Je tenge anyi Jeremi 2 - Iaai Bible 1901 (New Caledonia)

¹ NAKAINY hna okhömetâ hluiny Ziona hnen Than hnyi anyin hmonyin! E ame hia but khûâ ûnyi hnyi drany hmanenanginy Isaraela ka hnyi hmeledrany, Ke ame ca hia but ûnykûme taben hnyeûcan hnyi bonginy anyin hmonyin.

² A hia but Than utâ je hnyaba Jekob hia, ke ame ca betenge bi; E ame hagutâ hnyi anyin hmonyin je hnabâ anyin hluiny Juda; E ame tha ohonâ me kânâ: E ame oikikiâ dokhu me je thaniny.

³ E ame hia but subâ degecâ hnyi anyin hmonyin faoiny meno hia anyi Isaraela; E ame hia but oc hmetu benyin a metân hnyi hnyimakan je iwahnaihmiöny: E ame hia but thung Jekob helâ me meic ame ubâhlâ, at ame han igigilo.

⁴ E ame hia but lau anyin cafana helâ me iwahnaihmiöny, kʼ ame tot helâ me at vat ame hai hnyamen a metân, Me hlingâ hia tavat ae kese at ka wâ: E ame hingâlâ anyin hmonyin helâ me meic hnyi uma mano umen hluiny Ziona.

⁵ Ke helâke e iwahnaihmiöny Than, e ame utâ Isaraela; E ame utâ je uma hia umen than, e ame ohia anyin je hnabâ: Ke e ame hia but osehia tenge me tenge thungaû ka hluiny Juda.

⁶ Ke e ame hia but hûgûnâ hwegiâ umen uma menâ, helâke uma menâ bi hnyi ta hnyei; E ame hia but ohia dok adre me ûkhacaköu hnyin: Haba Iehova ame ohnyingâ hnyi Ziona ûkhacaköu ae ûnyi hnathu, me sabath, Kʼ ame hûkotiâ than me at bihut hnyi anyin hmonyin ae gan.

⁷ Haba Than ame hia but hota degecâ taben hut kâu, e ame hia but ikikiâ anyin dok ae kap, E ame hia but hna ka iwahnaihmiöny umen je uma ae mec: Adre hia but mede hnyi uma umo Iehova helâ me bong ûkhacaköu ae ûnyi hnathu.

⁸ Iehova ame hia but ûnykûme he ka ohia hna up veto anyin hluiny Ziona; E ame hia but lelö tulut, e ame ca thu hmetu hnyamen hnyi hnen hna ohia: Ke e ame kunâ singiny me hna up veto he ka tenge; kʼ ame tha sēnyin.

⁹ Ame dit bi je homagouleny ka hnyi kânâ; kʼ ame ohia me oamamâ je ohmâiny: E but je thaniny me je taben hnyi je hnyei ae ba hnanyibu gadra; Eke, adre me ca wâ bi hnen anyin je perofeta hna omanenâ ûnyi ga Iehova,

¹⁰ Haba wahingatin hlu Ziona adre me laba hnyi kânâ, adre me hnyibû; Adre hia but konâm je bödra ge kânâ; adre hia but weikâ ecmano ae gan nân: Je wahluiny Jerusalema adre me nom hnyikânâi.

¹¹ A didrut li emakök anyin tenge, ame bwebwet hnyekuk, Ame hingölö akik hnyikânâi, can hnödra hna okongoâ hlu nokon lakeik; Anyin ame ta mok hnyi getheniny taun je wanakat me je mendreng adre i.

¹² Adre me ha ka lahinyödra, ka habe, Ewa hwit me waina? Ödra ka ta mok helâ me at ae aat hnyi je getheniny taun, Me ödra ka hingâlâ je hanudrin hnyi ûlainy je lahinyödra.

¹³ Ieû oge me he ka ohnathu köu? ieû oge me he ka oûcû u më hluiny Jerusalema? Ieû oge me he ka oûcû u më he ka otubweli u, hlu nokon Ziona? Anyin ae gan hmâ hnâm aat helâ me köiö: ie at ame he ka okhötâ hmetu?

¹⁴ Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

¹⁵ Adre me khöûkhöû hnyam köu tavat hia adre me vheno unyâm; Adre me jû me nyinyikâ je bödra ka hluiny Jerusalema, haingodra, ka habe Hawa, wale taun adre me labö ha, ka habe, E beönua hmanenanginy, ame senyinâ hnen hmeledrany hia?

¹⁶ Adre hia but memang köu ta je iwahnaihmiony hia möu; Adre me jû me höchnyu me ha, ka habe, Ate hia but utʼ ödra; E hnathu walang bong ate me labö lubahingen; ate me elâm me wâ.

¹⁷ A hia but Iehova ânyâ waleji hnen hna ûnykûme; E ame hia but ohwâdâ hwan hofuc waleji e ame hûna hnyi ta je bong kâû adrem; E ame hia but kia, me ca betenge bi: Ke e ame osenyinâ iwahnaihmiony hom, Me ogöranyâ faoiny meno anyin je tavat adre me tot köu.

¹⁸ Haba je hnyekudra ame tenge ka Than: Hna up veto anyin hluiny Ziona lö, e so e hingölö li deköiö helâ me wagewe hnyi lany me lit; U ma ca menâ ju; e so e me ca soju wan emâkâm.

¹⁹ Todrö, hongot dö hnyi hnyinghet hnyi je hna hmak a bân; Hingâlâ but hnyekom helâ me köiö hnyi hnyimakan Than; Hai thö kâu li hnyamâm ge melen lakom a je wanakat, Wale adre me ta mok hnen hmiâ hnyi je hna saû hnen je gethen hia.

²⁰ Iehova lö, wâ ju, me ûnykûme ju waleji ge hnâm hna ânyâ e kâu! Hawa, ame he ka he bi je momo ka an ta je troban gadra, a je lakudra adre bwebwelâ hnyi li hnyamödra? Hawa, adre me he ka hlingâ at bihut me perofeta hnyi dok ae kap anyin Than?

²¹ Wahidröu me wahingat adre me mokut hnyi kânâ eû hnyi gethen; Anyik wahlu me wahidröu adre me ta ge hele vat: U je hia but hlingʼ ödra hnyi bonginy ânyâm hmonyin; u je hia but kot me ca betenge bi.

²² U je hia but hawâ helâ me hnyi bonginy ûkhacaköu ae ûnyi hnathu, ta je ûnyi hnân ooti nya igigilö, Ke ba at ame kec mot me kolon hnyi bonginy hmonyin anyi Iehova: A hia but oâûâ hnen iwahnaihmiony mönya tavat waleji oge me kap me hat.