Jobu 24 - Iaai Bible 1901 (New Caledonia)

¹ IEÛ can ame ca he Ataekhanahia ka thu je ûen? Ke hawa a gʼ ame ca wâ bongon je bong hnen tavat ae khanʼ ödra e?

² E hu keihen ödrin e oc je hnyigot; Ödrin e hûgûnâ je hnahat meno, me haödrin.

³ Ödrin e alen asina haleny nakahme, Me hom bolok haleny safac hnân haten.

⁴ Ödrin e osaûâ tavat ae theduoc ûnyi hnyi gethen: Haba tavat ae hnyikânâ eang hmelen me ödrin e lubaduöng.

⁵ Wâ bi, helâ me man je asinainy hnyebuba Ödrin e he but ka hnyi anyidrin je huliwa, me heleû ö ʼdrin; Haba hnyebuba ame oâ han hobi kâu lakudrin.

⁶ Ödrin e thu boh a ö ʼdrin hnyi hnyei, Kʼ ödrin e hlo je hnyei vine iny tavat ae monu.

⁷ Ödrin e mokut thu hnyi hnyinghet hia, e ba ûkhaûidrin, Ke ba tubidrin hnyi megic.

⁸ Ödrin e khubet ut ge we ûnyi hnyi hon bucen, Kʼ ödrin e delûâ kic anyin ae ba tungudrin.

⁹ E hu keihen tavat ödrin e hûgûnâ nakahme ûnyi hnyi ûlainy at, Me hom hnân haten ûnyi hnyi unyin at ae theduoc:

¹⁰ Me ödrin e he thu me ba ûkhaû, Ke ödrin e hom tilâ je thi hwit ge mekihnânem;

¹¹ Ödrin e owö wakaco hnyi hnyeuleny tavat eling; Ödrin e hlec je wan vine, ke odrin e beic bi.

¹² Tavat adre me mâng hnyi taun ae gan, Ke tavat ae aat adre me tenge: Ke Khong ame ca haiwisa a e monu bi.

¹³ Tavat eling ödrin hanen je hnyat degec melam; E ca khanʼ ödrin je getheniny, Ke ca vheno je deny.

¹⁴ Ame vesâ hnyi hnyomakatu at ublingö, me hlingâ at ae theduoc me at ae ba omjeû; Ke haba hnyi hnyinghet e ûcû e me at venöu.

¹⁵ Kʼ ame halubahingen hauhaotreng hnen emakan at bi ûnyi monu, Haingen, ka habe, e ba ecmak ame he ka ö nya: Ke e ame ikhölö hnyimak.

¹⁶ Hnyi lit ödrin e thö je uma: Hnyi lany ödrin e thelöng bi je hwanumödrin; E ca khanʼ ödrin bi lany.

¹⁷ Anyin ae ûcû ködrin hia haolany me hmenon mok; Anyin ae khanʼ ödrin je öbubunyin hmenon mok.

¹⁸ E ame logot hon je köiö; A hnaûhango but jekhöûdrin hnyi hnyei: E ame ca vheno hmetu bi gethen ka hnyi je hnyei vine.

¹⁹ Ame hia köien kiona anyin ae ba we ke hlöng bi: Helâe minya tavat ae kong ge erkemok.

²⁰ Ame he hinyen ka hnying ut e; e hnebwia but e ka wahnyöng; Adre me ca he hmetu ka ûnykûme e: Adre me he ka thu hwakecin ae ca wisa helâ me ûö.

²¹ E ame ohia omjeû anyin momo ae toûnyi wale ame ca hnöku bi; E ame ca ânyâ bi so ka safac.

²² E ame lelö tavat ae hwege minya ge maniny man: E ame todrö, me ba at ame gejon möt.

²³ Khong ame hna ködrin he ka laba hna hic, me me cidrin ling; Ke e bi li emakan hon dedrin je gethen.

²⁴ Adre me ogöranyi odrin; ke meokhaca me hiʼ ödrin bi; Eke, adre me ohnyïkânʼ ödrin, adre me hom degeci ödrin helâ me tavat hia, Me subʼ ödrin helâ me hwit.

²⁵ Ame ne ca hnathu e, me ewa at ame he ka ohwâdâ a iny at thoi, Me oûnyibaûâ hok hofuc?