Jobu 10 - Iaai Bible 1901 (New Caledonia)

¹ OGE me sënyin dut ge melik; Oge me ca he bi ka thawâ anyik tenge; Kʼ oge me he ka fuc hnyi hinyin hanuk.

² Kʼ oge me he ka ha ka Khong, ka habe, Ca he ka haikongu nya; Omanenâ thö könya can u me û nya gan.

³ Hawa e so köu mʼ u me he ka seda, Mʼ u me he ka hûkotiâ huliwa anyin li hnyamâm, Me ohnahicâ ûhnenamö anyin tavat ae kong?

⁴ Hawa, li emakan at li emâkâm, Ke u me wâ helâ me ibwelien at?

⁵ Hawa, e ûcû bongom je bong me je bong bongon at, Ke e ûcû hunaiâm me je bong bongon at,

⁶ Me u me hnö anyik hulo Me elâm anyik monu;

⁷ Ke so bi e khanö u a inyʼ ca at ao kong; Ke ba at ame he ka hûgûnâ ûnyi hnyi hnyamâm?

⁸ Haba li hnyamâm a huliwön nya, me up nya, Hnyi je ke keihök hia; ke so bi u me he ka ohiö nya.

⁹ Ö u ûnykûme ju a u je up nya helâ me kânâ ae kece; Ke hawa, u me he ka ohmetu nya ka hnyi kânâ?

¹⁰ Hawa, u je ca hingölö nya helâ me dân basin, Me owahmai nya helâ me fromage?

¹¹ U je okhaûo nya ge unen me viny, Me ûöhmâköuönya ge je jö me toiny.

¹² U je hia but ham könya möt me ibetengiö, Ke u je tuö hanuk ge hnâm hna senö nya.

¹³ Ke u je ikhâlâ ta je ûnyi e eû hnyi hnyekom; Ke e khanö nya a ka e bi e unyâm:

¹⁴ Oge ne ânyâ hulo, u me bi hatök Ke u me ca he ka hnö nya but ge anyik hulo.

¹⁵ Og ne at ae kong, ekölö gak! Ke oge ne at ae wisa hwakecin, me oge me ca he ka ogöranyâ bök; E gan hmâ anyik hmehma, Me oge me wâ anyik vec.

¹⁶ A ne hamen bök he ka ogöranyâ e bi, u je hnu nya helâ me liona: Ke u me he ka ânyâ hmetu könya je ûnyi hnân lâiâ.

¹⁷ U je hom gaga je hnyat gam, ödrin e haikongu nya, Me bi hanen ânyâm hmonyin könya; Kʼ ame o but könya je ûnyi ae ve bongon me vat.

¹⁸ Ieû u je oi nya gan ûnyi hnyi hnyeku bai? Iny na mokcu ehac, kʼ adre ca ō nya!

¹⁹ Me inye ba, me ca möt bi; Kʼ adre me kop nya ûnyi hnyi hnyeku bai ka hnyi erkemok.

²⁰ Hawa, e ca wakhalet biju bonguk ta je bong? awe, soju, Më hnö nya but, me inye menâ thö hnyi ong ûen,

²¹ Kʼ inye tiga ca he ka hnyi dok adre me ca hmetu ûnyi hnyin, Wale hnyei ae menekholom me hmenon mok;

²² A hnyei ae ti menekholom hmonyin, helâ me menekholom cici; A hnyei iny hmenon mok, ae ba hwe-nöniny, Kʼ ame helâ me menekholom bi lany.