Jobu 36 - Iaai Bible 1901 (New Caledonia)

¹ KE ame fuc bala Elihu me ha, ka habe,

² Më na hokhnyok ju, me oge me he ka omanenâ köu; Anyin ae tiga hu hok hofuc bi he ka ha ge Khong.

³ Oge me he ka hok anyik metâ ûnyi hnyi dok ae sâkâû, Me haiwisa At a Up nya.

⁴ Anyin ae hnathu ame ca thoi hok hofuc: E bi unyâm at ae tren wâûnykûme ae bekhot.

⁵ Wâ bi, e man Khong, ke ame ca hûkotiâ at: E at ae man hnyi hwegien oûnykûmanen.

⁶ E at ame omelö at ae kong: Ke e ame ham wisa ka at adre me ovecâ.

⁷ E ame ca ikhâlâ li emakan ge at ae wisa: Ke haba je than hon theron Me e ame otilʼ ödra hmâ bala, mʼ adre me gorany dö.

⁸ Ke adre me ne cʼ ödra ge je fao, Ke nuc Ödra ge je tö ae vec;

⁹ Awe, e ame omanenâ kodra anyidra je huliwa, Me bnödra hna hanyâûâ, a gʼ adre hia but ti ânyâ hwakecin bi gan.

¹⁰ Ke ame olöngâ je hnyikonyödra ka hnyi hna ûne, Me hûna kodra he ka hmetu ûnyi hnyi hulö.

¹¹ Adre me ne he ka long me bi athnyabainy, Me adre me he ka laba sot hnyi bongudrin je bong, Me senyin hnyi je hunaidrin.

¹² Ke adre me ne ca long bi, me ame he ka hiʼ ödra ge hele vat, Adre me he ka mok ke ca khanʼ ödra bongon.

¹³ Ke haba tavat ame ca ot bi je hnyeku dra, me adre me ûkhöûnâ hmonyin: Adre me ca khöû hnyi ûen e ame cʼ ödra.

¹⁴ Adre me mokcu kʼ ödra tiga je hidröu bi, E tha obiny melidrin me tavat ae ikiki.

¹⁵ E ame omelö at ae vec hnen anyin vec. E ame olöngâ je hnyikönyödrin ge hna ûöveci.

¹⁶ Eke, e ame belili u ûnyi hnyi dok ae kong Ka hnyi dok ae lau, dok ae ca hnek bi; Ke haba hnödra hna ip hon ânyâm laulau ame he ka ti pipikhenya.

¹⁷ Ke u je ounöngöt ge je hna owisa ka at ae kong, Ame kot u ge hna owisa me wisa.

¹⁸ Ke haba khaca, e hu hmonyin, wâ eâu, wâ adre nye he ka hum u ge hnâm hna sekunâ; Ke so ame ca he ûganiny hna omeli he ka osaûö u.

¹⁹ Hawa, ame he ka ûcû tang omjehem, mʼ u me ca he ka kong ut, Ame ne je hwegien hia manom man?

²⁰ Ca he ka weny hnyinghet, Wale ûen adre me subâ degecâ tavat hnyi je hnödra.

²¹ Wâ eâu, ca he ka hnyok ka hwakecin ae kong: Anyin a wale hnâm hna hia but ûca hon vec.

²² Wâ bi, Khong ame ânyâ huliwa ae beönua hnyi maniny man: Ewa at ûne a helâ mē?

²³ Ia kû kâu deny gethen? Ke ia ame he ka ha, ka habe, U je hia but ânyâ hwakecin ae ca wisa?

²⁴ Ûnykûme ju he ka oganâ anyin huliwa, Waleji ame khumöngö hnen tavat.

²⁵ A hia but wâ e hnen tavat hia thithö; Tavat adre me wâ sâkâûâ e.

²⁶ Wâ bi, e gan hmâ Khong, kʼ ate me ca wâhmakhmeto e; Ke ca hnân elâm ûseiny je hunainy.

²⁷ Anyin a e ame lelö goranyai je köiö, Kʼ ame ta but hmetu hnyi we ûnyi hnyi khömetiny:

²⁸ Wale ame hingölö hnen je ûlâ Kʼ ame hingölö gan hmâ hon at.

²⁹ Eke, ie at ame wâûnykûme hna ulolo je ûlâ, Ke hwan than ûnyi hnyi umen uma menâ?

³⁰ Wâ bi, e ame ulolo anyin lany igigilo e; Me khavâ taben köiö ae gan.

³¹ Anyin a e ame owisa tavat ge ta je ûnyi eling; Me han gânâ.

³² E ame tube li hnyamen ge hucuce; Kʼ ame hûna kâu me me aat dö ûnyi e ame kû.

³³ Haba ûlunginy e, me wale at ame hai memenâ e, Kʼ ame ha omeno ge weneû ame o thö.