Jona 4 - Iaai Bible 1901 (New Caledonia)

¹ KE e ti kong hmonyin e kö Jona, me e ame hmonyin.

² Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

³ Anyin a wale, Iehova lö, ö u hom dö walang ang melik; anyin ae so oge me he ka mok, hon he ka mot.

⁴ Haba Iehova ame ha könya, ka habe, Hawa, u ûcû he ka hmonyin?

⁵ Me haba Jona ame he but ûnyi hnyi taun me laba hnyi ke keihen e deiö taun, me bi uma menâ hobi kâu e bi, me laba hmelen e hnyi hmenon, me wâ ûnyi ame he ka o ka hnyi taun.

⁶ Ke haba Iehova ame penapena iogum, me okûâ kö Jona, me hnân tungen ban, me omelo e ûnyi hnyi anyin vec. Me hala Jona ame ti senyin gan hmâ ka iogum.

⁷ Ke hnyi ioiny lany nyi hnyomakatu, haba Khong ame penapena wacihngâû, ke e ame koû iogum me ame meleca thö.

⁸ Ke ame o thö seûno, me Khong ame penapena ang hwei ae kahwa; ke ame dei bö Jona me e ame momonu, ke e ame sumâtâ me me mokcu, haingen, ka habe, E so iny he ka mokcu, hon he ka möt.

⁹ Haba Khong ame ha kö Jona, ka habe, Hawa, u ûcû he ka hmonyin ge iogum? Me e ame thu, ka habe, Iny ûcû he ka hmonyin ke ne o but mok.

¹⁰ Me haingo Iehova, ka habe, U je betenge ge iogum wale u je ca huliwan, me okûâ; at ame kû hnyi lit a khaca, kʼ ame hia hmetu hnyi lit a khaca:

¹¹ ke hawa, e ca ûcû könya he ka betenge ge Nineve taun ae gan, ke se hia aten bon khaca haded ke twente thauzan, tavat ae ca khanʼ ödra benyidra a metödra me me; ke ca ha bi omeno.