Jobu 6 - Iaai Bible 1901 (New Caledonia)1 HABA Jobu ame thu me ha, ka habe, 2 Ödra na he ju ka tuluto ihmakiny anyik hmak, Me tha ip anyik vec hnyi ûnyi hnân tulut! 3 Anyin a walang ang ame he ka hmak ut hon önyin köiö: Anyin a wale e monu but hok je hofuc. 4 Anyin a eû hnyi hnyekuk je fana anyin Ataekhanahia, Haba hanuk ame ijem ûnyi imekiny: Kʼ ame tot metâ könya je hna ootâ anyin Khong. 5 Hawa, ame he asinainy hnyot ka kuku ame ne hu önying? Kʼ ame he bolok ka kuku hon an jeû? 6 Hawa, adre me he ka han ûnyi ae bokânâ he ka ba bi sâlt? Ke hu hnamen waehenuiny wakunyin khoto? 7 E höcö bi hanuk he ka kâlâ; Ke helâ me jeû ame bokong könya. 8 Iny na he ju ka kap hnok hna sumâtâ; E na he ju Khong ka ham könya hnok hna gejon! 9 Waleling me me beweny Khong ka hlic nya; Me bethang hnyamen he ka subâ degeci nya! 10 Mʼ oge me he ka laba wia, Eke, oge me he ka senyinâ vec, a at ame ca betenge: Anyin oge me ca ivinoâ hofuc hwan At ae Kap. 11 Ieû tang hwegiök me inye he ka halubahingen? Ke ieû obiny gak, mʼ inye he ha hokhnyokâ? 12 Hawa, ame helâ me ihwegien veto tang hwegiök? Ke bras bi vik? 13 Hawa, e ca hnathu ae ba ûhadruo unyik, Kʼ adre me ohia gak he ka ânyâ ke ûnyi ae hu troban? 14 A ne he but at ka mok, me so ame he hanen ka betenge gan; Wâ e nye he ka hna degecâ outen Ataekhanahia. 15 A hia but iyawö ge je liamekeiny mönya helâ me wagewe; Ke helâ me deny je wagewe a hingölö but? 16 Wale a hlit ut hnen köiö ae wahma, Kʼ ame laba duöng ut kiona eû hnyin: 17 Haba hnyi ûen mage, me, ame hia but: Ke hnyi ûen hlöng, me, ame aû bût hnyi hnen. 18 Kʼ ame saû but je bunyen adre me gethen eling Adre me ölö but ka hnyi hnyebuba, me mokcu. 19 Adre me wâ e hnen je bunyen anyi Tema, Kʼ adre me halubahingen hnen je bunyeniny Sheba. 20 Ödrin e hmehma anyin a ödrin e labagejon; Ödrin e o but kâe me ame gâ udrin. 21 Anyin a walang öbun e gufa but; Öbun e wâ ûnyi hnân öbubuny gan, me öbun e ot. 22 Hawa, oge me ha, ka habe, Hö jem könya? Ke, ha omjehek ûnyi hnyi tang omjehebun? 23 Ke, omeli nya ûnyi hnyi hnyamen iwahnaihmiony? Ke, ûcû melik ju unyin tavat seda? 24 Nö nya thö, ke oge me he ka laba hnyibû: Ke owâhmakhmeto nya thö ge hnok hna monu hnyin. 25 Shaiba ge maniny hofuc ae wisa! Ke ieû troban fuc a öbun? 26 Hawa, öbun e ûnykûme he ka ûo je hofuc? Ke hofuc hwan at ame ti hmonyin, helâ me ang. 27 Eke, öbun e beugleköbâ nakahme, Me ânyâ ka hanöbun, helâ me omjeû adre ûco. 28 Ke walang ang, öbun na ō nya thö; Anyin oge me ca he ka thoi hnyi hnyimaköbun. 29 Öbun na hmetu ju, me me ba ûnyi ae hwali; E ke, hmetu ju, ame wisa anyik ûhnenamö. 30 Hawa, e hu hwali hnyi bohmök? E ca khana hnyimök he ka demhmakhmetoâ ta je ûnyi ae kong? |
maintained by the British and Foreign Bible Society
Bible Society of the South Pacific