Jobu 37 - Iaai Bible 1901 (New Caledonia)

¹ HNYI ûnyi eling ame öbubuny oûnykûmik, Me utut ûnyi hnyi hnen.

² Long wia ju öbun hwan ifucin, Ke ûlunginy ame he but ûnyi hnyi hnyimen.

³ E ame kunâ e kâû ka hnyi hmeledrany hia, Ke anyin hucuce ke ne o but hnyi je can hmeledrany.

⁴ Hwaban dö e, me ame hmuhmu hwan; Kʼ ame hwan than ge ifucin ae beönua: Kʼ ame ca behânâ, ödra ka löng ifucin.

⁵ Hnân lâiâ hwan than anyin Khong; E ame ânyâ je ûnyi ae gan, kʼ ate me ca wâhmakhmeto.

⁶ Anyin a e ame ha ka kiona, ka habe, Ta but u ka hnyi hmeledrany; Ke helâe minya ka we ae ûhnyûkong, Me anyin we ae gan.

⁷ E ame okeceâ hmâ je hnyamen tavat hia thithö; Me me khana e hnen tavat hia e ame op.

⁸ Ke je menoiny hnyot adre me didro ka hnyi je dok ae nedrong, Me laba hnyi umödra je uma.

⁹ Ame o but höu ûheny hnyi hwaiöu, Me megic ûheny hnyi hwadro.

¹⁰ Adre ham köiö ae wahma ge homenâ anyin Khong: Me hom ûhnyûkongo je köiö ae lau.

¹¹ Eke, e ame ip khömetiny hon ûlâ ae khot; E ame olauâ ûlâiny anyin hucuce,

¹² Ke adre me hom tilâ e hnen anyin musi, Me me aat hia hnen hna hûna Ka hnyi hon hmeledrany hia ae hu aten;

¹³ Ame ne hnân ûnö, ame ne hobi kâu iny hnyei, Ame ne betenge, me e ame oâ e.

¹⁴ Jobu lö, tevehlöng ju ang: Todru, me wâ ûnykûme je huliwa hnân lâiâ anyin Khong.

¹⁵ Hawa, e khanö u hwakecin hna hûna ka je ûnyi eling hnen Khong, Me omanenâ imelaminy hucuce hnyi, anyin ûlâ?

¹⁶ Hawa, e khanö u bongon hna tuluto je ûlâ, Je huliwa hnân lâiâ gan at ae tren metâ ae bekhot?

¹⁷ A kâmâu ka mage ânyâm je ûkhaû. Hnyi ûen ame ta hau hon hmeledrany can ang hnyi hwaiöu?

¹⁸ Hawa, e khanö u he ka tha ulolo mē drany, Waleji ae hmâ helâ me uselat bras adre okoiâ?

¹⁹ Nʼ ohmun dö ge ûnyi hnân ha kâu; Anyin ae ca khanʼ ohmun he ka penapena ifucihmun can menekholom.

²⁰ Adre me he ka ha kâu a iny befuc? Ke ame he at ka beweny mʼ adre me utâ e?

²¹ Ke walang ame ca wâ but tavat lany ae hadröngöc hnyi je ûlâ: Ke ame o ang, me ânyâwia.

²² Ame o but ûheny hnyi hwadro drany ae so helâ me gol: E unyin Khong hmanenang hnân outen.

²³ Haba Ataekhanahia, me ca khanʼ öta he ka wâ wia; e nua man: Ke haba hnyi hna owisa me ûhnei, me ame ca he ka ûokonguny.

²⁴ Anyin a wale ame outen e ge tavat: Ke ame ca wâ hmâ tavat adre me hnyokâ wisa.