Josua 12 - Iaai Bible 1901 (New Caledonia)

¹ WALANG li thaniny hnyei a kot ge lakon Isaraela, me hom idrin hnyei hnyi ke keihen Joridano hnyi hna o hnen seûno, hwân hnyi hnyigöulen bucen e Arenona ke ne o but hnyi bucen Heremona, me dok ae tha hon hia e deiö:

² Sihona thaniny at Amora, at ame laba Hesebona, at musi hwân Aroera hnyi baten hnyigöulen bucen e Arenona, me taun hnyi wanben e, me ke keihen Gileada a hafiny, ke ne o but hnyi wagewe Jaboka, hnyigöulen je laku Amona;

³ ke hwân hnyi dok ae tha hon, ke ne o but hnyi köiö Kinereth, e deiö, ke ne o but hnyi köien dok ae tha hon, wale Köiö ae Hiny, e deiö, gethen ûheny Beth-jesimoth; me hnyi hwaiöu hmelen je hwatapkoluiny Pisega:

⁴ me hnyigöulö Oga than Basana, hanen kolon tavat ae beû, at ame laba hnyi Aseterotha, me Ederei,

⁵ me musi hnyi bucen Heremona, me hnyi Saleka, me Basana hia, ke ne o but hnyi hnyigöulen at Gesuri, me at Maaka, me ke keihen a hafiny Gileada, hnyigöulö Sihona thaniny Hesebona.

⁶ A kuc ödra Mose athnyabai Iehova me je lakon Isaraela: ke haba Mose athnyabai Iehova ame ham e hnân iny at Reubena, me at Gada, me hafiny tribu Manase.

⁷ Walang je thaniny hnyei a kot Josua me lakon Isaraela hnyi ke keihen Joridano ke e jio, hwân Baala-gada hnyi thopiny Lebanona, ke ne o but hnyi bucen Halaka, gethen ame ölö Seira ai; ke Josua ame ham e ka je tribuiny at Isaraela hnân idrin hoton hna khenâ ködrin;

⁸ hnyi hnyei ae hut, me hnyei ae ca hut me je dok ae tha hon, me je hwatapkolu, me hnyebuba, me hnyi Hwaiöu; a at Heth, me Amora, me Kanana, me Perizi, me Hivi, me Jebusi:

⁹ than Jeriko, khaca; thaniny Ai, wale hakekeny Beth-ela, khaca;

¹⁰ than Jerusalema, khaca; than Heberona, khaca;

¹¹ than Jamuth, khaca; than Lakisa, khaca;

¹² than Egelona, khaca; than Gezera, khaca;

¹³ than Debira, khaca; than Gedera, khaca;

¹⁴ than Horema, khaca; than Arada, khaca;

¹⁵ than Libena, khaca; than Adulama, khaca;

¹⁶ than Makeda, khaca; than Beth-ela, khaca;

¹⁷ than Tapua, khaca; than Hefera, khaca;

¹⁸ than Afeka, khaca; than Lasarona, khaca;

¹⁹ than Madon, khaca; than Hazora, khaca;

²⁰ than Simerona-merona, khaca; than Akesafa, khaca;

²¹ than Tanaka, khaca; than Megido, khaca;

²² than Kadesi, khaca; than Jokeneama hnyi Kara-mela, khaca;

²³ than Dora hnyi bucen Dora, khaca; than Goim hnyi Gilegala, khaca;

²⁴ than Tireza, khaca; habi je than hia thithö, me ödrin thote wan.