Jobu 26 - Iaai Bible 1901 (New Caledonia)

¹ HABA Jobu ame thu me ha, ka habe,

² U je hawa he ka hadruâ at ae ba maniny! Me omelö hnyam ae ba hwegien!

³ U je hawa he ka ûne ka at ae ba metâ Me haimemenâ gânâ metâ ae wisa!

⁴ U je hia but ha hofuc kö ia? Ke hanu ia waleji ame o ûnyi gam?

⁵ Ame öbubuny je komok Hmelen je köiö me tavat adre me labā e.

⁶ Ame he thu erkemok hnyi hnyimakan, Ke ba ûkhaûen hnaûhango.

⁷ E ame ulolo ke keihen ka hnyi hwadro hon ba onyen, Me uhno hmeledrany ka hnyi hon ba.

⁸ E ame lan köiö hnyi anyin je ûlâ ae khot; Ke ame ca mou bi ûlâ.

⁹ E ame bi haginy hnyimakan anyin theron, Me ulolo anyin ûlâ hon e.

¹⁰ E ame bi hnyigot hon köiö, Ke ne o but hnyigöulen lany me menekholom.

¹¹ Ame öbubuny je hmolominy drany Me uthmâhmâ ge ifucin.

¹² E ame omunâ köiö ge maniny man, Me kot hagutö Rahab ge anyin metâ.

¹³ E ame osoâ drany ge hanon; Ke hnyamen ame dâ on ame kec.

¹⁴ Wâ bi, wale je baten thibi deny je gethen: Ke otin e long hwan hwaulit ae ûhnyûkong! Ke ia ame wâ ûnykûme hwan thaniny maniny man.