Jobu 3 - Iaai Bible 1901 (New Caledonia)

¹ HWABAN e haba Jobu ame fuc dö me hangâ bongon bong.

² Ke haba Jobu ame fuc me ha, ka habe:

³ E so he ka mok bong adre hnöku nya hnyin, Me lit adre ha hnyin, ka habe, Adre erkinâ da.

⁴ E so e hnyinghet ut bong eling; Ca he bi Khong ka elâm e ûnyi ethö, Ke ca he ka omelamâ e ge melam.

⁵ E so ame he lit me hanon mok ka hom e: E so he ka tube e ge ûlâ; Me ootâ e ge menekholom hnyi jebigö.

⁶ Haba lit eling, me so he ka kât e hnen menekholom ae gan: Me me ca he ka hnyi senyin me ta je bonginy huna; Mʼ adre me ca be ka tha aû e me ta je tehi.

⁷ Wâ bi, e so he ka ba wan lit eling; Mʼ adre me ca he ka long hwan senyin hnyin.

⁸ E so he ka hangâ e hnen tavat adre me hangâ bong, Tavat ae khanʼ ödra he ka bwebwelâ leviathana.

⁹ E so e he ka udrem je okhûiny okubelit: Me elâm lany, ke ba bi; Ke ame ca he ka wâ li emakan hnyomakatu:

¹⁰ Anyin a e ame ca theling nya hnyi hnyeku bai, Me ikhâlâ vec ge li emakök.

¹¹ Ieû oge me ca mok gan ûnyi hnyi hnyeku bai? Ke ieû oge me ca mok gan hnyi bong oge me o ûnyi hnyi hnyeku bai?

¹² Kʼ ame kop nya hnen li jevan, geû? Me li basin, mʼ inye he ka ijem?

¹³ Ame ne helâng, me oge me ne mokut me ca bwebwet; Me oge me ne mokut hnying, mʼ inye menâ:

¹⁴ Tha inya me je than me je obotkonginy hmeledrany, Tavat adre me op je dok ae ba hnyin at, hnân hobi ködrin bi;

¹⁵ Ke je than a ödra tren gol, Kʼ ödrin e öunöngötâ umödrin je uma ge sileva:

¹⁶ Kʼ ame ne hiö nya helâ me da a koluʼ habu, kʼ adre ikhâlâ bi; Helâ me je mendring adre me ca wâ bi lany.

¹⁷ Kʼ ame ca he hmetu ka ovecʼ ödra eling ge tavat ae kong; Kʼ ame menâ bi eling tavat adre me sënyin.

¹⁸ Kʼ ame laba wia eling tavat adre me ca; Kʼ adre me ca long hmetu hwan at khene huliwa.

¹⁹ Houmonu eling tha e me at ae ûnyi hnathu; Kʼ ame gufa bi athnyaba ge tuhan.

²⁰ Hnân eû adre me ham melam ka at ame vec, Me möt ka at ae hlöuhlöu hnyok:

²¹ A hnyat adre me bemok, kʼ ame ca o bi ködrin; Kʼ adre me hiny me elâm ka wâ, hon je omjeû ae iyong;

²² A hnyat adre me ti senyin, Me hobâ, ödrin ka wâ erkemok?

²³ Ieû gadra adre me ham melam ka at, kʼ adre me oiyongâ deny gethen, At ame thelöng hnen Khong?

²⁴ Anyin a inya oge me mâng helâ me oge me han, Kʼ ame hingâlâ anyik tenge helâ me köiö.

²⁵ Anyin ame o but könya unyi oge me ti outen, Kʼ ame o but könya ûnyi oge me öbubuny gan.

²⁶ Oge me ca laba wia, me ta hau, kʼ oge; me ca menâ bi; Ke ame o thö hlohlo.