Jona 2 - Iaai Bible 1901 (New Caledonia)

¹ ME Jona ame hic kö Iehova a Khongon eû hnyi hnyin wâ.

² Ke e ame ha, ka habe, Oge me tenge kö Iehova hnyi anyik vec, Me e ame thu könya; Oge me khöû ûnyi hnyi hnyekon hedis, Me u je long ifucik.

³ Anyin u je khûö nya ka hnyi dok ae dit, hnyi wanben köiö, Kʼ ame igigili nya hnen wekhet Kʼ ame khutukhaûö nya hnen ânyâm je waköiö, ke ânyâm je wabulu.

⁴ Me haingök, ka habe, Adre me hota degeci nya ûnyi hnyi hnyimâkâm; Ke so bi, oge me he hmetu ka bwele ka hnyi umâm uma ae kap.

⁵ A igigili nya köiö, ke ne o but ka hnyi hanu; Ame hûlûlûö nya hnen dok ae dit; A wadrâ bok hnen leûnen hme.

⁶ Oge û but ka hnyi je taben je bucen; E bi huk hmeledrany me je ohmâiny nyiele balua; Ke so bi, Iehovah Khonguk lö, u je hia but öliâ melik ûheny û hnyi thop.

⁷ Hnyi ûen ame momonu hanuk eû hnyik, oge me ûnykûmi Iehova: Ke ame o but köu hijik hic ka hnyi ânyâm dok ae kap.

⁸ Haba tavat adre me hnyok ka ta je ûnyi ae ûnyi baû me thoi, Me adre me degec hing betenge kodra bi.

⁹ Ke oge me he bi nya ka bi hut köu me hwan ole; Oge me he ka thamuâ anyik khöbi. Haba ûhomeli ûnyi ga Iehova.

¹⁰ Ke Iehova ame fuc ka wâ, me e ame hmitö Jona hmetu hot ai.