Jobu 20 - Iaai Bible 1901 (New Caledonia)

¹ HABA Zofar at Naamathi ame thu me ha, ka habe

² Anyin a wale, ame thu könya bi hnok je hna ûnykûme, Ûnyi ge belogot wale eû hnyi hnyekuk,

³ Oge hia but long û, kʼ ame ohmehmö nya bi, Kʼ ame thu könya hanon ûnykûmânök.

⁴ Hawa, e ca manen köu ûnyi ang, hwân ehac, Hwân hnyi hna ip at eang hmeledrany,

⁵ A e okhulit thibi hna hobâ hnen tavat ae kong, Ke thuthubademak senyin anyin tavat adre me ca ot?

⁶ Eja ke ne a ne gorany anyin hmanenang ke ne o thö hnyi drany, Me kâlâ je ûlâ ge ban;

⁷ E ame he ka hia balua but helâ me tiny bi tatet: Kʼ ame he tavat waleji adre me wâ e ka ha, ka habe, Ewa?

⁸ E ame he ka hia helâ me bwi, mʼadre me ca he hmetu ka wâ e: Eke, adre me he ka hnu degecâ e helâ me hna omanenâ hnyi hnyinghet.

⁹ Haba emakan at waleji ame wâ e, mʼame ca he hmetu ka wâ e; Kʼ ame ca he hmetu hnen hna mokut ka wâ e.

¹⁰ Ame he lakon ka heleû so unyin tavat ae theduoc, Kʼ ame he li hnyamen ka ham hmetu tang omjehen.

¹¹ E unöngötö je jeien ge anyin hidröu, Ke so bi ame he ka tha mokut mē eû hnyi kânâ.

¹² Eja ke ne a ne hnebwia hulo hnyi hnyimen, Eja ke ne a ne oiyongâ e hmelen bohmen;

¹³ Eja ke ne a ne betenge gan, kʼ ame ca he ka degec e, Kʼame ne behânâ e balua hnyi hnyimen;

¹⁴ Ke so bi ame he an jeû ka wia eû hnyi hnyekon, Me me dân je asip bi eû hnyin.

¹⁵ E ame hia but utâ je omjeû, kʼ ame he bi ka hmita hmetu: Kʼ ame he Khong ka degecâ ûnyi eû hnyi hnyekon.

¹⁶ E ame he ka cem ûnyi hnân mekiny anyin je asip: Kʼ ame he bohmen vaipa ka hlingâ e.

¹⁷ E ame ca he ka wâ je wagewe, Wale hani me bata ame hingölö.

¹⁸ E ame he ka ham hmetu ûnyi a huliwan, kʼ ame ca he bi ka utâ; Kʼ ame ca he bi ka senyin hoton anyin ta ûnyi.

¹⁹ Anyin a e ame hia but okongoâ me hna degecâ tavat ae theduoc; Kʼ ame hia but hûgûnâ uma a ca otilânen.

²⁰ Anyin a e ame ca menâ ge monu eû hnyi hnyekon Kʼ ame ca he ka hip kolon ta ûnyi e ame hnyok kâu.

²¹ E ba kolon waleji e ame ca han dö; Anyin a wale ame ca he ka tethmâ anyin sot.

²² E ame he ka theduoc, hnyi ûen e ame unöngötö ge omjeû: Kʼ ame he tavât ae hlöuhlöu ka hai hnyamödrin kâu.

²³ E ka tiga he ka sekon, Kʼ ame he Khong ka kunâ kâû anyin hmonyin ae hwege, Me hingölâ ka hnyi hon, e ka tiga han.

²⁴ E ame he ka kec ge ûnyi hnân vat a fao, Kʼ adre me he ka fana e ge cafana bras.

²⁵ E ame oc ut, me ok ut ûnyi hnyi unyin: Eke, e ame ok ut homakan ae hadröngöc ûnyi hnyi waadainy; Kʼ ame tabâ e hnen ta je ûnyi hnân outen.

²⁶ Adre me hip menekholom hia hobi kâu tang omjehen: Ame he meic ka aû e, a ca ûnyi ge at; Kʼ ame he ka an je kolon hnyin umen uma mano.

²⁷ Ame he drany ka omanenâ hwakecin ae kong, Ke ame he hmeledrany ka tot metâ kâu.

²⁸ Ame he ka hia tang omjehen umen uma, Kʼ ame he ka hingölâ degecâ hnyi bonginy anyin hmonyin

²⁹ Wale jekhon at ae kong ûnyi ge Khong, Me hna khenâ kâu hnen Khong.