Je tenge anyi Jeremi 4 - Iaai Bible 1901 (New Caledonia)

¹ NAKAINY gol ae udrem but! a hwio but gol ae so! Adre hingâlâ je vetoiny dok ae kap hnyi je hna saû hia.

² Je lakon Ziona ae ûnyi hnathu, ödra tha ûcû me gol ae so, Nakainy hna oûcû ödra me ta je kaia kânâ, huliwa anyin at ame up kaia.

³ Je luko adre me ham je basidra, ke ame ijem ta je lakudra: Ke haba hlu nokon lakeik ame beovecâ helâ me je iaenainy hnyi hnyebuba.

⁴ Ame kece bohmen mendreng ka hnyi ecngödiny ge beic: Ta je wanakat adre me sumatö jeû, ke ame ca subâ kodra hnen ke at.

⁵ Haba tavat adre me han so, me adre me hake laba hnyi je gethen: Haba tavat adre me hat hnyi mano ae dra, me adre me deluâ je hna digic thatûnyi.

⁶ Anyin ae gan hmâ hulo anyin hluiny ik hnyei hon hulo anyin Sodoma, Waleji adre ohia helâ me thuthubademak, ke ba hnyam ame hinöbenyn ka hnyin.

⁷ Ame alae but anyin je taben hon kiona, ke hau hon debai, E hngihngidra je ûnyidra hon je penina, haba ûhadröngöcidra helâ me safairo:

⁸ Ke hlit je unyidra hon walep; adre me ca wâhmakhmetu ödra bi eû hnyi gethen: Ame kece thö unyidra ka hnyi je jeiödra; adre me meleca thö, ke helâ me uci.

⁹ E so tavat adre me hlingâ ge hele vat hon tavat adre me mok ge hmiâ; Anyin a ödra aû but, adre kot moko, anyin a ba but wan kânâ.

¹⁰ Haba je momo betenge adre me thân je hing lakudra ge je hnyamödra bi; Adre me ön ödra hnyi hna ohiainy hluiny ik hnyei.

¹¹ Haba Iehova ame ohwâdâ anyin hmönyin, me hingâlâ anyin wathethot ae gan; Ke e ame hia but hû meic hnyi Ziona, waleji ame thong degecâ je taben e.

¹² Ame ca ûnykûme je thaniny hnyei me tavat adre me labâ hmeledrany, A gʼ ame he ka dit hnyi homagouleny Jerusalema iwahnaihmiöny bi ke at ame tot metâ.

¹³ Can hulo anyin je perofetainy, me hulo anyin tavat bihut, Hnyat adre hia but hingâlâ dra dren tavat ae wisa hnyi wanben e.

¹⁴ Adre me ngenu helâ me wadröu hnyi je gethen, adre me kong ut ge dra, Me me ca khana at he ka kâlâ je khaûödra.

¹⁵ Adre me hongot kodra, ka habe, He thʼ öbun ae ikiki I he thö, he thö, ca kâlâ bi: Hnyi ûen adre me kec ut ke he monu, me haingen tavat aten ta je hnyei, ka habe, Adre me ca he hmetu ka me laba eang.

¹⁶ Ame hia but ovesei ödra hnen hmonyin anyi Iehova; e ame ca he hmetu ka ûnykûmi ödra bi: Adre me ca okabâ hnyimakan tavat bihut; kʼ adre me ca betenge ge wahingat.

¹⁷ Ame dit je emaköhmun ge hnöhmun hna elâm ûhadruöhmun ae ûnyi baû. Hnyi hnöhmun hna hmak ohmun e hia but hmâkâ ke hnyei ae ca khana he ka omeli.

¹⁸ Adre me cet je nyeûcahmun, me ca khanʼ ohmun he ka vheno dehmun je gethen: E hakekeny jut obiny kohmun, a bekhot ut bonguhmun ta je bong, anyin ame o but obiny kohmun.

¹⁹ E logot tavat adre me hnu ohmun hon ta je aetöiny drany: Adre me hnu ohmun hon je bucen, adre me khöu mokut hnyi hnyebuba kohmun.

²⁰ Haba hna menû hnyi je hnyingöihmun, wale a hû Iehova, me ame didrut hnyi anyidra je thop; Waleji at ohmun e ha gan, ka habe, Ohmun e he ka mot unyin je hnyei hnyi hmelen hmenon.

²¹ Senyin dö me hobâ thö, u hluiny Edoma, at ame laba hnyi Uza: Ke ame he ka o köu minya kaia; u me he ka monu ge grâg, me he thu ka ûnyi bi gam.

²² Hluiny Ziona lö, a hwâdâ but hna bi hwaban ânyâm hulo; E ame ca he hmetu ka hwenbö u ehele: Hluiny Edoma lö, e ame he ka senâ ânyâm hulo; E ame he ka omanenâ je hwakecâm ae kong.