Jobu 1 - Iaai Bible 1901 (New Caledonia)

¹ E HU ke at hnyi hnyei Uza, Jobu ien; ke bekhot me wisa hwakecin, e at ame outen Khong me ûsâkâûö me hulo.

² Ke adre me hnokoâ lakon ta baga a seven, ke kun ta hlu.

³ Ke haba haleny omeno me seven thauzan je mamoe, ke theri thauzan je kamela, ke faiv haded je ûcû lo bolok, ke faiv haded je asina momo, ke ti se hia lathnyabainy; me me beönua at eling hon tavat hia aten e deiö.

⁴ Ke ame labö he lakon je baga he ka ve bijeûâ hnyi umö-drin bi je uma hnyi bongudrin je ve bong; kʼ ödrin e hawâ ta lahanidrin a kun he ka hnyi han me ic.

⁵ Ke ame um dö je bonginy tha han, me haba Jobu ame ûkhû-nöng he ka okabi ödrin, ke e ame vesâ hnyi hnyomakatu, me hudo je hudiny leû hoton ûseidrin: anyin a haingö Jobu, ka habe, Ame ne ânyâ hulo ge lakuk, me haikongoâ Khong eû hnyi je hnyekudrin. Haba Jobu ame ânyâ helâe bala.

⁶ Ke ame o but ke bong wale ame o hnyin lakon Khong he ka tot hnyi hnyimakö Iehova, kʼ ame tha o but Satana mödra.

⁷ Ke haba Iehova ame ha kö Satana, ka habe, Ûhem ua? Me Satana ame thu kö Iehova, ka habe, Ûhek hnyi hna ngeno hmeledrany, me vheno e.

⁸ Haba Iehova ame ha kö Satana, ka habe, Hawa, u je wâ ûnykûme athnyabaik a Jobu, anyin ae ba ke at ae ûcû mē eang hmeledrany, at ae ti so hwakecin ke wisa, at ame outen Khong, me ûsâkâûö me hulo.

⁹ Me Satana ame thu kö Iehova, ka habe, Hawa, e ba troban hna outen Khong ga Jobu?

¹⁰ Hawa, u je ca hwö hak igigilo e, ke igigilo hnyaban, ke igigilo anyin ta je ûnyi hia hnyi je ke keihen hia? u je hia but ohnahicâ anyin huliwa, me osehia haleny je meno hnyi hnyei.

¹¹ Ke so bi hai thö benyâm walang ang, me mâdrâ anyin ta je ûnyi hia, me e ame he ka haikongu u hnyi hnyimâkâm.

¹² Me haba Iehova ame ha kö Satana, ka habe, Wâ bi, e but anyin ta je ûnyi hia tbithö hnyi hnyamâm, ke so bi u ma ca he ka hai hnyamâm ka hnyi hon unyin bi. Me haba Satana ame he but ûheny hnyi hnyimakö Iehova.

¹³ Ke hnyi ke bong hnyi ûen ame han me ic waina lakon je baga me lakon je hlu hnyi uma umen tuhödrin,

¹⁴ me ame o but ûthumetu kö Jobu, me ha, ka habe, Ame hwio kânâ hnen je bolok, ke e hakekeny ködrin je asina momo ödrin e ban:

¹⁵ me haba at Sheba ödrin e utut, me hûgûnʼ ödrin; eke, ödrin e hia but kot je athnyaba ge hele vat; ke inya thiju ang kolon oge me thumetu u.

¹⁶ Ke e ame tiga fuc, me ame o but ke at me ha, ka habe, Ame kolu but meic hlogon Khong ûnyi hnyi drany, me thong degecâ je mamoe, me je athnyaba, me ohiʼ ödrin; ke inya thiju ang kolon oge me thumetu u.

¹⁷ Ke e ame tiga fuc, me ame o but ke at me ha, ka habe, Haba at Kaledaia ödrin e vesâ me me kun ta deö vat, me utut ka ta je kamela, me hûgûnʼ ödrin, eke, me kot ta je athnyaba ge hele vat; ke inya thiju ang kolon oge me thumetu u.

¹⁸ Ke e ame tiga fuc, me ame o but ke at me ha, ka habe, Adre me ban me ic waina lakom je baga me lakom je hlu hnyi uma umen tuhödrin:

¹⁹ ke wâ bi, ame o but ang ae gan hmâ ûnyi hnyi hnyebuba, me tûâ vak ta kopiny uma, me ame û takoû je hidröu, me Ödrin e mokcu; ke inya thiju ang kolon oge me thumotu u.

²⁰ Haba Jobu ame todrö me kia but anyin ûkhaû, me giâ ban, me ta ju hnyikânâi me khudrung;

²¹ me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

²² A ca ânyâ hulo Jobu hnyi ta je ûnyi hia eling, ke e ame ca haunonoâ Khong.