Jobu 30 - Iaai Bible 1901 (New Caledonia)

¹ KE walang ang ame hlumö nya dö a biliny, Hnyat oge me höcö ip lakamödrin unyin je kuli a hanen halek je hnahat mamoe.

² Eke, ewa troban könya ûnyi hnyi tang hwegien je hnyamödrin? Ame hia but je hmaidrin.

³ Ödrin delâ ge theduoc me hmiâ; Ödrin e âc kânâ ae mada ge nyudrin hnyi hnyebuba dok ae ba wan, ke ba aten.

⁴ Ötlrin e oc je hwi hnyi hnyot, Ke hicödrin waiau.

⁵ Adre me obʼ ödrin unyin tavat; Kʼ adre me kuku ödrin helâke at venöu.

⁶ Hamödrin he ka laba hnyi je hokong, Me je hmonopiny kânâ me kic.

⁷ Ödrin e kuku hnyi hnyot, Ödrin e ûkhacaköu hmelen iokhukhun.

⁸ Ödrin lakon tavat ae monu, eke, lakon tavat ae kong; Adre me kot degeci ödrin ûnyi hnyi hnyei.

⁹ Ke walang ang ödrin e sit hwahnök, Eke, inya ang taben ûhiö ködrin;

¹⁰ Ödrin e ikiki nya, me ûsâkâûö mönya, Ödrin e ca ot he ka hangöjâ hnyimakök.

¹¹ Anyin a e ame hia but thang weiken, me oveci nya, Ke ödrin e hia but degec toiny hnyem hnyi hnyimakök.

¹² Hnyi ke keihen metök ame tot dö kong hnyimakan; Ödrin e hagutâ li cak, Ke ödrin e okhibö goranyai je dedrin he ka ohiö nya.

¹³ Ödrin e okongoâ dek gethen, Ödrin e ip hnyi hnyimaködrin anyik hloûhloû, Ödrin tavat ae ba at hnân hadruʼ ödrin.

¹⁴ Odrin e o hnyi wanben hna kia vat ae gan hmâ: Ödrin e tetebulo huk hnyi wanben hna okongoâ.

¹⁵ Adre me wia könya ta je ûnyi hnân öbubuny gan, Ödrin e hnu anyik hmanenang helâ me ang; Ke ame dit ut anyik hnahic helâ me ulâ.

¹⁶ Ke walang ang ame hlohlo but hanuk eû hnyi hnyekuk; Ame kot nya je bonginy vec.

¹⁷ Hnyi je hnyinghet adre me labö dâ oâ je jeiök Je vec ame öc nya me ca menâ bi.

¹⁸ Ame kong ut ûkhaûök ge hwegien anyik mok: E ame cö nya helâ me nyin anyik ûkhaû.

¹⁹ E ame hia but khuö nya ka hnyi hmudra, Kʼ iny ûcû but me sesâiny kânâ me hnabadröu.

²⁰ Inya oge me khöû köu, ke u me ca ling nya bi: Oge me tot, ke u je bwele thibi könya.

²¹ U me hwân he ka oveci nya: U me sedö nya ge hwegien hnyamâm.

²² U je kop nya goranyai ka hnyi ang, u je kunö nya he ka tabâ e; U je öû nya hnyi höu.

²³ Anyin ae khanö nya a u me he ka lili nya ka hnyi mok, Me uma adre penapena hobi kâu tavat hia ae möt.

²⁴ Ke hawa ame he ka inâ hnyamen ka hnyi vetaûnyi! E ûcû at he ka tenge ge ta je ûnyi eling, eja ke ne adre ne ohia e.

²⁵ Hawa, oge me ca tenge can at waleji ame vec? A ca tenge hnyekuk can at ae ba ta ûnyi?

²⁶ Haba hnyi ûen oge me halubahingen so, me ame o bi könya ûnyi ae kong; Kʼ oge me labagejoâ lany, me ame o bi könya menekholom.

²⁷ A citröu hnyekuk, kʼ ame ca menâ bi; Ame o but je bonginy vec könya.

²⁸ Oge me ngenu tenge ke ba seûno: Oge me tot hnyi ûkhacaköu, me tenge hnân ûhadruo.

²⁹ Iny liamekeiny me je tanimo, Ke liamekeiny me je iaena.

³⁰ Ame lit ut unen unyik, kʼ ame kolu but gak, Kʼ adre hlöng ut je jeiok ge kahwa.

³¹ Anyin a wale adre me wia anyik kitara me me tenge bi, Ke anyik utkowi me me tenge thungaû bi.