Je tenge anyi Jeremi 5 - Iaai Bible 1901 (New Caledonia)

¹ IEHOVA lö, ûnykûme ju ûnyi a o kohmun: Bwele ju me wâ hna haikongu ohmun.

² Adre hom ihmun hobi kâu ta je atkanyua, Me umöhmun je uma hobi kâu aten ke je hnyei bi.

³ Ohmun je nakahme, me tavat a mokcu kamen, Haba je lahinyöhmun me helâ me je safac.

⁴ Ohmun e hia but ijem belihmun je an hwaban mone; Ke ohmun e bi hwaban kodra hlöguhmun je uto.

⁵ Tavat adre me hnu ohmun adre me tot hon je nyihmun: Ohmun e sēnyin, me ca menâ bi.

⁶ Ohmun e hia but ham hnyam me nom ka at Aigupito, Me at Asuria, me me hnyi sekuhmun.

⁷ A hia but monu je lakamöhmun, me hiʼ ödra but; Ke ohmun e hia but hanö obiny anyidra ta je hulo.

⁸ Je athnyaba adre me musi ohmun: Ke ba at he ka hûgûnʼ ohmun hnyi je hnyamödra.

⁹ Ohmun e bi ö ʼhmun, me ohmun e ne mokcu, Can hele vat hnyi hnyebuba.

¹⁰ E hlit ut unen je unyihmun helâ me wahnainyâ Anyin ae hoc hmiâ.

¹¹ Adre me okongoâ omomo hnyi Ziona, Me wahlu minya hnyi je tauniny Juda.

¹² Adre me uhno je taben waleji adre noc je hnyamödra: Ke adre me ca ogânâ bi hnyimakan wahingat.

¹³ Adre me hom wabidröu he ka khin hwit, Ke haba je da adre me ta hmelen je uto adre hom.

¹⁴ E ba but wahingat hnyi je homagöule, Ke soju khumöng anyin wahidröu.

¹⁵ E ba hmetu senyin hnyi ta je hnyekuhmun, Adre me wia anyihmun bibiâ me me hlöuhlöu bi.

¹⁶ Ame kolu but korona ûnyi hnyi hon ta je böhmun: Ekölö gahmun walang ang! anyin ae kong ut hwakecihmun.

¹⁷ Anyin a wale, e sēnyin dut hnyekuhmun; Ke can ta je ûnyi eling amo hadedak ta je emaköhmun.

¹⁸ Can bucen Ziona, wale ae ba wan; Je alope adre me vheno e.

¹⁹ Iehova lö, u at ame laba nyiele balua; E bi ânyâm theron ke ne o but hnyi ke dö me ke dö.

²⁰ Anyin a ieû u je hnying ohmun bala, Me hnʼ ohmun hnyi je bong helâe, ae se hia hmonyin?

²¹ Iehova lö, ohmetu ohmun ju köu, me ohmun e hmetu ju; Ohâtâ thö bonguhmun ta je bong helâji me ehac.

²² Ke so bi u je hia but ti hna degeci ohmun, U je hmonyâm hmonyin kohmun.