ke so bi at Gesuri me Maaka ödrin e tha laba me at Isaraela ke ne o but hnyi bong ang.

¹⁴ Ke hake tribu Levi thiju adre ca khene iny; haba je hut a an hnen meic kö Iehova Khongon at Isaraela, me wale iny, helâ me hnen hna ha ködrin.

¹⁵ Ke haba Mose ame khenâ ka tribuiny laku Reubena hoton anyidrin je lap.

¹⁶ Ke haba hnyigöulödrin, hwân Aroera hnyi baten hnyigöulen bucen e Arenona, me taun hnyi wanben e, me hnyei hia ae tha hon hnyi Medeba;

¹⁷ Hesebona me je tauniny hia thithö hnyi dok ae tha hon; Dibona me Bamotha-baala me Bethe-baalameon;

¹⁸ me Jahaza, me Kademotha, me Mefat;

¹⁹ me Kiriathaima, me Sibema, me Zereth-sahar hnyi bucen a e hnyi hnyigöulen bucen;

²⁰ me Bethe-peora, me Asedoda-pisega, me Bethe-jesimoth;

²¹ me je taun hia thithö hnyi dok ae tha hon, me dökhu hia dökhu Sihona than at Amora, at ame musi Hesebona, at a hlingâ Mose tha e me je than at Midiana, jia Evi, me Rekem, me Zura, me Huro, me Reba, a je taben unyi Sihona, hnyat labā hnyei.

²² Balaama minya nöku Beora, at ame bi khong, ame mokut unyin je komok a hlingâ hnen lakon Isaraela ge hele vat.

²³ Ke haba hnyigöulen laku Reubena, me Joridano me baten. Me wale iny laku Reubena hoton anyidrin je lap, me je tauniny, me je tauniny ae ûhnyûkong.

²⁴ Ke Mose ame khenâ ka tribu Gada, a je laku Gada, hoton anyidrin je lap.

²⁵ Ke haba hnyigöulödrin me Jazera me je taun hia hnyi Gileada, me hafiny hnyei iny laku Amona, ke ne o but Aroera cicö Raba;

²⁶ ke hwân Hesebona, ke ne o but Ramatha-mizepa, me Betonim; ke hwân Mahanaima ke ne o but hnyigöulen Debira;

²⁷ ke haba hnyi hnyegöuleny bucen, me Beth-arama, me Bethe-nimera, me Sukotha, me Zafon, kolon dökhu dökhu Sihona than Hesebona, ke haba hnyigöuleny me Joridano, ke ne o but hnyi obiny köien Kinereth, hnyi ke keihen e deiö Joridano.

²⁸ Ke wale hnyei iny laku Gada hoton anyidrin je lap, me je tauniny, me je tauniny ae ûhnyûkong.

²⁹ Ke Mose ame khenâ ka hafiny tribu Manase: a wale hobi kâu hafiny tribu Manase, hoton anyidrin je lap.

³⁰ Ke haba hnyigöulödrin, me, hwân hnyi Mahanaima, Basana hia, a je dökhu hia dökhu Oga than Basana, me je taun hia anyi Jaira, wale hnyi Basana, je taun a sikste:

³¹ me hafiny Gileada, me Aseterotha, me Ederei, a je tauniny dökhu dökhu Oga hnyi Basana, hnân hobi kâu je laku Makir nöku Manase, hobi kâu ke hafiny laku Makir hoton anyidrin je lap.

³² Wale je hnyei a khenâ Mose hnyi dok ae tha hon hnyi Moaba, hnyi ke keihen Joridano, Jeriko ke e deiö,

³³ Ke Mose ame ca khene iny tribu Levi: Iehova, Khongu Isaraela idrin, helâ me hnen hna ha ködrin.