Jobu 21 - Iaai Bible 1901 (New Caledonia)

¹ HABA Jobu ame thu me ha, ka habe,

² Long wia ju öbun hok hofuc; Ke wale hnân okaukahwö nya gabun.

³ Hokhnyoki nya ju, ke oge me he minya ka ha; Ke hwaban hnok hna ha, hluma bala ju.

⁴ Haba inya, hawa, oge me tenge ka at? Ke hnân eû oge me he ka hokhnyok?

⁵ Walö nya ang, lâiâ thö, Ke kât ju je hnyimöbun.

⁶ Haba hnyi je ûen oge me ûnykûme, me ame kong hnyekuk, Ke öbubuny ame kât ju unyik.

⁷ Anyin a ieû ae möt bi tavat ae kong, Me hingat ut, eke, ke gan tot manidrin man?

⁸ Adre me tha otilâ je mâtrânidrin mödrin hnyi hnyimaködrin, Me je lakudrin cici ödrin.

⁹ E hnahic ut umödrin je uma, ke ba ot, Ke ca e bi hnyi hudrin ösö anyin Khong.

¹⁰ Ame ûtakû haledrin bolok, ke ca gufa bi; Ame hnöku haledrin kau, kʼ adre ca kolu habû.

¹¹ Ödrin e kunâ je lakudrin helâ me hnahat mamoe, Ke je lakudrin ödrin e biâ.

¹² Ödrin e khumöng tha ödrin me bwiny bet me kitara, Me senyinâ ifucin utköwi.

¹³ Ödrin e laba sot hnyi bongudrin je bong, Me utut ka hnyi erkemok helâ me thuthubademak.

¹⁴ Ke so bi ödrin e ha ka Khong, ka habe, Ûsâkâûö but möhmun; E ca bewehmun he ka khana dem je gethen.

¹⁵ Ia Ataekhanahia mʼ ohmun e he ka bi athnyabainy? Ke ieû troban kohmun, ohmun ka he ka hic kâu?

¹⁶ Wâ bi, ca he bi hnyi hnyamödrin anyidrin sot: Ke ûsâkâû mönya je hna ûnykûme anyin tavat ae kong.

¹⁷ Adre me ove ume lamepa anyin tavat ae kong? Kʼ ame o but ka hnyi hudrin anyidrin ûokonguny? Kʼ ame ve khenâ je hlöuhlöu hnen Khong hnyi anyin hmonyin?

¹⁸ Mʼ ödrin e tha ûcû me thatûnyin hwit ame tûâ ang, Ke helâ me unen hwit ame tûâ degecâ höu?

¹⁹ Öbun e ha, ka habe, Khong ame hip anyin je hulo hobi kâu lakon. E so e ame bi hwaban kâu bi, me me khana e.

²⁰ E so ame he li hing emakan ka wâ ûkonguny, E so e ame ijem hmonyin anyin Ataekhanahia.

²¹ Anyin a ewa anyin senyin ka anyin lap hwaban e, Hnyi ûen adre hia but subâ degecâ ûseiny je tehiny hnyi wanben?

²² Ewa at ame he ka ometâ Khong? Anyin a e ame owisa ka tavat ae beönua.

²³ Ame mokcu ke at hnyi tang hwegien ae bekhot, Ke ti hnahic kʼ ame laba so:

²⁴ E lup hmonyin li basin ge dân Kʼ ame menyik onyen je jeien.

²⁵ Ke ame mokcu ke at bi hnyi vecin hnyekon, Kʼ ame ca han ûnyi ae so.

²⁶ Ödru me tha mokut eû hnyi kânâ, Kʼ ödru tha iyong ut ge je wahnyöng.

²⁷ Wâ bi, e khanö nya hnobun je hna ûnykûme, Me anyibun je bihihwakecin hnân okongu nya.

²⁸ Anyin a haingöbun, Ewa uma umen than? Ke ewa uma mano waleji ame laba hnyin tavat ae kong?

²⁹ Hawa, öbun e ca hnö tavat adre me vheno gethen? Ke e ca khanʼ öbun je hatödrin?

³⁰ A gʼ adre ip at ae kong hobi kâu bonginy hlöuhlöu? Me adre me hom e hnyi bonginy hmonyin.

³¹ Ia ame he ka haimemenâ deny gethen hnyi hnyimakan? Ke ia ame he ka bi hwaban kâu hnen hna ânyâ?

³² Ke so bi adre me he ka hom e ka hnyi erkemok, Me tuö e hnyi hon,

³³ Ame he ka hnebwia kân kânâiny thop, Ame he tavat hia ka he hoton, Ke ca hnân bi aû tavat adre bödra,

³⁴ Öbun a kâmâu ka otubweli nya, ke ûnyi baû, Ke haba hnobun hna thu hawa, ca wale thibi je thoi?