Jobu 4 - Iaai Bible 1901 (New Caledonia)

¹ HABA Elifaza at Temana ame thu, me ha, ka habe,

² Hawa, u me he ka vec ame ne he ke at ka me ûhnenamö möu? Ke ia ae khana he ka laba hnyibû?

³ Wâ bi, u je hia but nâ tavat ae se hia, Kʼ u je hia but ohwegiâ je hnyamʼ ae sënyin.

⁴ U je hia but kât tavat adre me he but ka ta hnen hwâm ta je hofuc, Ke u je hia but sihwegiâ je boucan ae mat.

⁵ Kʼ ame o thö köu walang ang, me u me ta; Kʼ ame kuc u, me u me hlohlo but

⁶ Hawa ge hnâm hna outen Khong, ca wale ânyâm labageju, Ke hnâm hna he wisa, ca wale bi hnâm hna gejon?

⁷ Me ûnykûme ju, Ie at ame mok ke ba hnyikongon? Ke ewa dok adre me subâ degecâ at ae wisa hwakecin hnyin?

⁸ Wânök, a gʼ ame he tavat adre me belökâ ûnyi ae kong, Me ta ûokonguny, he ka hnyi meno e.

⁹ A hiʼ ödrin dut ûnyi ge imenâiny Khong Ke ödrin e aû but ge imenâiny anyin hmonyin.

¹⁰ Haba hmuhmuiny liona, me hwan liona ae beûkûc, Me je nyon je nak liona, me, adre hia but thu.

¹¹ A mokcu liona hingat, anyin ae ba but haniny. Ke adre me vese thö je lakon liona.

¹² Adre oâ duöngâ könya ke ûnyi, Ke haba hnyikönyök ame long hwan hwaulit.

¹³ Hnyi ta je hna ûnykûme hnyi je hna omanenâ hnyi hnyinghet, Hnyi ûen ame ta but mokut hnying hon tavat,

¹⁴ Ame o but könya ot me öbubuny, Me me bwebwet je jeiök hia thithö.

¹⁵ Me ame he but hnyi hnyimakök ke hanu; Kʼ ame todrö dinen unyik.

¹⁶ E ame tot, ke oge me ca wâ wia unyin; Ke e hnyi hnyimakök helâ ke unyin: E ba hwan, ke so bi oge me long hofuc, ka habe,

¹⁷ Hawa, ame he at ame he ka hu obiny ka beönua hon Khong hnyi hwakecin, ae wisa? Ke ame he at ka beönua hon At a op e ge ba hnyikongon?

¹⁸ Wâ bi e ame ca labageju ka je athnyabainy; Ke e ame ha hnyikongon anyin je angela:

¹⁹ Awe, ame ca helâe ge tavat adre me labā je uma kânâ ae kece, Ke kânâ dok adre hwân hnyin, Ke adre bödra ka hlic ödrin, ke biliny bi walelaba!

²⁰ Adre ohiʼ ödrin hnyi wanben hnyomakatu me sahac: Ame hiʼ ödra balua but, ke ba at ame wâhmakhmeto.

²¹ Hawa, adre ca oc ut toiny umödrin uma eû hnyidrin? Ödrin e mokcu, ke ba metâ gadrin.