Jobu 13 - Iaai Bible 1901 (New Caledonia)

¹ WÂ bi, a wâ but emakök ta je ûnyi hia eling, A long ut hnyikönyök me wâ ûnykûme e.

² Haba ûnyi ae khanʼ öbun, e khanö nya minya: Iny ca ûhnyûkong hmelibun.

³ Iny na he ju ka fuc ka Ataekhanahia, Iny bewek he ka ûhnenamö me Khong.

⁴ Ke öbun tavat sit hofuc thoi, Ke öbun tavat tren bubun hia ae ûnyi baû.

⁵ Öbun na he ju ka laba hnyibû! Me me manen dut anyibun metâ.

⁶ Long ju walang ang anyik ûhnenamö, Ke tevehlöng ju ûivinöik.

⁷ Hawa, öbun e he ka ha ûnyi ae kong he ka bi hien Khong, Öbun e he ka fuc thoi he ka bi hien?

⁸ Öbun e he ka bi so kâu? Öbun e he ka ivinö hobi kâu Khong?

⁹ Hawa, e so e he ka elâm bongubun? Ke hawa, öbun e he ka iyawâ e, helâ me hna iyawâ at?

¹⁰ E hnathu e ame he ka thawʼ öbun, Öbun e ne wâhmakhmeto duöngâ tavat.

¹¹ Hawa, ame ca he hmanenanginy ka oti öbun, Ke ame ca he ka o köbun hna outen e?

¹² Haba hobun je hofuc hnân ûnykûme, me helâ me vejeciny hnabadröu, Ke haba anyibun je hnabâ, me je hnabâ kânâ ae kece.

¹³ Laba hnyibû ju öbun gak, mʼ inye he ka fuc, Eja ke ne a ne o but könya ke je ûnyi bi.

¹⁴ Anyin a ieû oge me be ka oloû vik ge je nyuk, Me ip ju melik hnyi hnyamok?

¹⁵ Eja ke ne a ne hlingö nya, oge me he ka halubahingen: Ke so bi oge me he ka haisoâ dek je gethen hnyi hnyimakan.

¹⁶ Haba ûnyi e, me ame he ka omeli nya; Anyin a haba at ame ca ot, me ame ca he ka o ka hnyi hnyimakan.

¹⁷ Tevehlöng wia ju ifucik, Ke so ame dit ka hnyi je hnyikönyöbun hnok hna omanenâ.

¹⁸ Wâ bi, oge hia but penapena anyik ûhnenamö, E khanö nya a gʼ adre me he ka haiwisö nya.

¹⁹ Ie at ame he ka ivinö mönya? Anyin a oge ne laba hnyibû, me oge me he bi ka mok.

²⁰ Haba lo thibi li ûnyi u me ca he ka ânyâ könya, Mʼ oge me ca he ka ikhölö nya bi hnyi hnyimâkâm:

²¹ Hom dö hnyamâm gak, Mʼ oge me ca he ka outen ânyâm ta je ûnyi hnân outen.

²² Me u ma hongot, me oge me he bi nya ka ieû; Ke hnö nya bi he ka fuc, me u me he ka thu könya.

²³ Ve ûseiny anyik ta je monu me anyik ta je hulo? Omanenâ thö könya hnok hna hanyâûâ me anyik hulo.

²⁴ Anyin a ieû u me ikhâlâ hnyimâkâm, Me ûnykûme a iny iwahnaihmiony dut möu?

²⁵ U me he ka hwege ka lan ûö ame tûâ ge ang? Ke u me he ka hnu tilâ thatûnyin hwit ae meleca?

²⁶ Anyin a u me sihnalimen ta je ûnyi ae hmak gak, Me oâ könya anyik ta je hulo, waleji kʼ iny tiga wanakat:

²⁷ U je ohmâ li cak hnyi ûö, me bi haten dek je gethen hia; U je bi baten ka hnyi li hnyeûcak:

²⁸ Ke iny helâ me ûnyi ae bobot ame aû but, Helâ me ûkhaû ame an hnen nokon walelaba.